ବଜ୍ରାଘାତ ରେ ୭ ଜଣ ଗୁରୁତର

କାମାକ୍ଷାନଗର : ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଅଞ୍ଚଳରେ ବଜ୍ରାଘାତ ଆତଙ୍କ। ଏଠାକାର କଙ୍କଡାସୋଡା ଗ୍ରାମ ନିକଟରେ ଆଜି ଘଟିଛି ଅଘଟଣ।

ଗାଁର ୬ ଜଣ ଲୋକ ପାଖ ସିମିଳିବାହାଳ ଜଙ୍ଗଲକୁ ଯାଇଥିଲେ। ସେହି ସମୟରେ ପ୍ରବଳ ବର୍ଷା ଓ ବଜ୍ରାପାତ ହେବାରୁ ସେମାନେ ଏକ କୁଡିଆରେ ଆଶ୍ରୟ ନେଇଥିଲେ। କିନ୍ତୁ ପ୍ରକୃତିର ଭୟବହତା ପାଖରେ ସାମାନ୍ୟ କୁଡ଼ିଆଟି ଅକୁଳାଣ ପଡ଼ିଲା। ହଠାତ୍ ବଜ୍ରପାତ ହେବାରୁ ସେଠାରେ ଥିବା ସୁଲଚନା ନାୟକ, ରାଇଆ ନାୟକ, କୁନି ନାୟକ, ଏକାଦଶୀ ନାୟକ, ନନ୍ଦ ନାୟକ ଓ ପ୍ରିୟଦର୍ଶନୀ ନାୟକ ଗୁରୁତର ହୋଇ ପଡ଼ିଥିଲେ। ପରିବାର ଲୋକେ ଖବର ପାଇ ପରଜଙ୍ଗ ଚିକିତ୍ସାଳୟରେ ଭର୍ତ୍ତି କରିଥିଲେ। ସେହିପରି କଲଦା ଗ୍ରାମର ସଙ୍ଗିତା ନାୟକ ଘର ବାହାରେ ଥିବାବେଳେ ବଜ୍ରାଘାତ ହେବାରୁ ଗୁରୁତର ହୋଇ ପରଜଙ୍ଗ ମେଡିକାଲରେ ଭର୍ତି ହୋଇଛନ୍ତି।

Comments are closed.