ଧାନ କଟା ମେସିନ ଜଳି ଗଲା-ସର୍ଟ ସର୍କିଟ ସନ୍ଦେହ

ଡୁଙ୍ଗୁରିପାଲି(ରତ୍ନାକର ସେଠ): ଡୁଙ୍ଗୁରିପାଲି ଅଂଚଳରେ ହୀରାକୁଦ ଜଳସେଚିତ ଅଂଚଳ ହିଥିବାରୁ ଏଠାରେ ରବି ଋତୁରେ ଧାନ ଚାଷ ହୋଇଥାଏ |ଏହାକୁ ଆଖିରେ ରଖି ଏହି ଅଂଚଳକୁ ଅନେକ ଗୁଡିଏ ଧାନକଟା ମେସିନ ଆସିଥାଏ |

ଅଦିନିଆ ପାଣିପାଗ ତଥା କଲା ବୈଶାଖୀର ଦାଉରୁ ଫସଲକୁ ବଞ୍ଚାଇବା ପାଇଁ ଚାଷୀ ଉକ୍ତ ମେସିନ ଉପରେ ନିର୍ଭର କରିଥାଏ | ଶହ ଶହ ସଂଖ୍ୟାରେ ମେସିନ ଦ୍ୱାରା ଲୋକ ଧାନ କଟୁଥିବାରୁ କାମ ଦିନ ମଧ୍ୟରେ ଅମଳ କାମ ସରିଯାଇଥାଏ | ଗତକାଲି ଏହି ବ୍ଲକର ଅଇଁଲାସlରି ଗ୍ରାମରେ ଜଣେ ଚାଷୀଙ୍କ ଜମିରେ ଧାନ କଟା ମେସିନ (ହାର୍ଭେଷ୍ଟର)ଯୋଗେ ଧାନ କଟା ଯାଉଥିବା ସମୟରେ ହଠାତ ସେଥିରେ ନିଆଁ ଲାଗି ଯାଇଥିଲା | ଖବର ପାଇ ଡୁଙ୍ଗୁରିପାଲି ଅଗ୍ନିଶମ ବିଭାଗର କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ | ସର୍ଟ ସର୍କିଟ ଯୋଗୁଁ ଏହା ହୋଇଥିବା ଜଣାଯାଏ | ମେସିନ ଚାଲାକ ଅଳ୍ପକେ ବର୍ତ୍ତିଯାଇଥିବା ବେଳେ ଧାନ କିଛି କ୍ଷୟ କ୍ଷତି ହୋଇନାହିଁ |

Comments are closed.