Thursday, October 29, 2020
Home Development କୋଲନାରା ବ୍ଲକର ବିଭିନ୍ନ ଉନ୍ନୟନ ପ୍ରକଳ୍ପ ପରିଦର୍ଶନ କଲେ ଜିଲ୍ଳାପାଳ

କୋଲନାରା ବ୍ଲକର ବିଭିନ୍ନ ଉନ୍ନୟନ ପ୍ରକଳ୍ପ ପରିଦର୍ଶନ କଲେ ଜିଲ୍ଳାପାଳ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //
ରାୟଗଡ଼ା:-ତା ୧୩/୬- ରାୟଗଡ଼ା ଜିଲ୍ଳାପାଳ ଶ୍ରୀ ପ୍ରମୋଦ କୁମାର ବେହେରା ଆଜି କୋଲନରା ବ୍ଲକର ବିଭିନ୍ନ ଉନ୍ନୟନ ପ୍ରକଳ୍ପ ପରିଦର୍ଶନ କରିଛନ୍ତି । ଗୋୖଡ଼ଲିବାଳି ଠାରେ ପୋଖରୀ ପୁନଃରୁଦ୍ଧାର ଓ ସୌନ୍ଦର୍ୟ୍ଯକରଣ ଚାଲିଥିବା କାମ ବୁଲି ଦେଖିଥିଲେ ।

ମନରେଗା ଯୋଜନାରେ କରାଯାଉଥିବା ଏହିକାମରେ ୬୦ଜଣ ଶ୍ରମିକ କାମରେ ଲାଗିଥିବା ଦେଖିଲେ ଓ ସେମାନଙ୍କ ସହ ମଜୁରୀ ଠିକ ଭାବରେ ଦିଆହେଉଛି କି ନାହିଁ, ସେ ସମ୍ପର୍କରେ ପଚାରି ବୁଝିଥିଲେ । ଏହାପରେ ଜିଲ୍ଳାପାଳ ଲେଖାପାଇ ଠାରେ ମନରେଗା ଦ୍ବାରା ଚାଲିଥିବା ପୋଖରୀ ପୁନଃ ରୁଦ୍ଧାର କାମ ବୁଲିଦେଖିବା ସହ ରାଜ୍ୟ ଅର୍ଥ କମିଶନ/କେନ୍ଦ୍ର ଅର୍ଥ କମିଶନ ତରଫରୁ କରାଯାଇଥିବା ପିଇବା ପାଣି ଯୋଗାଣ ପ୍ରକଳ୍ପ ଓ ଜଳଅମଳ ପ୍ରକଳ୍ପ ପରିଦର୍ଶନ କରିଥିଲେ । ଜିଲ୍ଳାପାଳ ଲେଖାପାଇ ଗ୍ରାମର ଗ୍ରାମବାସୀଙ୍କ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ।

ଏବଂ ପାଣି ସମସ୍ୟା ସମାଧାନ ପାଇଁ ଗ୍ରାମବାସୀଙ୍କୁ ଆଉ ଗୋଟିଏ ଡୁଆଲ ପମ୍ପ ସ୍ଥାପନା କରିବାକୁ ପରାମର୍ଶ ଦେଲେ। ଏହାପରେ ମନରେଗା ଯୋଜନାରେ ଅଙ୍କାବାଡ଼ି ଠାରେ ଚାଲିଥିବା ପୋଖରୀର ପୁନଃରୁଦ୍ଧାର ତଥା ସୌନ୍ଦର୍ଯ୍ୟକରଣ କାମ ଓ ନୂଆ କେନାଲ ନିର୍ମାଣ କାମ ପରିଦର୍ଶନ କରିଥିଲେ, କେନାଲ କାମ ଆହୁରି ଆଗକୁ ବଢ଼ାଇବାକୁ ପରାମର୍ଶ ଦେଲେ । ଯାହାଫଳରେ ବହୁତ ଗୁଡାଏ ଜମିରେ ଜଳସେଚନ କରାଯାଇପାରିବ ।

