Related Contents

ଭତ୍ତା ପାଇଁ ଦଣ୍ଡପାଣି ଗାଁ ବୃଦ୍ଧ ବୃଦ୍ଧା ବିଡ଼ିଓ ଙ୍କ ଦ୍ଵାରସ୍ଥ

ଲୋଇସିଂହା (ବିମଲେନ୍ଦୁ ସାହୁ): ଭତ୍ତା ଗଣ୍ଡାକ ପାଇଁ ଆଜି ଲୋଇସିଂହା ବ୍ଲକ ସୁଦୂର ଦଣ୍ଡପାଣି ଗ୍ରାମର ବୃଦ୍ଧ ବୃଦ୍ଧା ବିଡ଼ିଓ ଙ୍କ ନିକଟରେ ଫେରାଦ ହେବା ଚର୍ଚ୍ଚାର ବିଷୟ ହୋଇଛି ।

ସୂଚନା ମତେ, ଲୋଇସିଂହା ବ୍ଲକ ଆଭ୍ୟନ୍ତରୀଣ ଦଣ୍ଡପାଣି ଗାଁ ପୂର୍ବରୁ ରତାଖଣ୍ଡି ପଂଚାୟତ ଅଧୀନରେ ଥିଲା । ଗତ ୨୦୧୬ ମସିହାରେ ପଂଚାୟତ ପୁନର୍ଗଠନ ହେବା ପରେ ତାହା ବାନିପାଳି ପଞ୍ଚାୟତ ଅଧୀନକୁ ଆସିବା ସହିତ ଗ୍ରାମର ବୃଦ୍ଧ ବୃଦ୍ଧାଙ୍କ ଦୁର୍ଦଶା ଆରମ୍ଭ ହେଲା । ଦାଣ୍ଡପାଣି ଗାଁ ଠାରୁ ରତାଖଣ୍ଡିର ଦୂରତା ୨ କିମି ଥିବାବେଳେ ବାନି ପାଳିର ଦୂରତ୍ୱ ୭ କିମି ରୁ ଅଧିକ । ପ୍ରତିବାଦରେ ଦଣ୍ଡପାଣି ଗ୍ରାମବାସୀ ଗତ ପଞ୍ଚାୟତ ନିର୍ବାଚନ କୁ ବର୍ଜ୍ଜନ କରିବା ସହିତ ୧୬.୦୮.୨୦୧୭ ରେ ଓଡିଶା ହାଇକୋର୍ଟ ଙ୍କ ଦ୍ଵାରସ୍ଥ ହୋଇଥିଲେ ମଧ କୋୖଣସି ସୁଫଳ ପାଇ ନ ଥିଲେ । ଏପରିକି ଗ୍ରାମର ବୃଦ୍ଧ ବୃଦ୍ଧା, ବିଧବା ଏବଂ ବିକଳାଙ୍ଗ ବ୍ୟକ୍ତି ଗତ ୧୬ ମାସ ଧରି କୌଣସି ଭତ୍ତା ପାଇ ନାହାନ୍ତି । ଆସନ୍ତା ସପ୍ତାହକ ମଧ୍ୟରେ ଏହାର ସମାଧାନ କରାନଗଲେ ଆମରଣ ଅନଶନ କରିବାକୁ ବାଧ୍ୟ ହେବେ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି ।

Comments are closed.