ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
କଟକ, (୦୮/୦୭) : 11କେଭି ଇଲେକ୍ଟ୍ରି ତାର ସ୍ପର୍ଶରେ ଆସି ପୋଡ଼ି ହୋଇଗଲେ ରେଭେନ୍ସା ବିଶ୍ଵବିଦ୍ୟାଳୟ ଛାତ୍ର ।
ଶରୀରର ୮୦ ରୁ ୯୦ ଭାଗ ଅଂଶ 11କେଭି ଇଲେକ୍ଟ୍ରି ତାର ସ୍ପର୍ଶରେ ଆସି ପୋଡ଼ି ହୋଇଯାଇଥିବା ବେଳେ ଗୁରୁତର ଅବସ୍ଥାରେ କଟକ ଏସସିବି ମେଡ଼ିକାଲରେ ଭର୍ତ୍ତି କରାଯାଇଛି । ଛାତ୍ର ଜଣକ ହେଲେ ରେଭେନ୍ସା ବିଶ୍ଵବିଦ୍ୟାଳୟର ଅର୍ଥନୀତି ବିଭାଗର ଦ୍ଵିତୀୟ ବର୍ଷ ଛାତ୍ର ଅଜୟ ୟାଲ । ସେ ଲଳିତଗିରି ହଷ୍ଟେଲରେ ରୁହନ୍ତି ।
ମିଳିଥିବା ସୂଚନା ମୁତାବକ ଦୀର୍ଘ ଦିନ ଧରି ହଷ୍ଟେଲ ମେସ ବନ୍ଦ ଥିବା ବେଳେ ଅନ୍ତେବାସୀ ହଷ୍ଟେଲ ବାହାରେ ଖାଇବା ପିଇବା କରୁଛନ୍ତି । ଏଥିପାଇଁ ଶୁକ୍ରବାର ଦିନ ଅଜୟ ୟାଲ୍ ହଷ୍ଟେଲ ପଛପଟ କାନ୍ଥ ପାର ହୋଇ ହୋଟେଲକୁ ଯାଉଥିବା ସମୟରେ ସେଠି ଥିବା ୧୧ କେଭି ତାର ସ୍ପର୍ଶରେ ଆସି ପୋଡ଼ି ହୋଇଗଲେ ।