କୋଲନରାରୁ ଫେରିବା ବେଳେ ଜିଲ୍ଳାପାଳ କଭିଡି ସ୍ବାସ୍ଥ୍ୟ କେନ୍ଦ୍ର ପରିଦର୍ଶନ କରିଥିଲେ ଓ ନିର୍ମାଣ କାର୍ଯ୍ୟକୁ ପର୍ଯ୍ୟବେକ୍ଷଣ କରିଥିଲେ । ସ୍ୱାସ୍ଥ୍ୟ ଅଧିକାରୀ ମାନଙ୍କ ସହିତ ଓ କର୍ମଚାରୀ ମାନଙ୍କ ଆଲୋଚନା କରିଥିଲେ । ଜିଲ୍ଳାପାଳଙ୍କ ଏହି ପରିଦର୍ଶନ ସମୟରେ କୋଲନରା ବ୍ଲକ ବିଡ଼ିଓ ଶ୍ରୀ ତାପସ କୁମାର ଭୋଇ ଓ ଅନ୍ୟାନ୍ୟ ଅଧିକାରୀ ଓ ଯନ୍ତ୍ରୀ ମାନେ ଉପସ୍ଥିତ ଥିଲେ ।

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ସେପ୍ଟେମ୍ବର ମାସର ଦରମା ପାଇନାହାନ୍ତି ଜୁନାଗଡ ଆରଏମସି କର୍ମଚାରୀ

ରିପୋର୍ଟ: ପ୍ରଭୁଦତ୍ତ ପଣ୍ଡା // ଜୁନାଗଡ଼ (୨୮/୧୦): କଳାହାଣ୍ଡି ତା.୨୮.୧୦.୨୦୨୦ ଅକ୍ଟୋବର ଶେଷ ହେବାକୁ ବସିଲାଣି ଜୁନାଗଡ ନିୟନ୍ତ୍ରିତ ବଜାର କମିଟୀ (ଆରଏମସି) ର କର୍ମଚାରୀ ମାନେ ସେପ୍ଟେମ୍ବର ମାସର ଦରମା ପାଇପାରିନଥିବା ଜଣାପଡିଛି...

ରାୟଗଡ଼ା ସାମ୍ବାଦିକ ସୁଶାନ୍ତ ଦାସଙ୍କ ବଡବାପା ରତ୍ନାକର ଦାସଙ୍କ ପରଲୋକ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ // ରାୟଗଡା (୨୮/୧୦): କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅର୍ନ୍ତଗତ ଚନ୍ଦନ ନଗର ଗ୍ରାମପଞ୍ଚାୟତ ଅଧୀନସ୍ଥ ଗୋପ୍ତିରା ଗ୍ରାମର ଶ୍ରୀଯୁକ୍ତ ରତ୍ନାକର ଦାସ ଙ୍କ ଗତ ରବିବାର ରାତ୍ର...

ଏସାର- ଗୁରୁକୁଳ ର ଭାରତ କାର୍ଯ୍ୟାଳୟ ଉଦଘାଟିତ

ରିପୋର୍ଟ: ସତ୍ୟଜିତ ବାରିକ // ଭୁବନେଶ୍ୱର / ନୂଆଦିଲ୍ଲୀ / ମାଞ୍ଚେଷ୍ଟର - ୨୭.୧୦): ଭାରତ ବର୍ଷର ପ୍ରାଚୀନ ଗୁରୁକୁଳ ଶିକ୍ଷା ପରମ୍ପରା ଖୁବ ମହାନ ଓ ମହିମାମୟ ଥିଲା ବୋଲି ଓଡିଶା ବିଧାନ...

ଯୁବକଙ୍କ ଶବ ଉଦ୍ଧାର, ହତ୍ୟା ଅଭିଯୋଗ

ରିପୋର୍ଟ: ଚିତ୍ତରଞ୍ଜନ ବାଗ // ଗୋଲାମୁଣ୍ଡା (୨୭/୧୦): କଳାହାଣ୍ଡି ଜିଲ୍ଲା ଗୋଲାମୁଣ୍ଡା ପୁଲିସ ଦ୍ଵାରା ଗତ କାଲି ସନ୍ଧ୍ୟା ସମୟରେ ଗୋଲାମୁଣ୍ଡା ଥାନା ଅନ୍ତର୍ଗତ ଗଇଣ୍ଡି ମୁଣ୍ଡା ଠାରେ ଜଣେ ଯୁବକଙ୍କ ଶବ ଉଦ୍ଧାର...

Recent Comments

%d bloggers like this: