Monday, September 21, 2020
Home National News ନିଖୋଜ ସମ୍ବଲପୁରର ମହିଳାଙ୍କ ମିଳିଲା ପତ୍ତା ଅନୁଗୁଳରୁ

ନିଖୋଜ ସମ୍ବଲପୁରର ମହିଳାଙ୍କ ମିଳିଲା ପତ୍ତା ଅନୁଗୁଳରୁ

ଭୁବନେଶ୍ବର : ଅନୁଗୁଳରୁ ନିଖୋଜ ସମ୍ବଲପୁରର ମହିଳାଙ୍କ ମିଳିଲା ପତ୍ତା l ଜଗତସିଂହପୁର ଅଂଚଳରେ ପୋଲିସ ତାଙ୍କୁ ଠାବ କରିଛି । ମହିଳା ଜଣକ ତାଙ୍କ ସଂପର୍କୀୟ ଘରେ ଥିବା କହିଛନ୍ତି ତାଳଚେର ଜିଆଇଜି ନରସିଂହ ଭୋଳ । ତେବେ ସ୍ୱାମୀଙ୍କ ସହ କାରରେ ଯାଉଥିବା ସ୍ତ୍ରୀ, ମଝି ରାସ୍ତାରୁ ଗାଏବ ହୋଇଯିବା ଘଟଣା ଯେତିକି ରହସ୍ୟମୟ ସେତିକି ସମ୍ବେଦନଶୀଳ । କାରଣ ରାତି ଅଧରେ ଏକୁଟିଆ ମହିଳାଙ୍କ ସହ କିଛି ବି ଅଘଟଣ ଘଟିଥାଇପାରେ । ତିନିଦିନ ହେଲାଣି ମହିଳାଙ୍କ ପତା ମିଳିନଥିବବେଳେ ତାଙ୍କ ସହ ଦୁଷ୍କର୍ମ ପରେ ହତ୍ୟା କରାଯାଇଥିବା ସନ୍ଦେହ କରାଯାଉଥିଲା । ଘଟଣାରେ ପୋଲିସ ୪ଜଣଙ୍କୁ ଅଟକ ରଖିଛି । ଅଭିଯୁକ୍ତମାନେ ଦୁଷ୍କର୍ମ କରିଥିବା ସ୍ୱୀକାର ବି କରିଛନ୍ତି ବୋଲି ଏକ ବିଶ୍ୱସ୍ତ ସୁତ୍ରରୁ ଜଣାପଡିଛି ।

ସୁଚନା ଯୋଗ୍ୟ ଯେ ଗତ ତା ୩ ମେ’ ୨୦୧୮  ସମୟ- ରାତି ପ୍ରାୟ ୧୦ଟା  ରେ ସ୍ଥାନ- ଅନୁଗୁଳ ଜିଲ୍ଲା ନାକଚି । ସ୍ୱାମୀ ଓ ଝିଅ ସହ ସମ୍ବଲପୁରରୁ କାରରେ କଟକ ଅଭିମୁଖେ ଆସୁଥିବା ସ୍ତ୍ରୀ ଅନୁଗୁଳ ନାକଚି ନିକଟରେ ପରିସ୍ରା କରିବାକୁ ଓହ୍ଲାଇଥିଲେ । ହେଲେ ଶୌଚ ହେବାପାଇଁ କାରରୁ ପାଣି ବୋତଲ ନେବାକୁ ଭୁଲି ଯାଇଥିବାରୁ ପୁଣି କାର ନିକଟକୁ ଆସି ପାଣି ବୋତଲ ନେବା ସହ କାରଡୋର ପକାଇଲେ । କାରଡୋର ପଡିବା ଶୁଣି ସ୍ତ୍ରୀ କାର ଭିତରେ ବସିଯାଇଥିବା ମନେକରି କାର ଚଳାଇଥିଲେ ସ୍ୱାମୀ ହେଲେ ସେହିଠାରେ ରହିଯାଇଥିଲେ ସ୍ତ୍ରୀ । ଆଗକୁ ବଢିଚାଲିଥିବା ସ୍ୱାମୀ ବଇଣ୍ଡା ଛକରେ ସ୍ତ୍ରୀ ପଛ ସିଟରେ ନଥିବା ଅନୁଭବ କଲାବେଳକୁ ଢେର ପଛରେ ରହିଯାଇଥିଲେ ସ୍ତ୍ରୀ । ତେଣୁ ନାକଚି ଆଡକୁ ଫେରିଥିଲେ ସ୍ୱାମୀ ଓ ଝିଅ । ହେଲେ ଛାଡିଯାଇଥିବା ସ୍ଥାନରେ ପହଂଚିଲା ବେଳକୁ ସେଠାରେ ଆଉ ସ୍ତ୍ରୀଙ୍କୁ ପାଇନଥିଲେ । ଅନେକ ଖୋଜାଖୋଜି ପରେ ସ୍ତ୍ରୀଙ୍କୁ ନପାଇବାରୁ ନାକଚିରେ ଲୋକଙ୍କୁ ପଚରାଉଚରା କରିଥିଲେ । କିଛି ସମୟ ତଳେ ଜଣେ ମହିଳା ଏକୁଟିଆ ବୁଲୁଥିଲେ ହେଲେ କୁଆଡେ ଗଲେ ସେନେଇ କେହିକିଛି ସୂଚନା ଦେଇପାରି ନଥିଲେ । ବ୍ୟତିବସ୍ତ ହୋଇ ନାକଚିରୁ ବଇଣ୍ଡା ମଧ୍ୟରେ ବରମ୍ବାର ଖୋଜିଥିଲେ ସ୍ୱାମୀ । ଶେଷରେ ନିରାଶ ହୋଇ ପରଦିନ ଅର୍ଥାତ ଶୁକ୍ରବାର ହଣ୍ଡପା ଥାନାରେ ନିଖୋଜ ମାମଲା ରୁଜୁ କରିଥିଲେ । ମିଳିଥିବା ସୂଚନା ଅନୁସାରେ ପୋଲିସ ସ୍ଥାନୀୟ ଅଂଚଳରେ ପଚରାଉଚରା କରି ୪ଜଣଙ୍କୁ ଥାନାକୁ ଉଠାଇ ଆଣିଥିଲା । ଏବଂ ସଂପୃକ୍ତ ମହିଳାଙ୍କ ସହ ସେମାନେ ଦୁଷ୍କର୍ମ କରିଥିବା ସ୍ୱୀକାର କରିଛନ୍ତି ।

