ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୦/୭) : ଭାରତୀୟ କୃଷି ଏବଂ ଅନୁସନ୍ଧାନ ପରିଷଦର ୯୫ ତମ ସ୍ଥାପନା ଦିବସ ତିନି ଦିନ ବ୍ୟାପୀ କୃଷି ବିଜ୍ଞାନ କେନ୍ଦ୍ର ରାୟଗଡ଼ା , ଗୁଣପୁର ଠାରେ ପାଳିତ ହୋଇଯାଇଛି ।
ଏହି ଅବସରରେ ବିଭିନ୍ନ ପଞ୍ଚାୟତର ଚାଷୀ ଭାଇ ଭଉଣୀ ମାନଙ୍କୁ ନେଇ ଏକ ପ୍ରଦର୍ଶନୀ ଓ ସଭାର ଆହୋଜନ କରାଯାଇଥିଲା । ପ୍ରଥମେ ଚାଷୀ ମାନଙ୍କୁ ବୈଜ୍ଞାନିକ ଯନ୍ତ୍ରପାତି ଓ ଜ୍ଞାନ କୈାଶଳ ବିଷୟରେ ଆଲୋଚନା କରିବା ପରେ ବୈଜ୍ଞାନିକ ରାଜୀବ ଟୁଡୁ ନୂତନ ଭାବେ କାର୍ଯ୍ୟଭାର ଗ୍ରହଣ କରିଥିବା ବରିଷ୍ଠ ବୈଜ୍ଞାନିକ ଏବଂ ମୂଖ୍ୟ ଡଃ ସୁଶ୍ମୀତା ମହାନ୍ତି ଓ ବୈଜ୍ଞାନିକ ଡଃ ନାରାମ ରାମୁ ଙ୍କ ପରିଚୟ ପ୍ରଦାନ କରି ସଭାର ଶୁଭାରମ୍ଭ କରିଥିଲେ । କୃଷି ବିଜ୍ଞାନ କେନ୍ଦ୍ରର ମୂଖ୍ୟ ଡଃ ସୁଶ୍ମୀତା ମହାନ୍ତି ଚାଷୀ ଭାଇ ଭଉଣୀ ମାନଙ୍କୁ ବିଭିନ୍ନ କିସମ ଜମିରେ କିପରି ଚାଷ କଲେ ଚାଷୀ ମାନେ ଲାଭବାନ ହୋଇପାରିବେ ସେ ବିଷୟରେ ଆଲୋଚନା କରିଥିଲେ । ବୈଜ୍ଞାନିକ ଡଃ ନାରାମ ରାମୁ ପ୍ରାକୃତିକ କୃଷି ଓ ସମ୍ବନ୍ଵିତ କୃଷି ପ୍ରଣାଳୀ ପ୍ରୟୋଗ କରି ଚାଷକାର୍ଯ୍ୟ କଲେ ଚାଷୀ ମାନେ କିପରି କମ ଖର୍ଚ୍ଚରେ ଅଧିକ ଲାଭବାନ ହୋଇପାରିବେ ସେ ବିଷୟରେ ଆଲୋଚନା କରିଥିଲେ । ବୈଜ୍ଞାନିକ ସୁଶ୍ରୀ ହିମାଦ୍ରୀ ବାଗ କିପରି ପାଣିପାଗ ବିଷୟରେ ଉପଯୁକ୍ତ ସତର୍କତା ଅବଲମ୍ବନ କରି ଚାଷକାର୍ଯ୍ୟ କଲେ ଚାଷୀ ମାନେ ଉପକୃତ ହେବେ ସେ ବିଷୟରେ ଆଲୋକପାତ କରିଥିଲେ ।
ପରିଶେଷରେ କାର୍ଯ୍ୟକ୍ରମ ସହାୟକ ପରିମଳ ତରାଇ ଧନ୍ୟବାଦ ଅର୍ପଣ କରି ପ୍ରଥମ ଦିନର ସଭାକାର୍ଯ୍ୟ ପରିସମାପ୍ତ କରିଥିଲେ । ଦ୍ଵିତୀୟ ଦିନରେ ସହାୟକ କୃଷି ଅଧିକାରୀ ଗୁଣପୁର ଅଶ୍ଵିନୀ କୁମାର ସିଂ, ମାଁ ମହାଲକ୍ଷ୍ମୀ ଉନ୍ନୟନ ପ୍ରଡ୍ୟୁସର କମ୍ପାନୀ ଲିମିଟେଡ ର ସିଇଓ ଗୋପାଳକୃଷ୍ଣ ସାମନ୍ତ, କେବିକେ ମୁଖ୍ୟ ଡଃ ସୁଶ୍ମିତା ମହାନ୍ତି ଓ କୃଷି ବିଜ୍ଞାନ କେନ୍ଦ୍ରର ବୈଜ୍ଞାନିକ ମାନଙ୍କ ତତ୍ତ୍ଵାବଧାନରେ ୯୫ ତମ ଭାରତୀୟ କୃଷି ଏବଂ ଅନୁସନ୍ଧାନ ପରିଷଦର ସ୍ଥାପନା ଦିବସ କାର୍ଯ୍ୟକ୍ରମକୁ ଆଗେଇ ନିଆଯାଇଥିଲା । ବୈଜ୍ଞାନିକ ରାଜୀବ ଟୁଡୁ କିପରି ନୂତନ ଜ୍ଞାନକୌଶଳ ପ୍ରୟୋଗ କରି ରୋଗ ପୋକ ନିୟନ୍ତ୍ରଣ କରିହେବ ସେ ବିଷୟରେ ଆଲୋଚନା କରିଥିଲେ । କେବିକେ ମୁଖ୍ୟ ଡଃ ସୁଶ୍ମିତା ମହାନ୍ତି ଚାଷୀ ମାନଙ୍କ ମୂଖ୍ୟ ସମସ୍ୟା, ଉତ୍ପାଦିତ ଶଶ୍ୟର ଅମଳ ଓ ବିକ୍ରିବଟା କିପରି ଠିକ୍ ସମୟରେ କରି ଚାଷୀ ନିଜର ଆୟ ବୃଦ୍ଧି କରିପାରିବେ ତା ଉପରେ ଆଲୋକପାତ କରିଥିଲେ । ଅଶ୍ଵିନୀ କୁମାର ସିଂ ସରକାରଙ୍କ ବିଭିନ୍ନ ଯୋଜନା ବିଷୟରେ ଚାଷୀ ମାନଙ୍କୁ ଅବଗତ କରାଇଥିଲେ । ଗୋପାଳକୃଷ୍ଣ ସାମନ୍ତ କିଭଳି ଭାବେ କୃଷି ଉତ୍ପାଦକ ଗୋଷ୍ଠୀ ପଞ୍ଜିକରଣ କରିବେ ସେ ବିଷୟରେ ଆଲୋଚନା କରିଥିଲେ ।
ତୃତୀୟ ଦିନରେ ସହାୟକ ଉଦ୍ୟାନ ଅଧିକାରୀ ସତ୍ୟବ୍ରତ ସାହୁ ସରକାରଙ୍କ ବିଭିନ୍ନ ଯୋଜନା ବିଷୟରେ ଚାଷୀ ମାନଙ୍କୁ ଅବଗତ କରାଇଥିଲେ। କେବିକେ ମୁଖ୍ୟ ଡଃ ସୁଶ୍ମିତା ମହାନ୍ତି ସ୍ୱୟଂ ସହାୟିକା ଗୋଷ୍ଠୀର ମାଁ ଓ ଭଉଣୀ ମାନେ କିପରି ନିଜ ଆୟ ବୃଦ୍ଧି କରିବେ ଓ ପୋଷଣ ବଗିଚା କରି ଘରର ଆବଶ୍ୟକତା ମେଣ୍ଟାଇ ପାରିବେ ସେ ବିଷୟରେ ବିସ୍ତୃତ ବିବରଣୀ ଦେଇଥିଲେ । ଶ୍ରୀମତି ମଧୁମିତା ଷଡ଼ଙ୍ଗୀ କିପରି ନୂତନ ଙ୍କାନକୈାଶଳ ପ୍ରୟୋଗ କରି ଛତୁ ଚାଷ କରି ଅଧିକ ଲାଭବାନ ହୋଇପାରିବେ ସେ ବିଷୟରେ ସଭାକୁ ଅବଗତ କରାଇଥିଲେ । ପରିଶେଷରେ କେନ୍ଦ୍ରର ବୈଜ୍ଞାନିକା ହିମାଦ୍ରୀ ବାଗ ସମସ୍ତଙ୍କୁ ଧନ୍ୟବାଦ ଜଣାଇ ତିନି ଦିନ ଧରି ଚାଲିଥିବା ଏହି କାର୍ଯ୍ୟକ୍ରମର ପରିସମାପ୍ତ କରିଥିଲେ ।