ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୧୮/୮) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଳକ ରେ ମାନ୍ୟବର ପ୍ରଦେଶ କଂଗ୍ରେସର ସଭାପତି ଶରତ ପଟ୍ଟନାୟକ ଙ୍କ ନିର୍ଦ୍ଦେଶ କ୍ରମେ କଲ୍ୟାଣସିଂହପୁର ବ୍ଳକ ଘେରାଉ ହୋଇଥିଲା ।
ସ୍ଥାନୀୟ ଉଚ୍ଚ ବିଦ୍ୟାଳୟ ଠାରୁ ସହର ପରିକ୍ରମାରେ ଶୋଭାଯାତ୍ରା କରି ପଞ୍ଚାୟତ ସମିତି କାର୍ଯ୍ୟାଳୟ ସମ୍ମୁଖରେ ପହଞ୍ଚି ଏକ ଦାବିପତ୍ର ସ୍ଥାନୀୟ ଗୋଷ୍ଠୀ ଉନ୍ନୟନ ଅଧିକାରୀ ସୁନିଲ ଖରା ଙ୍କ ଜରିଆରେ ମହାମହିମ ରାଜ୍ୟପାଳ ଙ୍କ ନିକଟକୁ ପଠାଇଥିଲେ । ଉକ୍ତ ଦାବିପତ୍ର ରେ ଉଲ୍ଲେଖ ରହିଥିଲା ।
ବ୍ଳକ ଅଫିସ ମାନଙ୍କରେ ବ୍ୟାପକ ପିସି କାରବାର ବନ୍ଦ ହେଉ, ଆବାସ ଯୋଜନାରେ ଦୁର୍ନୀତି, ଦରଦାମ ବୃଦ୍ଧି, ବେକାରୀ ସମସ୍ୟା,ନାରୀ ନିର୍ଯାତନା, ଚାଷୀଙ୍କ ମାରଣ ନୀତି, ଟାଟା କମ୍ପାନୀର ବିଜୁଳି ନୀତି ବିରୁଦ୍ଧରେ ଦାବି ଗୁଡିକ ଲେଖା ରହିଥିଲା । ଏଥିରେ ବ୍ଲକ ସଭାପତି ସି ଏଚ ନାଗେଶ୍ୱର ରାଓ, ଜିଲ୍ଲା ପରିଷଦ ସଭ୍ୟ ଅଷ୍ପିନି ମହାପାତ୍ର, ସାଂସଦ ପ୍ରତିନିଧି କୁମାର ସ୍ବାମୀ କୌଶଲ୍ୟା, ଏସି ସେଲ ର ଜିଲ୍ଲା ଉପସଭାପତି ଚିତ୍ତରଞ୍ଜନ ଗାଣ୍ଟା, ଡି ଆର ୟୁ ସି ସି ମେମ୍ବର ଗୁଡ଼ଲା ପ୍ରସାଦ ରାଓ ସମେତ ବ୍ଳକ ର କଂଗ୍ରେସ କର୍ମୀମାନେ ବହୁ ସଂଖ୍ୟାରେ ଯୋଗଦେଇଥିଲେ ।