Saturday, August 15, 2020
Home District News ଚାଷୀଙ୍କ ସୁବିଧା ପାଇଁ କାର୍ଯ୍ୟ କରୁ ନାହାନ୍ତି ଜୁନାଗଡ କାଡା ଜେଇ, ଚାଷି ପଚାରିଲେ ଧମକ...

ଚାଷୀଙ୍କ ସୁବିଧା ପାଇଁ କାର୍ଯ୍ୟ କରୁ ନାହାନ୍ତି ଜୁନାଗଡ କାଡା ଜେଇ, ଚାଷି ପଚାରିଲେ ଧମକ ଦେଉଥିବା ଅଭିଯୋଗ

ରିପୋର୍ଟ: ପ୍ରଭୁଦତ୍ତ ପଣ୍ଡା //
କଳାହାଣ୍ଡି (୨୨.୦୬.୨୦୨୦): କଳାହାଣ୍ଡି ଜିଲ୍ଲା ରେ ଇନ୍ଦ୍ରାବତୀ କମାଣ୍ଡ ଏରିଆ ଉନ୍ନୟନ ଏଜେନ୍ସି ( କାଡା) ତରଫରୁ ଇନ୍ଦ୍ରାବତୀ ଆୟାକଟ ଅଂଚଳରେ ଚାଷୀ ମାନଙ୍କ ସୁବିଧା ଦୃଷ୍ଟିରୁ ବିଭିନ୍ନ କାର୍ଯ୍ୟକ୍ରମ ମାନ ଗ୍ରହଣ କରିଥାନ୍ତି । ହେଲେ ଜୁନାଗଡ ଠାରେ ଅବସ୍ଥାପିତ କାଡା ବିଭାଗ କନିଷ୍ଠ ଯନ୍ତ୍ରୀ କିଛି ଠିକାଦାରଙ୍କ ସହିତ ମିଳିମିଶି ସମାନଙ୍କ ସହିତ ପାର୍ଟନରସିପ କରୁଥିବା ଅବିଯୋଗ ହେଉଛି ।

ନିୟମ ଅନୁସାରେ କାଡା ବିଭାଗ ପକ୍ଷରୁ ବିଭିନ୍ନ ପାଣି ପଂଚାୟତ ମାନଙ୍କ ଅଂଚଳରେ ଚାଷୀ ମାନଙ୍କ ସୁବିଧା ପାଇଁ କରନାଳ ନିର୍ମାଣ କରାଯିବାର ବ୍ୟବସ୍ଥା ରହିଛି । ହେଲେ ଯେଉଁ ପାଣିପଂଚାୟତ ଗୁଡିକର କାର୍ଯ୍ୟକର୍ତା ମାନେ ସଂପୃକ୍ତ ଜେଇଙ୍କ ଇଚ୍ଛା ଅନୁସାରେ ଓ ଜେଇ-ଠିକାଦାର ମିଳିତ ଗୋଷ୍ଠୀକୁ ସୁହାଇବା ଭଲି କାର୍ଯ୍ୟ କରିବାକୁ ଇଚ୍ଛା କରନ୍ତି ନାହିଁ ସେହି ପାଣିପଂଚାୟତ ପାଇଁ ଅନୁଦାନ ଯୋଗାଇଦେବାର ବ୍ୟବସ୍ଥା କିମ୍ବା କୌଣସି ଏଷ୍ଟିମେଟ ପ୍ରସ୍ତୃତ କରୁନଥିବାର ଅଭିଯୋଗ ହେଉଛି । ଯେଉଁ ପାଣିପଂଚାୟତ ଗୁଡିକ ସଂପୃକ୍ତ ଜେଇ ତଥା ତାଙ୍କ ମନୋନୀତ ଠିକାଦାରଙ୍କୁ ସୁହାଇବା ଭଲି କାର୍ଯ୍ୟକୁ ସ୍ୱୀକାର କରନ୍ତି ସେହି ପାଣିପଂଚାୟତ ପାଇଁ ଅନୁଦାନ ଦେବାର ବ୍ୟବସ୍ଥା କରିବା ସହିତ ନିଜ ମନଇଚ୍ଛା ଏଷ୍ଟିମେଟ କରୁଥିବା କୁହାଯାଉଛି ।

