Related Contents

କେନ୍ଦୁଝର: କେନ୍ଦୁଝର ଜିଲା ହରିଚନ୍ଦନପୁର ହାଟ ପଡିଆ ନିକଟରେ ଥିବା ଶନି ମନ୍ଦିରରୁ ଆଜି ସକାଳ ୬ଟା ସମୟରେ ୬ ମାସର ଶିଶୁ ପୁତ୍ରକୁ ଉଦ୍ଧାର କରାଯାଇଛି।

ସୂଚନା ଅନୁଯାୟୀ ସକାଳ ସମୟରେ ହରିଚନ୍ଦନପୁର ଦଣ୍ଡାହୁଡି ସାହିର ସୁରେନ୍ଦ୍ର ମଣ୍ଡଳ କୌଣସି କାମରେ ଶନି ମନ୍ଦିର ପାଖ ଦେଇ ଯାଉଥିଲେ। ଛୋଟ ଶିଶୁର କାନ୍ଦ ଶୁଣି ମନ୍ଦିର ନିକଟକୁ ଦୌଡି ଯାଇଥିଲେ। ଏବଂ ସେଠାରେ ଦେଖିଥିଲେ ୬ମାସର ଶିଶୁ ପୁତ୍ରଟି ଏକା ବସି କାନ୍ଦୁଥିବା ସମୟରେ କିଛି କୁକୁର ଘେରି ବସିଛନ୍ତି। ଶିଶୁ ପୁତ୍ରଟିକୁ ଉଦ୍ଧାର କରି ଘରକୁ ଆଣିବା ସହ ପୋଲିସ ପ୍ରଶାସନକୁ ଜଣାଇଥିଲେ ଓ ପରେ ପରେ ସ୍ବାସ୍ଥ୍ୟ ଚିକିତ୍ସା କରିଥିଲେ।

ଲୋକମାନଙ୍କ କହିବା ଅନୁସାରେ ସକାଳ ୫ଟା୩୦ ସମୟରେ ଜଣେ ମହିଳା ଡ୍ରେସ୍ ପିନ୍ଧି ଆସିଥିଲେ ଓ ଶନି ମନ୍ଦିର ପାଖରେ ବସିଥିଲେ। ଶିଶୁ ପୁତ୍ରଟିକୁ ଶନି ମନ୍ଦିର ପରିସରରେ ଛାଡି ସକାଳ ୬ଟା ସମୟରେ କଟକ ଯାଉଥିବା ଏକ ବସରେ ବସି ଚାଲିଯାଇଥିଲେ। ସୁରେନ୍ଦ୍ର ମଣ୍ଡଳ ଶିଶୁ ପୁତ୍ରଟିକୁ ନିଜର କରି ରଖିବା ସହ ଠିକ୍ ଭାବରେ ଲାଳନ ପାଳନ କରିବା ସହ ସମସ୍ତ ଦାୟିତ୍ୱ ନେବେ ବୋଲି ଜଣାଇଛନ୍ତି।

Comments are closed.