Thursday, October 29, 2020
Home Development ବଡଜୋରରୁ ବିଜେପୁର ପଟକୁ ଯାଇଥିବା ରାସ୍ତା ବର୍ତ୍ତମାନ ମରଣଯନ୍ତା

ବଡଜୋରରୁ ବିଜେପୁର ପଟକୁ ଯାଇଥିବା ରାସ୍ତା ବର୍ତ୍ତମାନ ମରଣଯନ୍ତା

ରିପୋର୍ଟ: ନିରୋଜ କୁମାର ପାଣି //
ପଦ୍ମପୁର(ତା ୧୨୵ ୭): ବରଗଡ଼ ଜିଲା ସୋହେଲା-ପଦ୍ମପୁର ବିଜୁ ଏକ୍ସପ୍ରେସ ୱେର ବଡଜୋରରୁ ବିଜେପୁର ପଟକୁ ଯାଇଥିବା ରାସ୍ତାକାମ ମରଣଯନ୍ତା ପାଲଟିଛି । ଫଳରେ ଲୋକମାନେ ଯାତାୟାତରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ।

ଏହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ସୂଚନା ଅନୁସାରେ, ସୋହେଲା-ପଦ୍ମପୁର ବିଜୁ ଏକ୍ସପ୍ରେସ ୱେର ଘେଁସାଲଇ ନଦୀ ଉପରେ ବ୍ରିଜ୍‍ କାମ ଚାଲିଥିବାରୁ ବିଜେପୁର ପଟ ରାସ୍ତାକୁ ପରିବର୍ତ୍ତନ କରି କାମ ଚାଲିଛି । ବିଜେପୁର ପଟରୁ ନୂତନ ଭାବେ ନିର୍ମିତ ହୋଇଥିବା ଏହି ରାସ୍ତାର ଗୋଟିଏ ପଟରେ ୬/୭ ଫୁଟ୍‍ ତଳକୁ ବିଲ ରହିଛି । ଏବେ ବର୍ଷାଦିନ ଯୋଗୁ ମାଟି ଧୋଇଯାଇ ପ୍ରାୟ ୧୫୦ ମିଟର ରାସ୍ତା ସଙ୍କୁଚିତ ହୋଇଥିବା ବେଳେ ଆଗକୁ ଯାତାୟାତ ବାଧାପ୍ରାପ୍ତ ହେବା ସମ୍ଭାବନା ରହିଛି । ତେଣୁ ବିଲ ପଟକୁ ଗାର୍ଡୱାଲ କରିବା ପାଇଁ ଦାବି ହେଉଛି । ସେହିପରି ଉକ୍ତ ରାସ୍ତାର ମଧ୍ୟଭାଗରେ ଏକ ଇଲେକ୍ଟ୍ରି ଖୁଣ୍ଟ ରହିଛି । ତାକୁ ଅନ୍ୟତ୍ର ସ୍ଥାନାନ୍ତର କରାଯିବା ପରିବର୍ତ୍ତେ ଟ୍ରାଫିକ୍‍ ପୋଷ୍ଟ ଭଳି କରାଯାଇଛି । କିଛିଦିନ ତଳେ ଏକ କାର୍‍ ଏହି ଖୁଣ୍ଟରେ ପିଟିହୋଇ ଦୁର୍ଘଟଣାଗ୍ରସ୍ତ ହୋଇଥିଲା । ପୁଣି ବିଜୁ ଏକ୍ସପ୍ରେସ ୱେର ବଡଜୋର ଶେଷ ମୁଣ୍ଡରୁ ବିଜେପୁର ରାସ୍ତାକୁ ରହିଥିବା ବୁଲାଣି ସବୁଠାରୁ ବିପଜ୍ଜନକ ହୋଇପଡିଛି । ଏଠାରେ ଟ୍ରାଫିକ୍‍ ପୋଷ୍ଟର ଆବଶ୍ୟକତା ରହିଛି । ଘେଁସ ବଡଜୋର ନିକଟରୁ ବିଜେପୁର ପଟକୁ ଯାଇଥିବା ଏହି ରାସ୍ତାଟି ଅତ୍ୟନ୍ତ ବ୍ୟସ୍ତବହୁଳ ହୋଇଥିବାବେଳେ ପ୍ରତ୍ୟହ ବହୁସଂଖ୍ୟାରେ ଭାରୀଯାନ ଯାତାୟାତ କରୁଛି । ତେଣୁ ମରଣଯନ୍ତା ପାଲଟିଥିବା ରାସ୍ତା ଟି ଆଗକୁ ଆହୁରି ବିପଦସଙ୍କୁଳ ହେବ । ତେଣୁ ଜିଲା ପ୍ରଶାସନ ଏଠାରେ ଟ୍ରାଫିକ୍‍ ପୋଷ୍ଟ ନିର୍ମାଣ, ବାଇପାସ୍‍ ରାସ୍ତା ପାଶ୍ୱର୍ରେ ଗାର୍ଡୱାଲ ନିର୍ମାଣ ସହ ରାସ୍ତା ମଝିରେ ଥବବା ବିଦ୍ୟୁତ୍‍ ଖୁଣ୍ଟ ହଟାଇବାକୁ ଅଞ୍ଚଳବାସୀ ଦାବି କରିଛନ୍ତି ।