Odisha News24 Bureauhttp://www.odishanews24.in
A WEB TV Channel Network in Western Odisha

2 COMMENTS

  1. Missing of wife on the way is a message to one and all to be smart

Comments are closed.

Most Popular

“କତାପିଲି ରାମକ୍ରିଷ୍ଣା” ଦ୍ୱାରା ମାସ୍କ ଓ ସାନିଟାଇଜର ବଣ୍ଟନ

ରିପୋର୍ଟ: ଲୋକନାଥ ସାହୁ// ଗୁଡାରି(୨୦/୦୯): ମହାମାରୀ କରୋନାର କଟକଣା କୋହଳ ହେବାପରେ ଲୋକମାନେ ବିନା ମାସ୍କରେ ବାହାରେ ବୁଲାବୁଲି କରୁଥିବା ଦେଖିବାକୁ ମିଳିଛି। ଏଣୁ ଏହିସବୁ କାର୍ଯ୍ୟକ୍ରମକୁ ଅନୁଧ୍ୟାନ କରି ଗୁଡାରି ସହରର "କତାପିଲି ରାମକ୍ରିଷ୍ଣା"...

ବଣ୍ଡାଘାଟୀକୁ ଛୁଇଁ ପାରିଲାନି କରୋନା ମହାମାରୀ, ମାଲକାନଗିରି

ରିପୋର୍ଟ୍ - ଜଗନ୍ନାଥ ଦଳେଇ // ଖଇରପୁଟ (୨୦/୯ ): ଦୀର୍ଘ ୬ ମାସ ଧରି କୋରୋନା ମହାମାରୀ ତାର କାୟା ବିସ୍ତାର ସାରା ବିଶ୍ୱରେ କରିଚାଲିଛି । କେନ୍ଦ୍ର ସରକାରଙ୍କ ଠାରୁ ଆରମ୍ଭ...

ଅଜଣା ଗାଡି ଧକ୍କାରେ ବୃଦ୍ଧର ମୃତ୍ୟୁ

ରିପୋର୍ଟ: ଧ୍ରୁବରାଜ ମିଶ୍ର // ବିନିକା (୧୯/୦୯) ବିନିକା ଥାନା ମହାଦେଵପାଲି ଫାଣ୍ଡି ଅଧୀନସ୍ଥ ତୁଲୁଣ୍ଡୁପାଲି ଗାଁର ପଞ୍ଚା ସାଣ୍ଡ (୫୫) ରାସ୍ତା ଅତିକ୍ରମ କରୁଥିବା ବେଳେ ଅଜଣା ଗାଡି ଧକ୍କାରେ ମୃତ୍ୟୁ ହୋଇଥିବା...

ବନ୍ଧୁଗାଁ ବ୍ଲକର ୫୦ ଜଣ ଶିକ୍ଷକଙ୍କୁ ରାଜ୍ୟ ସରକାରଙ୍କ ନିର୍ଦ୍ଦେଶରେ ପଦୋନ୍ନତି

ରିପୋର୍ଟ: ମିନା ବେହେରା // ବନ୍ଧୁଗାଁ ତା୧୯/୯/୨୦): କୋରାପୁଟ ଜିଲା ବନ୍ଧୁଗାଁ ବ୍ଲକର ୫୦ ଜଣ ଶିକ୍ଷକଙ୍କୁ ରାଜ୍ୟ ସରକାରଙ୍କ ନିର୍ଦ୍ଦେଶ ପ୍ରକାରେ ବନ୍ଧୁଗାଁ ଶିକ୍ଷା ବିଭାଗ କାର୍ଯ୍ୟଳୟର ବିଭିନ୍ନ ସ୍କୁଲର କାର୍ଯ୍ୟରତ ଶିକ୍ଷକଙ୍କ...

Recent Comments

%d bloggers like this: