ରିପୋର୍ଟ: ସନ୍ତୋଷ କୁମାର ନାୟକ //
ବଲାଙ୍ଗୀର/ଟିଟିଲାଗଡ,ତା୧୮-୦୯): ସରକାରୀ ଭାବେ ହାଇ ସିକ୍ୟୁରିଟୀ ନମ୍ୱର ପ୍ଲେଟ ସହ ସୁରକ୍ଷିତ ଯାତ୍ରା ଆଇନ୍ ପ୍ରସ୍ତୁତି ଓ କଡାକଡି କାର୍ଯ୍ୟକାରୀ ହୋଇଛି । ଏପରିକି ଦୁଇ ଚକିଆ ବାଇକ ରେ ଉକ୍ତ ନୂତନ ହାଇ ସିକ୍ୟୁରିଟି ନମ୍ବର ନ ଥିଲେ ୬୦୦/- ହଜାର ଟଙ୍କା ଜୋରିମାନା ଆଦାୟ ହେଉଛି ।
ହେଲେ ପରିତାପ ର ବିଷୟ ପରିବହନ ମନ୍ତ୍ରୀଙ୍କ ଏସ୍କର୍ଟ ଗାଡି ରେ ନମ୍ୱର ନ ଥିବା ଇତି ମଧ୍ୟରେ ଚର୍ଚ୍ଚା ଜୋର ଧରିଥିଲା । ସେହିପରି କୌଣସି ବଡ଼, କଳକାରଖାନା ମଧ୍ୟରେ ଉକ୍ତ ନମ୍ୱର ଓ ଗାଡି କାଗଜ,ପତ୍ର ନ ଥିବା ଏକ ଭିନ୍ନ କଥା । ହେଲେ ପରିତାପ ର ବିଷୟ ଯେ ଟିଟିଲାଗଡ ରେ ପରିବହନ ମନ୍ତ୍ରୀ ତଥା ନିଜ ଅଞ୍ଚଳ ର ବିଧାୟିକା ଟୁକୁନି ସାହୁ ଙ୍କ ଛତ୍ର,ଛାୟା ତଳେ ଏକ ସ୍କୁଲ ର ବ୍ୟବହୃତ ଗାଡି ଗୁଡିକ ବ୍ୟବହାର କରି ଭଙ୍ଗା ଦଦରା ଗାଡ଼ିରେ କୁନି ଶିଶୁ ଙ୍କ ଜୀବନ ସହ ଖେଳୁଥିବା ନଜର କୁ ଆସିଛି । ପ୍ରକାଶ ଯେ,ଟିଟିଲାଗଡ ଡି ଏ ଭି ପବ୍ଲିକ ସ୍କୁଲ ର କୌଣସି କାଗଜ,ପତ୍ର ତ ଦୂର ର କଥା ଶିଶୁ ଙ୍କୁ ନେଇ ଯାଉଥିବା ଗାଡି ଡ଼୍ରାଇଭର ଙ୍କ ଲାଇସେନ୍ସ ନାହିଁ ।
ଭଙ୍ଗା,ଦଦରା ଗାଡ଼ିରେ ଦୀର୍ଘ ବର୍ଷ ଧରି ଶିଶୁ ଙ୍କ ଜୀବନ ସହ ଖେଳୁଥିବା ଓ ଜାଣି ,ଶୁଣି ବ୍ୟବସାୟୀ ମନୋବୃତି ରେ ଛାତ୍ର,ଛାତ୍ରୀ ଙ୍କ ଟଙ୍କା ରୁ ସ୍ଥାନୀୟ ବିଧାୟକ ଙ୍କ ପ୍ରତିନିଧି ଜରିଆରେ ଅର୍ଥ କାରବାର କରି ଏଭଳି ଖୋଲା,ଖୋଲି ବେଆଇନ୍ କାର୍ଯ୍ୟ ଚାଲିବା ଲିଖିତ ଅଭିଯୋଗ ହୋଇଥିଲା । ଗତ ୧୬ ତାରିଖରେ ଅଭିଯୋଗ ନେଇ ଜିଲ୍ଲା ପରିବହନ ବିଭାଗ ପକ୍ଷରୁ ଗାଡି ,ଗୁଡିକ ରୁ ୧ଲକ୍ଷ ୬୩ ହଜାର ଟଙ୍କା ର ଫାଇନ କାଟିବା ସହ ଫିଟନେସ ନ ଥିବା ତିନୋଟି ଗାଡି ଜବତ କରାଯାଇଥିଲା ହେଲେ ଉକ୍ତ ତିନୋଟି ଗାଡି ପୂର୍ବବତ ଚାଲିଛି ।
ଏପରିକି ଉକ୍ତ ବିଭାଗୀୟ ଅଧିକାରୀଙ୍କ ତରଫରୁ ଚଢ଼ାଉ ବେଳେ ସ୍ଥାନୀୟ ବିଧାୟିକାଙ୍କ ଜଣେ ପ୍ରତିନିଧି ଜରିଆରେ ଉକ୍ତ ସରକାରୀ କର୍ମଚାରିଙ୍କୁ ଫୋନ୍ ଯୋଗେ କଥା କରେଇ ଚାଲିଯାଇଥିଲେ । ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ବଦଳରେ ମନ୍ତ୍ରୀ ଓ ଉକ୍ତ ସରକାରୀ ବାବୁ ମାନେ ବର୍ତମାନ ସୁଦ୍ଧା ନୀରବ ରହିବା ଓ ମନ୍ତ୍ରୀ ଙ୍କ ମାସିକ କୋଟା ଥିବା ଭଳି ଗୁରୁତର ଅଭିଯୋଗ ହୋଇଛି । ଏ ନେଇ ଆମ ନିକଟରେ ସ୍କୁଲ ଅଧ୍ୟକ୍ଷ ବ୍ୟସ୍ତ ଥିବା ବାହାନା କରି ଏକ ଘଣ୍ଟା ସମୟ ମାଗି ଚାଲିଯାଇଥିଲେ । ଏ ନେଇ ବିଭିନ୍ନ ମହଲରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିବା ବେଳେ ରାଜନୈତିକ ଅଭିସନ୍ଧି ସ୍ପଷ୍ଟ ହୋଇଛି। ଏ ନେଇ ମୁଖ୍ୟ ଶାସନ ସଚିବ ଦୃଷ୍ଟି ଦେଇ କଣ ପଦକ୍ଷେପ ଗ୍ରହଣ କରିବେ ତାହା ଦେଖିବାକୁ ବାକି ରହିଲା ।