Related Contents

ବିଦ୍ୟୁତ ଆଘାତରେ ସ୍ୱାମୀ ମୃତ, ସ୍ତ୍ରୀ ଓ ଝିଅ ଗୁରୁତର

ଲୋଇସିଂହା (ବିମଳେନ୍ଦୁ ସାହୁ )-ବଲାଙ୍ଗୀର ସଦର ଥାନା ତଥା ଲୋଇସିଂହା ବ୍ଲକ ବାଦୀମୁଣ୍ଡା ପଂଚାୟତର କୁଟୁରାପାଳି ଗାଁରେ ଆଜି ଅପରାହ୍ନରେ ବିଦ୍ୟୁତ ଆଘାତରେ ଜନୈକ ଯୁବକର ମୃତ୍ୟୁ ଘଟିଛି । ତାଙ୍କୁ ବଞ୍ଚାଇବାକୁ ଯାଇ ମୃତ ଯୁବକଙ୍କ ସ୍ତ୍ରୀ ଓ ଝିଅ ଗୁରୁତର ଥିବା ଜଣାଯାଇଛି ।

ସୂଚନା ମତେ, କୁଟୁରପାଲି ଗାଁର ମଙ୍ଗଲୁ ଧରୁଆ(୩୫)ପଙ୍ଖା ଚଳାଇବା ପାଇଁ ସୁଇଚ ଦେବାକୁ ଯାଉଥିବା ବେଳେ ଘର କବାଟ ଫାଙ୍କ ଦେଇ ଯାଇଥିବା ୧୧ କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଯାଇଥିଲେ । ତାଙ୍କୁ ବଞ୍ଚାଇବାକୁ ଯାଇ ତାଙ୍କ ସ୍ତ୍ରୀ କୌଶଲ୍ୟା ଓ ଝିଅ ରାଜେଶ୍ୱରୀ(୩) ଗୁରୁତର ଆହତ ହୋଇଥିଲେ । ପରିବାର ଲୋକେ ସମସ୍ତଙ୍କୁ ଲୋଇସିଂହା ଡାକ୍ତରଖାନାକୁ ଆଣିଥିଲେ ହେ ସେଠାରେ ଡାକ୍ତର ମଙ୍ଗଲୁଙ୍କୁ ମୃତ ଘୋଷଣା କରିଥିଲେ । ଉଭୟ କୌଶଲ୍ୟା ଓ ରାଜେଶ୍ୱରୀଙ୍କୁ ବଲାଙ୍ଗୀର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବାବେଳେ ରାଜେଶ୍ୱରୀ ଙ୍କ ଅବସ୍ଥା ଗୁରୁତର ଥିବା ଜଣାଯାଇଛି । ମୃତକଙ୍କ ପରିବାରକୁ ସରକାରୀ ସହାୟତା ଯୋଗାଇ ଦିଆଯିବା ସକାଶେ ସାଧାରଣରେ ଦାବି ହେଉଛି ।

Comments are closed.