Thursday, March 28, 2024

Top 5 This Week

Related Posts

ବେଗୁନିଆପଡା ରେ ସଂଯୁକ୍ତ କିଷାନ ମୋର୍ଚ୍ଚାର ବନ୍ଦ ଡ଼ାକରାରେ ବନ୍ଦ ପାଳନ

ରିପୋର୍ଟ : ରାକେଶ ମହାରଣା //
କୋଦଳା,(୨୭/୦୯) : ସଂଯୁକ୍ତ କିଷାନ ମୋର୍ଚ୍ଚା ପକ୍ଷରୁ ଆଜି ଦିଆଯାଇଥିବା ବନ୍ଦ ଡାକରାରେ ବେଗୁନିଆପଡା ରେ ଅଖିଳ ଭାରତ କୃଷକ ସଭା, କିଷାନ ମୋର୍ଚ୍ଚା, ଭାରତୀୟ କ୍ଷେତ ମଜଦୂର ସଂଘ, କଂଗ୍ରେସ ଦଳ ପକ୍ଷରୁ ବନ୍ଦ ପାଳନ କରାଯାଇଥିଲା ।

କଳା କୃଷି ଆଇନ ପ୍ରତ୍ୟାହାର, କେନ୍ଦ୍ର ସରକାରଙ୍କ କୃଷକ ମାରଣ ନୀତି କୁ ବିରୋଧ, କର୍ପୋରେଟ ଆଇନ ପ୍ରତ୍ୟାହାର, କଳା କୃଷି ଆଇନ ରଦ୍ଦ,କୃଷି ବିଲ ପ୍ରତ୍ୟାହାର, କୃଷକ ମାନଙ୍କ ପାଇଁ ବିଦ୍ୟୁତ ରିହାତି ପ୍ରଦାନ, ଦରଦାମ ବୃଦ୍ଧି ରୋକ ସହ ୨୨ ଦଫା ଦାବୀ ନେଇ ଦିଆଯାଇଥିବା ବନ୍ଦ ଡ଼ାକରାରେ ସମସ୍ତେ ଏକ ରାଲିରେ ବେଗୁନିଆପଡା ବଜାର ପରିକ୍ରମା କରି ଦୋକାନ ବଜାର ବନ୍ଦ କରିବା ସହ ସରକାରୀ କାର୍ଯ୍ୟାଳୟ ବନ୍ଦ କରିଥିଲେ । ପରେ ବେଗୁନିଆପଡା ବ୍ଲକ ଆଗରେ ବିକ୍ଷୋଭ ପ୍ରଦର୍ଶନ କରିବା ସହ ସ୍ଲୋଗାନ ଦେଇଥିଲେ ।

ଏହି କାର୍ଯ୍ୟକ୍ରମରେ ଅଖିଳ ଭାରତ କୃଷକ ସଭାର ବେଗୁନିଆପଡା ବ୍ଲକ ସଭାପତି ସତ୍ୟବାଦୀ ସ୍ବାଇଁ କୃଷକ ସଭା ଜିଲ୍ଲା ଉପସଭାପତି ରଙ୍କନାଥ ସ୍ୱାଇଁ, ପି ହରିକୃଷ୍ଣ ରେଡି, ବିଜୟ ସ୍ୱାଇଁ, ଦୁର୍ଯ୍ୟୋଧନ ସ୍ୱାଇଁ, ନାରାୟଣ ସେଠୀ, ଜୟକୃଷ୍ଣ ନାହାକ, ଅରୁପନନ୍ଦ ପଟ୍ଟନାୟକ ଙ୍କ ସମେତ ବହୁ କର୍ମୀ ଉପସ୍ଥିତ ଥିଲେ । ଏହା ସହିତ କଂଗ୍ରେସ ଦଳ ପକ୍ଷରୁ ବ୍ଲକ କଂଗ୍ରେସ ସଭାପତି ବୁଲା ଜେନା, ବୁଲୁ ସ୍ୱାଇଁ, ହର୍ଷ ଦୋରା ଙ୍କ ସମେତ ଶତାଧିକ କର୍ମୀ ସାମିଲ ହୋଇଥିଲେ ।

sudhir
sudhirhttps://www.odishanews24.in
Editor led his team through the digital news revolution, always prioritizing integrity & accuracy. his legacy endures, an emblem of journalistic dedication.

Popular Articles