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ସେପ୍ଟେମ୍ବର ମାସର ଦରମା ପାଇନାହାନ୍ତି ଜୁନାଗଡ ଆରଏମସି କର୍ମଚାରୀ

ରିପୋର୍ଟ: ପ୍ରଭୁଦତ୍ତ ପଣ୍ଡା // ଜୁନାଗଡ଼ (୨୮/୧୦): କଳାହାଣ୍ଡି ତା.୨୮.୧୦.୨୦୨୦ ଅକ୍ଟୋବର ଶେଷ ହେବାକୁ ବସିଲାଣି ଜୁନାଗଡ ନିୟନ୍ତ୍ରିତ ବଜାର କମିଟୀ (ଆରଏମସି) ର କର୍ମଚାରୀ ମାନେ ସେପ୍ଟେମ୍ବର ମାସର ଦରମା ପାଇପାରିନଥିବା ଜଣାପଡିଛି...

ରାୟଗଡ଼ା ସାମ୍ବାଦିକ ସୁଶାନ୍ତ ଦାସଙ୍କ ବଡବାପା ରତ୍ନାକର ଦାସଙ୍କ ପରଲୋକ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ // ରାୟଗଡା (୨୮/୧୦): କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅର୍ନ୍ତଗତ ଚନ୍ଦନ ନଗର ଗ୍ରାମପଞ୍ଚାୟତ ଅଧୀନସ୍ଥ ଗୋପ୍ତିରା ଗ୍ରାମର ଶ୍ରୀଯୁକ୍ତ ରତ୍ନାକର ଦାସ ଙ୍କ ଗତ ରବିବାର ରାତ୍ର...

ଏସାର- ଗୁରୁକୁଳ ର ଭାରତ କାର୍ଯ୍ୟାଳୟ ଉଦଘାଟିତ

ରିପୋର୍ଟ: ସତ୍ୟଜିତ ବାରିକ // ଭୁବନେଶ୍ୱର / ନୂଆଦିଲ୍ଲୀ / ମାଞ୍ଚେଷ୍ଟର - ୨୭.୧୦): ଭାରତ ବର୍ଷର ପ୍ରାଚୀନ ଗୁରୁକୁଳ ଶିକ୍ଷା ପରମ୍ପରା ଖୁବ ମହାନ ଓ ମହିମାମୟ ଥିଲା ବୋଲି ଓଡିଶା ବିଧାନ...

ଯୁବକଙ୍କ ଶବ ଉଦ୍ଧାର, ହତ୍ୟା ଅଭିଯୋଗ

ରିପୋର୍ଟ: ଚିତ୍ତରଞ୍ଜନ ବାଗ // ଗୋଲାମୁଣ୍ଡା (୨୭/୧୦): କଳାହାଣ୍ଡି ଜିଲ୍ଲା ଗୋଲାମୁଣ୍ଡା ପୁଲିସ ଦ୍ଵାରା ଗତ କାଲି ସନ୍ଧ୍ୟା ସମୟରେ ଗୋଲାମୁଣ୍ଡା ଥାନା ଅନ୍ତର୍ଗତ ଗଇଣ୍ଡି ମୁଣ୍ଡା ଠାରେ ଜଣେ ଯୁବକଙ୍କ ଶବ ଉଦ୍ଧାର...

Recent Comments

%d bloggers like this: