Related Contents

ଆଞ୍ଚଳିକ କୄଷକ ଶ୍ରମିକ ସଙ୍ଘ ପକ୍ଷରୁ ପଦ୍ମପୁର ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆମରଣ ଅନଶନ ଓ ଗଣଧାରଣା

ବରଗଡ(ଚିତ୍ତରଞ୍ଜନ  ସାହୁ):- ମରୁଡି ପ୍ରପୀଡ଼ିତ ପଦ୍ମପୁର ଉପଖଣ୍ଡରେ ପ୍ରତିବର୍ଷ ମରୁଡି ପରିସ୍ଥିତି ଯୋଗୁଁ ହଜାର ହଜାର ଚାଷୀ ଜିବୀକା ପାଇଁ ଦାଦନ ଶ୍ରମିକ ଭାବେ ରାଜ୍ୟ ବାହାରକୁ କାର୍ଯ୍ୟ କରିବାକୁ ଚାଲିଯାଉଛନ୍ତି ।କୄଷି ୠଣ ଭାର ପରିଷୋଦ କରିନପାରି ଆତ୍ମହତ୍ୟାର ପଥ ବାଛିନେଉଛନ୍ତି ।

ଏହି ସମସ୍ୟାର ସ୍ଥାୟୀ ସମାଧାନ ନିମନ୍ତେ ଆଞ୍ଚଳିକ କୄଷକ ଶ୍ରମିକ ସଙ୍ଗଠନ ତରଫରୁ ୧୯୯୫ ମସିହା ଠାରୁ ସରକାରଙ୍କ ଦୄଷ୍ଟିଆକର୍ଷଣ କରିଆସୁଛି ।ଏହି ଅଙ୍ଗବନ୍ଧ ଜଳ ସେଚନ ଯୋଜନା କାର୍ଯ୍ୟକାରୀ କରିବାକୁ ଓଡ଼ିଶା ସରକାର ପ୍ରତିଶ୍ରୁତି ଦେଇଥିଲେ ଓ ୧୦/୧୧/୨୦୧୦ ରେ ପାଇକମାଲ ସମାବେଶରେ ୧୧୧୧କୋଟି ଟଙ୍କା ଏବଂ ୧୯/୧୧/୨୦୧୫ ସୋହେଲା ଚାଷୀ ସମାବେଶରେ ଅଙ୍ଗବନ୍ଧ ଯୋଜନା ପାଇଁ ୧୫୦୦ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ ।ଏହି ଅଙ୍ଗ ବନ୍ଧ କାର୍ଯ୍ୟ କାରୀହେଲେ ଚିର ମରୁଡି ପ୍ରପୀଡ଼ିତ ପଦ୍ମପୁର, ଗାଇସିଲେଟ,ବିଜେପୁର, ସୋହେଲା, ପାଇକମାଲ ଓ ଆଗଲପୁର ବ୍ଳକର ୫୪ ହଜାର ହେକ୍ଟର ଜମି ଜଳସେଚିତ ହୋଇପାରିବ । ଏହି ଯୋଜନା ପାଇଁ ୨୦/୦୯/୨୦୦୦ ମସିହାରେ ସଣ୍ଟ୍ରାଲ ୱ।ଟର କମିଶନ ନୂଆଦିଲ୍ଲୀର ଟେକ୍ନିକାଲ ଏଡଭାଇଜରୀ କମିଟି ଦ୍ବାରା ଆର୍ଥିକ ଓ ବୈଷୟିକ,୨୦/୧୧/୨୦୦୨ ମସିହାରେ ଜଙ୍ଗଳ ଓ ପରିବେଶ ମନ୍ତ୍ରଣାଳୟର ଭାରତ ସରକାରଙ୍କ ପତ୍ର ସଂଖ୍ୟା ଜେ.୧୨୦୧୧/୧୫/୨୦୨-୧-ଏ-୧ ଅନୁସାରେ ସାଇଡ଼ ମଂଜୁରୀ ମିଳିସାରିଛି ।ପୁନଃ ବସତି ଓ ପୁନଃ ଥଇଥାନ ସକାଶେ ଆଦିବାସୀ ବ୍ୟାପାର ମନ୍ତ୍ରଣାଳୟ ଭାରତ ସରକାରଙ୍କ ଠାରୁ ପତ୍ର ସଂଖ୍ୟା ଏଫ୍ ନଂ ୦୪.୦୬.୨୦୧୧ ସିପି ଏନ୍ଡ ଆର୍ /ଏଫ ଆର୍ ଏ ତା ୦୬/୦୪/୨୦୧୫ ମିଳି ସାରିଛି ।ପରିବେଶ ମଞ୍ଜୁରୀ ପତ୍ର ସଂଖ୍ୟା ଜେ ୧୨୦୧୧/୧୧/୨୦୦୬-୧ଏ୧ ରେ ଜଙ୍ଗଳ ଓ ପରିବେଶ ମନ୍ତ୍ରଣାଳୟ ଭାରତ ସରକାରଙ୍କଠାରୁ ମିଳିସାରିଛି ।ଛତିଶଗଡ଼ ରାଜ୍ୟ ସରକାରଙ୍କ ଜଳ ସମ୍ବଳ ବିଭାଗଙ୍କ ପତ୍ର ସଂଖ୍ୟା ୬୭୩୪ ତା ୨୬/୧୧/୨୦୦୭ ନୋ ଅବଜେକସନ ସାର୍ଟିଫିକେଟ ମିଳିସାରିଛି ।
କିନ୍ତୁ ଏ ପର୍ଯ୍ୟନ୍ତ ଅଙ୍ଗବନ୍ଧ ଜଳସେଚନ ଯୋଜନା ଆରମ୍ଭ କରାଯାଇ ନାହିଁ ।ତେଣୁ ଏହି ଜଳସେଚନ ଯୋଜନାକୁ ଯୁଦ୍ଧ କାଳୀନ ଭିତ୍ତିରେ ନିର୍ମାଣ କରାଯିବା ତଥା ଶସ୍ୟ ବୀମା ଟଙ୍କା ଚାଷୀଙ୍କୁ ପ୍ରଦାନ, କୄଷି ୠଣ ଛାଡ଼,ଇନପୁଟ ସବସିଡି ପ୍ରଦାନ, ଚାଷୀଙ୍କୁ ପେନସନ ପ୍ରଦାନ ଦାବିରେ ଆଞ୍ଚଳିକ କୄଷକ ଶ୍ରମିକ ସଙ୍ଗଠନର ସଭାପତି ଶ୍ରୀଯୁକ୍ତ ଗୋବର୍ଦ୍ଧନ ଭୋଏଙ୍କ ନେତୄତ୍ବରେ ଏକ ବିଶାଳ ରାଲିର ଆୟୋଜନ କରାଯାଇଥିଲା ।ଏହି ରାଲି ଗୋରୁ ବଜାରରୁ ବାହାରି ଥିଲା ଏବଂ ପଦ୍ମପୁର ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେବା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ପ୍ରଦାନ କରିଥିଲେ ।ଏହି ଆମରଣ ଅନସନକୁ କୄଷକ ବିକାଶ ମଞ୍ଚ ପଦ୍ମପୁର ଉପଖଣ୍ଡର ପୂର୍ଣ୍ଣପ୍ରାଣରେ ସମର୍ଥନ ଥିବା ଲିଖିତ ଭାବରେ ଦର୍ଶାଇଛନ୍ତି ।ଏହି ଆମରଣ ଅନସନରେ ପଲସାପାଲିର ଗୋବର୍ଦ୍ଧନ ଭୋଏ,ଭାଲୁକନାର ତୋଫାନ ସାହୁ,ଢୋଳବନ୍ଧର ଧର୍ମେନ୍ଦ୍ର ସାହୁ,କୁଦୋପାଲିର ପରମେଶ୍ବର ହାତୀ,ବାନ୍ଦୁପାଲିର ହରେକୃଷ୍ଣ ମେହେର,ବିଶିପାଲିର ପ୍ରେମରାଜ ସାହୁ ଓ ଗଣେଶ ବଢେଇ ,ମଲମୁଣ୍ଡାର ରବି ସାହୁ,ଝାଙ୍କରପାଲିର ଗଙ୍ଗାଧର ସାହୁ,ଘନାମାଲ ଗଙ୍ଗା ଗଡତିଆ,ବିଶିପାଲିର ଅଖେ ସାହୁ,ବିଶିପାଲିର ଦୁର୍ବାଦଳ ବରିହା,ଦିପ୍ତିପୁରର ସୁକାନ୍ତ ବାଗ,ପଥରୀର ମାନଭଞ୍ଜନ ବେହେରା,ଚାରପାଲିର କୁଞ୍ଜ ସଗରିଆ ପ୍ରମୁଖ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଧାରଣାରେ ବସିବିର ନିଷ୍ପତ୍ତି ନେଇଛନ୍ତି ।

Comments are closed.