ରିପୋର୍ଟ : ଜଗଦୀଶ ଦାସ //
ରାଇକିଆ,(୩୦/୦୯) : ଗୁରୁବାର ମଧ୍ୟାହ୍ନରେ ଭୟାବହ ଅଗ୍ନିକାଣ୍ଡ ଘଟି ରାଇକିଆ ମୁଖ୍ୟ ରାସ୍ତା କଡ଼ରେ ଥିବା ପାଖାପାଖି ଦୋକାନର ଲକ୍ଷାଧିକ ଟଙ୍କାର ସାମଗ୍ରୀ ପୋଡି ନଷ୍ଟ ହୋଇଯାଇଥିବା ଜଣାପଡିଛି ।
ବିବରଣିରୁ ପ୍ରକାଶ ଯେ ଦୀର୍ଘ ଦିନ ଧରି ବନ୍ଦ ଥିବା ଏକ ଷ୍ଟେସେନାରୀ ଓ ଗିଫ୍ଟ ଦୋକାନରୁ ପ୍ରଥମେ ନିଆଁ ବାହାରି ଦେଖୁଦେଖୁ ପାଖରେ ଥିବା ଅନ୍ୟ ଦୋକାନରେ ନିଆଁ ବ୍ୟାପି ଯାଇଥିଲା । ଭୟାବହ ଅଗ୍ନିକାଣ୍ଡ ଘଟି ଦୋକାନର ଲକ୍ଷାଧିକ ଟଙ୍କାର ସାମଗ୍ରୀ ପୋଡି ଖବର ପାଇ ରାଇକିଆ ଅଗ୍ନିଶମ କର୍ମଚାରୀ ଓ ପୋଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହଯୋଗରେ ନିଆଁକୁ ଆୟତ୍ତ କରିଥିବା ଦେଖିବାକୁ ମିଳିଥିଲା । କିନ୍ତୁ ଅଗ୍ନିଶମ ଗାଡିର ପାଣି ଶେଷ ହୋଇଯିବାରୁ କିଛି ସମୟ ପାଇଁ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିବା ଦେଖାଦେଇଥିବା ବେଳେ ପୁଣି ଅଗ୍ନିଶମ ବିଭାଗ ପାଣି ଆଣି ନିଆଁ ଲିଭାଇବା କାର୍ଯ୍ୟ ଚାଲୁ ହେବାରୁ ପରିସ୍ଥିତି ଶାନ୍ତ ପଡିଥିଲା । ତେବେ ଏହି ଘଟଣାରେ କେହି ଆହାତ ହୋଇ ନ ଥିବା ଜଣାପଡିଛି । ହେଲେ ନିଆ କିପରି ଲାଗିଲାପ୍ରକୃତ କାରଣ ଜଣା ପଡିନାହିଁ।