ଏପରିକି ଅନାବଶ୍ୟକ ସ୍ଥଳରେ କାମ କରିଦେଉଥିବା ଏବଂ ତଳୁ ଉପରମୁଣ୍ଡକୁ ପାଣି ଯିବା ଭଲି କରନାଳ ନିର୍ମାଣ କରିଦେଇ ବିଲ ଉଠାଣ କରୁଥିବା ଅଭିଯୋଗ ହେଉଛି । ଯେଉଁ ପାଣିପଂଚାୟତ ଗୁଡିକ ସଂପୃକ୍ତ ଜେଇ ଓ ତାଙ୍କ ଗୋଷ୍ଠୀର ଠିକାଦାରଙ୍କ ସହ ବୁଝାମଣା କରନ୍ତି ନାହିଁ ତେବେ ସେମାନଙ୍କୁ ବିଭିନ୍ନ ସମୟରେ ଅସାମାଜିକ ଓ ଗୁଣ୍ଡା ଶ୍ରେଣୀୟ ଲୋକ ଲଗାଇ ସେହି ପାଣିପଂଚାୟତ କର୍ମକର୍ତା ମାନଙ୍କୁ ଭୟଭୀତ କରାଉଥିବା ହେତୁ ଅଧିକାଂଶ ପାଣିପଂଚାୟତ କର୍ମକର୍ତା ଭୟରେ ମୁହଁ ଖୋଲୁ ନ ଥିବାର ପ୍ରକାଶ । ଅଧିକାଂଶ ସମୟରେ ସଂପୃକ୍ତ ଜୁନାଗଡ କାଡା ଜେଇ ଜଣକ ନିଜ ଗୋଷ୍ଠୀର ଠିକାଦାର ଏବଂ କାମ ଯୋଗାଡ କରୁଥିବା ଗୁଣ୍ଡା ଶ୍ରେଣୀୟ ବ୍ୟକ୍ତି ବିଶେଷ ମାନଙ୍କ ସହିତ ନକଟୀଗୁଡା ଧାନ ମଣ୍ଡି ନିକଟରେ ବିହାରୀ ପାଣି ସହିତ ଭୋଜିଭାତ କରୁଥିବା କେହି କେହି ଦେଖିଥିବାର ଅଭିଯୋଗ ହୋଇଛି । ଯେଉଁ ପାଣିପଂଚାୟତ କର୍ମକର୍ତା ମାନେ ସଂପୃକ୍ତ ଜେଇ ଗୋଷ୍ଠୀଙ୍କୁ କାମ ଦେବାକୁ ରାଜି ହୁଅନ୍ତି ନାହିଁ ସେମାନଙ୍କୁ ଏକ ଧଳା ରଙ୍ଗର କାରରେ ବୋହି ଆଣି ଉକ୍ତ ଜେଇଙ୍କ ଦ୍ୱାରା ନିଯୁକ୍ତ ଠିକାଦାରଙ୍କୁ କାମ ଦେବାକୁ ବାଧ୍ୟ କରାଉଥିବାର ମଧ୍ୟ ଅଭିଯୋଗ ହେଉଛି । ଏସବୁ ଅଭିଯୋଗର ସତ୍ୟାସତ୍ୟ ଜାଣିବା ପାଇଁ ଗଣମାଧ୍ୟମ ପ୍ରତିନିଧି ମାନଙ୍କ ତରଫରୁ ସଂପୃକ୍ତ ଜେଇଙ୍କୁ ଫୋନ କରି ପଚାରିବାରୁ ଜେଇ ଜଣକ ଉତ୍ୟକ୍ତ ହୋଇ ମୁଁ ତୁମ ଅଧିନରେ ଚାକିରୀ କରିନାହିଁ, ମୋର ଯାହା ଇଚ୍ଛା ତାହା କରିବି ତୁମେ କହିବାକୁ କିଏ ବୋଲି ରୁକ୍ଷ ସ୍ୱରରେ ଜବାବ ଦେଇଥିବା ଜଣାପଡିଛି । ଚାଷି ମାନଙ୍କ ସୁବିଧା ପାଇଁ ଜେଇ ସ୍ୱତନ୍ତ୍ର ଧ୍ୟାନ ଦେବାକୁ ଅନୁରୋଧ କରାଯାଇଥବା ବେଳେ ସଂପୃକ୍ତ ଜେଇ ଜଣକ ଉତ୍ୟକ୍ତ ହୋଇ ଆରେ ତୁ କିଏ ବେ, ମୋତେ କହିବାକୁ ତୁ କିଏ ବୋଲି ଧମକପୂର୍ଣ୍ଣ ସ୍ୱରରେ କହିଥିବା ପ୍ରକାଶ । ଏଥି ସହିତ କିଛି ଭିନ୍ନ ସ୍ୱରରେ କଥା କହୁଥିବା ତିନି ଜଣ ବ୍ୟକ୍ତି ସୋମବାର ଅପରାହ୍ନରେ ଅଶାଳିନ ଅସଭ୍ୟ ଭାଷାରେ ଗଣମାଧ୍ୟମ ପ୍ରତିନିଧି ମାନଙ୍କୁ ଗାଳି କରୁଥିବା ଦେଖାଯାଇଥିଲା । ଏସଂପର୍କରେ ଗଣମାଧ୍ୟମ ପ୍ରତିନିଧିମାନଙ୍କ ପକ୍ଷରୁ କାଡା ବିଭାଗ ମୂଖ୍ୟ ଯନ୍ତ୍ରୀଙ୍କ ଦୃଷ୍ଟି ଆକର୍ଷଣ କରାଯାଇଥିବା ଜଣାପଡିଛି । ଜଣେ ସରକାରୀ ପଦାଧିକାରୀ ଭାବରେ ଉକ୍ତ କାଡା ଜେଇ ଜଣକ ଜନସାଧାରଣଙ୍କ ସାମୁହିକ ସ୍ୱାର୍ଥ ଦୃଷ୍ଟିରୁ କାର୍ଯ୍ୟ କରିବାକୁ ନିଯୁକ୍ତ ହୋଇଥିବା ବେଳେ ନିଜର ଗୋଷ୍ଠୀ କରି ସେହି ଗୋଷ୍ଠୀ ପାଇଁ କାର୍ଯ୍ୟ କରୁଥିବା ଏବଂ ପ୍ରାୟତଃ ଏକ ଭିନ୍ନ ଦୁନିଆରେ ରହୁଥିବା ହେତୁ ସଂପୃକ୍ତ ଜେଇ ଙ୍କର ଡାକ୍ତରୀ ପରୀକ୍ଷା କରାଗଲେ ବହୁ ଗୋପନୀୟ ତଥ୍ୟ ପଦାକୁ ଆସିପାରିବ ବୋଲି ବୁଦ୍ଧିଜୀବି ମହଲରେ ଦାବୀ ହେଉଛି ।

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ରାଜ୍ୟରେ ଆଜି ୨୯ ଜିଲ୍ଲାରୁ ୨୪୯୬ ନୂଆ କରୋନା ଆକ୍ରାନ୍ତ ଚିହ୍ନଟ,ବଲାଙ୍ଗୀରରେ ୯୨

ବଲାଙ୍ଗୀର (ଓଡିଶା ନ୍ୟୁଜ୨୪-ବ୍ୟୁରୋ-୧୫/୦୮): ରାଜ୍ୟରେ ଆଜି ୨୯ ଜିଲ୍ଲାରୁ ୨୪୯୬ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ୧୫୯୧ ସଙ୍ଗରୋଧ କେନ୍ଦ୍ରରୁ ଓ ସ୍ଥାନୀୟ ଅଞ୍ଚଳରୁ...

ବାଲିଗାଁ ପଞ୍ଚାୟତ ବିଜେପି କର୍ମୀଙ୍କ ପକ୍ଷରୁ ପ୍ରଧାନମନ୍ତ୍ରୀ ରିଲିଫ୍ ପାଣ୍ଠିକୁ ଦାନ

ରିପୋର୍ଟ: ଏନ.ସନ୍ତୋଷ କୁମାର // ବୈପାରିଗୁଡା (୧୫/୦୮): ବୈପାରିଗୁଡା ବ୍ଲକ ଅନ୍ତର୍ଗତ ବାଲିଗାଁ ପଞ୍ଚାୟତ ବିଜେପି କର୍ମୀଙ୍କ ପକ୍ଷରୁ ପ୍ରଧାନମନ୍ତ୍ରୀଙ୍କ ରିଲିଫ ପାଣ୍ଠିକୁ ୫ହଜାର ଟଙ୍କା ସହାୟତା ପ୍ରଦାନ କରାଯାଇଛି l କରୋନା ପରି ମହାମାରୀ...

ଏବିପିଏସ ଛାତ୍ରଛାତ୍ରୀଙ୍କୁ ରୋଟାରୀଆନଙ୍କ ପକ୍ଷରୁ ୪୦ଗୋଟି ଆଇପ୍ୟାଡ଼ ପ୍ରଦାନ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ // ରାୟଗଡା (୧୪/୦୮): ସାରା ବିଶ୍ୱ ଜନତା ଓ କରୋନା ମହାମାରୀର ଛକାପଞ୍ଝା ଭିତରେ ଅତ୍ୟଧିକ ପ୍ରଭାବିତ ହୋଇଛନ୍ତି ଆଗାମୀ ପିଢ଼ି କୁହାଯାଉଥିବା ଶିକ୍ଷାର୍ଥୀ ମାନେ l...

FCI ଛକ ନିକଟରେ ୨୪ଲକ୍ଷ ଟଙ୍କା ଲୁଟ ହେବା ଘଟଣାର ପର୍ଦ୍ଧାଫାସ କରିଛି ରାୟଗଡା ପୋଲିସ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ // ରାୟଗଡା (୧୪/୦୮): ରାୟଗଡ଼ା ସହରର FCI ଛକ ନିକଟରେ ୨୪ଲକ୍ଷ ଟଙ୍କା ଲୁଟ ହେବା ଘଟଣାର ପର୍ଦ୍ଧାଫାସ କରିଛି ରାୟଗଡା ପୋଲିସ | ଲୁଟର ଶିକାର ହୋଇଥିବା...

Recent Comments

%d bloggers like this: