ରିପୋର୍ଟ : ପ୍ରେମାନନ୍ଦ ନାଏକ
ସୁବର୍ଣ୍ଣପୁର, (୧୭/୦୭) : ଜିଲ୍ଲା ଆଇନସେବା ପ୍ରାଧିକରଣ, ସୁବର୍ଣ୍ଣପୁର ତରଫରୁ ସଦର ମହାରାଜା ଉଚ୍ଚ ବିଦ୍ୟାଳୟ, ସୋନପୁର ଠାରେ ଏକ ଜିଲ୍ଲା ସ୍ତରୀୟ ଆଇନ ସଚେତନତା ଶିବିର “କିଶୋର ନ୍ୟାୟିକ ଆଇନ ଏବଂ ବାଧ୍ୟତାମୂଳକ ଶିକ୍ଷା ଅଧିକାର” ବିଷୟ ଉପରେ ଅନୁଷ୍ଠିତ ହୋଇ ଯାଇଛି ।
ଏହି ଆଇନ ସଚେତନତା ଶିବିରରେ ଜିଲ୍ଲା ସ୍ତରୀୟ ଆଇନସେବା ପ୍ରାଧିକରଣ, ସୁବର୍ଣ୍ଣପୁର ର ସଚିବ ମିସ କୁମୁଦିନୀ ମୁଦୁଲି ମୁଖ୍ୟ ଅତିଥି ରୂପେ ଯୋଗ ଦେଇ କିଶୋର ନ୍ୟାୟିକ ଆଇନ ଏବଂ ବାଧ୍ୟତାମୂଳକ ଶିକ୍ଷା ଅଧିକାର ବିଷୟ ଉପରେ ସମସ୍ତଙ୍କୁ ଅବଗତ କରି ଥିଲେ ଏବଂ ଜିଲ୍ଲା ଆଇନ ସେବା ପ୍ରାଧିକରଣର ଉଦ୍ୟେଶ ଓ ତାହାର କାର୍ଯ୍ୟକାରିତା ଉପରେ ଆଲୋଚନା କରି ଥିଲେ । ଏହି ଶିବିର ରେ ଅନ୍ୟ ମାନଙ୍କ ମଧ୍ୟରେ ସିଭିଲ କୌଟ ରେଜିଷ୍ଟ୍ରାର ଶ୍ରୀମତୀ ସୁଚରିତା ମହାନ୍ତି ଯୋଗ ଦେଇ କିଶୋର ନ୍ୟାୟିକ ଆଇନ ଉପରେ ବିସ୍ତୃତ ଆଲୋଚନା କରି ଥିଲେ । ଅନ୍ୟ ମାନଙ୍କ ମଧ୍ୟରେ କିଶୋର ନ୍ୟାୟିକ ବୋର୍ଡ଼ ର ସଦସ୍ୟ ରଂଜିତା ସାହୁ ଯୋଗ ଦେଇ କିଶୋର ନ୍ୟାୟିକ ଆଇନ ଏବଂ ବାଧ୍ୟତାମୂଳକ ଶିକ୍ଷା ଅଧିକାର ଉପରେ ବିସ୍ତୃତ ଆଲୋଚନା କରି ଥିଲେ । ଜିଲ୍ଲା ଆଇନସେବା ପ୍ରାଧିକରଣ, ସୁବର୍ଣ୍ଣପୁର ର ସଦସ୍ୟ ମିନା ମହାରଣା, ସଦର D.S.P. ଚନ୍ଦ୍ରଶେଖର ସବର ପ୍ରମୁଖ ଏହି ଶିବିର ରେ ଯୋଗ ଦେଇ ଥିଲେ ।
ସଭା ଶେଷରେ ମହାରାଜା ଉଚ୍ଚ ବିଦ୍ୟାଳୟ, ସୋନପୁର ର ପ୍ରଧାନ ଶିକ୍ଷକ ଶ୍ରୀ ଆଶିଷ ରଥ ଧନ୍ୟବାଦ ଅର୍ପଣ କରି ଥିଲେ । ଏଥିରେ ମହାରାଜା ଉଚ୍ଚ ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟତ୍ରୀ ମାନେ ଯୋଗ ଦେଇ ଥିଲେ । ଏହି ଶିବିରରେ ଜ଼ିଲ୍ଲା ଆଇନସେବା ପ୍ରାଧିକରଣ, ସୁବର୍ଣ୍ଣପୁରର ବିନ୍ଦୁସାର ମହାପାତ୍ର, କେଶବ ଗୁରୁ, ସିଦ୍ଧାନ୍ତ କୁମାର ବାଘ, କମଳ ଲୋଚନ ବେହେରା, ଅନାମ ସାହୁ ଏବଂ ରଞ୍ଜନ କୁମାର ଭୋଇ ପ୍ରମୁଖ ସହଯୋଗ କରି ଥିଲେ ।