Thursday, August 6, 2020
Home Death Case କେନ୍ଦ୍ର କୃଷିମନ୍ତ୍ରୀ ଗଜେନ୍ଦ୍ର ସିଂ ଶେଖାଓ୍ୱତ-ଦୁଇ ମାସ ଭିତରେ ପୂରଣ କରିବାକୁ ପ୍ରତିଶ୍ରୁତି-ବରଗଡ଼ର ଚାଷୀ ବୃନ୍ଦାବନ...

କେନ୍ଦ୍ର କୃଷିମନ୍ତ୍ରୀ ଗଜେନ୍ଦ୍ର ସିଂ ଶେଖାଓ୍ୱତ-ଦୁଇ ମାସ ଭିତରେ ପୂରଣ କରିବାକୁ ପ୍ରତିଶ୍ରୁତି-ବରଗଡ଼ର ଚାଷୀ ବୃନ୍ଦାବନ ସାହୁ ଆତ୍ମହତ୍ୟା

ବରଗଡ଼ : ଚକଡ଼ା ପୋକ ଲାଗିବାରୁ ଉଜୁଡା କ୍ଷେତରେ ନିଆଁ ଲଗାଇ ଆତ୍ମହତ୍ୟା କରିଥିଲେ ବରଗଡ଼ର ଚାଷୀ ବୃନ୍ଦାବନ ସାହୁ। ଆଜି ତାଙ୍କ ପରିବାର ଲୋକଙ୍କୁ ଭେଟିଛନ୍ତି କେନ୍ଦ୍ର କୃଷିମନ୍ତ୍ରୀ ଗଜେନ୍ଦ୍ର ସିଂ ଶେଖାଓ୍ୱତ। ବୃନ୍ଦାଙ୍କ ପରିବାରଠାରୁ ସବୁ ଆପତ୍ତି ଶୁଣି ଦୁଇ ମାସ ଭିତରେ ପୂରଣ କରିବାକୁ ପ୍ରତିଶ୍ରୁତି ଦେଇଛନ୍ତି। ଯଦି ଦାବି ପୂରଣ ନହୁ, ତାହାହେଲେ ଫୋନ କରି ମୋତେ ଜଣାଇବାକୁ ବୃନ୍ଦାଙ୍କ ପରିବାର ଲୋକଙ୍କୁ ପରାମର୍ଶ ଦେଇଛନ୍ତି କେନ୍ଦ୍ରମନ୍ତ୍ରୀ। ୨୦ ମିନିଟ୍‌ର ଆଲୋଚନା ଭିତରେ ବୃନ୍ଦାଙ୍କ ଦୁଇ ଝିଅ କହିଥିଲେ-“ଚକଡ଼ା ପୋକ ଯୋଗୁଁ ଫସଲ ଉଜୁଡ଼ି ଯାଇଛି। ରାସ୍ତା ସମ୍ପ୍ରସାରଣ ଘର ଭାଙ୍ଗି ଯାଇଛି। ଜରାଜୀର୍ଣ୍ଣ ଘରେ ଏବେ ଜୀବନ ଅତିବାହିତ କରୁଛୁ। ଅର୍ଥ ଅଭାବରୁ ପାଠ ପଢ଼ିବାରୁ ବଞ୍ଚିତ ହେଉଛୁ। ବାପାଙ୍କ ମୃତ୍ୟୁ ପରେ ପରିବାର ଚଳାଇବା କଷ୍ଟକର ହେଉଛି।”

ଗଜେନ୍ଦ୍ର ସିଂ ଶେଖାଓ୍ୱତ କହିଛନ୍ତି- “ବୃନ୍ଦାଙ୍କ ପରିବାରକୁ ୪ ଡିସିମିଲ୍‌ର ଜାଗା, ପ୍ରଧାନମନ୍ତ୍ରୀ ଆବାସ ଯୋଜନାରେ ଘର ଓ ପାଠ ପଢ଼ିବା ପାଇଁ ଭାରତ ସରକାରଙ୍କ ଷ୍ଟୁଡେଣ୍ଟ ସ୍କଲାରସିପ୍‌ ଯୋଜନାରେ ଅର୍ଥ ଯୋଗାଇ ଦିଆଯିବ। ଏନେଇ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛି। ଦୁଇମାସ ମଧ୍ୟରେ ଜିଲ୍ଲା ପ୍ରଶାସନ ଦାବି ପୂରଣ ନ କଲେ ମତେ ଜଣାଇବ।” ସେ କହିଛନ୍ତି- “ଚକଡ଼ା ପୋକ ଯୋଗୁଁ ଓଡ଼ିଶାରେ ଚାଷୀଙ୍କ ସ୍ଥିତି ବହୁ ଖରାପ ରହିଛି। କ୍ଷୟକ୍ଷତି ଆକଳନ କରି ଯଥାଶୀଘ୍ର କ୍ଷତିପୂରଣ ପ୍ରଦାନ କରାଯିବା କଥା। ମାତ୍ର ପ୍ରଶାସନିକ ଅଧିକାରୀମାନେ ଚାଷୀଙ୍କ ସମସ୍ୟା ନବୁଝିବା ଦୁର୍ଭାଗ୍ୟର ବିଷୟ। ତେବେ ସାମ୍ୱିଧାନୀକ ବିଧିବ୍ୟବସ୍ଥା ଅନୁଯାୟୀ କୃଷି ରାଜ୍ୟର ବିଷୟ। ସେଥିପାଇଁ ଏସମ୍ପର୍କ ଜାଣିବା ପାଇଁ ରାଜ୍ୟ ସରକାରଙ୍କୁ ନିର୍ଦ୍ଦେଶନା ଜାରି କରାଯିବ। ଏହାପୂର୍ବରୁ ଅକ୍ଟୋବର ମାସରେ ଚାଷୀମାନେ ଫସଲରେ କେଉଁ ପ୍ରକାର ଔଷଧ ସିଞ୍ଚନ କରିବେ, ସେନେଇ ଇଣ୍ଡିଆନ୍‌ କାଉନ୍‌ସିଲ ଅଫ୍‌ ଏଗ୍ରିକଲଚର ରାଜ୍ୟ ସରକାରଙ୍କୁ ନିର୍ଦ୍ଦେଶନାମା ଜାରିକରିଥିଲା। ଚାଷୀମାନଙ୍କ ଅବଗତି ନିମନ୍ତେ ଓଡ଼ିଆ ଓ ଇଂରାଜୀରେ ଏହା ଜାରି କରାଯାଇଥିଲା। ଏହା ସତ୍ତ୍ୱେ ଓଡ଼ିଶାରେ ଚାଷୀମାନଙ୍କୁ ଏ ସମ୍ପର୍କରେ ଅବଗତ କରାଗଲାନାହିଁ। ଯାହାଦ୍ୱାରା ଚାଷୀମାନେ ଏପରି ଅସୁବିଧାରେ ପଡ଼ିଛନ୍ତି। ଏବେ ଇଣ୍ଡିଆନ୍‌ କାଉନ୍‌ସିଲ ଅଫ୍‌ ଏଗ୍ରିକଲଚର ଅଧିକାରୀମାନେ ବିଭିନ୍ନ ଜିଲ୍ଲା ଗସ୍ତ କରି ଘଟଣାର ତଦନ୍ତ କରୁଛନ୍ତି। ଏହି ରୋଗର ମୁକାବିଲା କରାଯାଇପାରିବ।” 

ସ୍ୱାମୀନାଥନ କମିଶନ କର୍ଯ୍ୟକାରୀ ନେଇ ସେ କହିଛନ୍ତି- “ସ୍ୱାମୀନାଥନ କମିଶନଙ୍କ ରିପୋର୍ଟକୁ କେନ୍ଦ୍ର ସରକାର ୯୦ ପ୍ରତିଶତ କାର୍ଯ୍ୟକାରି କରୁଛନ୍ତି। ଏହାକୁ ସମଗ୍ର ଦେଶରେ ଲାଗୁ କରାଯାଉଛି। ପ୍ରଧାନମନ୍ତ୍ରୀ ଫସଲ ବୀମାକୁ ରାଜ୍ୟ ସରକାର ଠିକ୍‌ ଭାବେ ଲାଗୁ କଲେ ଚାଷୀମାନେ ଲାଭବାନ ହେବେ।”

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ଜନ୍ମରୁ ଅନ୍ଧ, ପୁଣି ସ୍ତ୍ରୀ ଶଯ୍ୟାଶାୟୀ, ମୁଣ୍ଡ ଗୁଞ୍ଜିବା ପାଇଁ ବାରଦୁଆର-ପ୍ରଶାସନର ଦୃଷ୍ଟି ପଡୁ

ରିପୋର୍ଟ: ନିରୋଜ କୁମାର ପାଣି // ପଦ୍ମପୁର (୦୬/୦୮): ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ରାଜବୋଡାସମ୍ବର ବ୍ଲକ ବୁଡେନ ଗ୍ରାମପଂଚାୟତ ଅନ୍ତର୍ଗତ ସିଲେଟପାଲି ଗ୍ରାମର ରଘୁ ନାଗର ଏକ ଦୁଃଖଦ କାହାଣୀ । ଜନ୍ମ...

ବନ୍ଧୁଗାଁ ରେ ବିଭିନ୍ନ କାର୍ଯ୍ୟାଳୟରେ ନିରବ ପ୍ରର୍ଥନ ସହ ଶପଥ ପାଠ ଅନୁଷ୍ଠିତ

ରିପୋର୍ଟ: ମିନା ବେହେରା // ବନ୍ଧୁଗାଁ (ତା୫:୮:୨୦): ବନ୍ଧୁଗାଁ ବ୍ଲକଠାରେ ଆଜି ପୋଲିସ ବିଭାଗର ସମସ୍ତ ଅଧ8କାରୀ,ଅଗ୍ନିଶମ ବିଭାଗର ସମସ୍ତ ଅଧିକାରୀ ଓ ବନ ବିଭାଗର ରେଞ୍ଜର କାର୍ଯ୍ୟାଳୟର ସମସ୍ତ ଅଧିକାରୀଙ୍କ ଉପିସ୍ତିତରେ ଆଜି...

ଅଯୋଧ୍ୟାରେ ରାମ ମନ୍ଦିର ଭୂମି ପୂଜନ ଅବସରରେ ବୋରିଗୁମ୍ମା ଭା.ଜ.ପା.ତରଫରୁ ହୋମ ଓ ପୂଜାପାଠ

ରିପୋର୍ଟ : ରବିଶଙ୍କର ମହାପାତ୍ର // କୋରାପୁଟ(୦୫/୦୮): ଆଜି ପୂର୍ବାହ୍ନରେ କୋରାପୁଟ ଜିଲ୍ଲା ବୋରିଗୁମ୍ମା ଶ୍ରୀରାମ ମନ୍ଦିର ପରିସରରେ ଭାରତୀୟ ଜନତା ପାର୍ଟି ତରଫରୁ ଅଯୋଧ୍ୟାରେ ରାମ ମନ୍ଦିର ଭୂମି ପୂଜନ ଉପଲକ୍ଷେ ସାମାଜିକ...

ଆନ୍ତର୍ଜାତୀକ ସ୍ତରରେ ଗଙ୍ଗାଧର ଜୟନ୍ତୀର ପ୍ରଥମ ୱେବନିଅର, ଦୁବାଇ ପଶ୍ଚିମ ଓଡିଶା କମ୍ୟୁନିଟିର ଆଲୋଚନା ଚକ୍ର

ରିପୋର୍ଟ: ନିରୋଜ କୁମାର ପାଣି // ପଦ୍ମପୁର (୦୬/୦୮): ପବିତ୍ର ଶ୍ରାବଣ ପୁର୍ଣ୍ଣିମା ଦିବସରେ ୟୁଏଇ ଅନ୍ତର୍ଗତ ଦୁବାଇରେ ଡିଜିଟାଲାଇଜେସନ ଭାବରେ ପ୍ରଥମ ଥର ପାଇଁ ଗଙ୍ଗାଧର ଜୟନ୍ତୀ ପାଳିତ ହୋଇଯାଇଛି । ପଶ୍ଚିମ...

Recent Comments

%d bloggers like this: