Advertisements
Friday, July 3, 2020
Home Government News ପୂର୍ବତନ ସାଂସଦ ପ୍ରଦୀପ ମାଝୀଙ୍କ ବଦାନ୍ୟତା, ଦାଦନ ବଜାରରୁ ଉଦ୍ଧାର ହେଲେ ବନ୍ଧକ ନାବାଳିକା

ପୂର୍ବତନ ସାଂସଦ ପ୍ରଦୀପ ମାଝୀଙ୍କ ବଦାନ୍ୟତା, ଦାଦନ ବଜାରରୁ ଉଦ୍ଧାର ହେଲେ ବନ୍ଧକ ନାବାଳିକା

ରିପୋର୍ଟ: ଜିଲ୍ଲାପ୍ରତିନିଧି ଏ.ସତୀଶ //
ନବରଙ୍ଗପୁର (୦୧/୦୬): ତେଲେଙ୍ଗାନା ଇଟା ଭାଟିରୁ ଉଦ୍ଧାର ହେଲେ ନବରଙ୍ଗପୁର ନାବାଳିକା । ନାବାଳିକା ଝିଅର ମା ନିଜ ଶରୀରର ଚିକିତ୍ସା କରାଇବା ପାଇଁ ଇଟାଭାଟିର ମାଲିକ ନିକଟରେ ରୁଣ କରି ଆସିଥିଲେ। ମା ର ମୃତ୍ୟୁ ପରେ ମାର କରଜ ସୁଝିବା ପାଇଁ ହାଇଦ୍ରାବାଦର ଏକ ଇଟାଭାଟିରେ ବନ୍ଧାପଡିଥିବା ଚନ୍ଦାହାଣ୍ଡିର ଏକ କଲେଜ ପଢ଼ୁଆ ନାବାଳିକାକୁ ଆଜି ଶେଷରେ ପୂର୍ବତନ ସାଂସଦ ପ୍ରଦୀପ ମାଝୀ ଉଦ୍ଧାର କରି ଆଣିବାରେ ସଫଳ ହୋଇଛନ୍ତି।

ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡିର କଲେଜ ପଢ଼ୁଆ ୧୬ବର୍ଷୀୟ ନାବାଳିକା ସାଗରୀକା ପାଣିଗ୍ରାହୀ ତାଙ୍କ ମା କରିଥିବା କରଜକୁ ସୁଝିବା ପାଇଁ ହାଇଦ୍ରାବାଦର ଏକ ଇଟାଭାଟିରେ ୫ ମାସ ହେବ ବନ୍ଧକ ପଡିଥିଲେ। | ମା ଅନାଦି ଚୌହାନଙ୍କ ମୃତ୍ୟୁ ପରେ ସାଗରୀକା ମାର ଶେଷ ଦର୍ଶନ କରିବା ପାଇଁ ଆସିପାରି ନ ଥିଲେ କି ମାଙ୍କ ଶୁଦ୍ଧକ୍ରୀୟାରେ ବି ଯୋଗଦେଇ ପାରି ନ ଥିଲେ । ଏପଟେ ମା କୁ ହରାଇ ସାନ ଭଉଣୀ ଇଟାଭାଟିରେ ବନ୍ଧକ ପଡିଥିବା ବେଳେ ସାନ ଭଉଣୀକୁ ଦେଖିବା ପାଇଁ ବଡ ଭଉଣୀ ଏକାକି ଘରେ ଅପେକ୍ଷା କରି ରହିଥିଲା। | ଘଟଣା ପ୍ରଘଟ ହେବା ପରେ ବହୁ ସ୍ବେଛାସେବୀ ସଂଗଠନ ଉଦ୍ଧାର କରିବା ପାଇଁ ଆଗେଇ ଆସିଥିଲେ ମଧ୍ୟ ପ୍ରଶାସନ ପକ୍ଷରୁ କେବଳ ଚିଠି ପତ୍ର ଆଦାନ ପ୍ରଦାନ ମଧ୍ୟରେ ସିମିତ ରହିଥିଲା । ଏପରି ପରିସ୍ଥିତିରେ ପୂର୍ବତନ ସାଂସଦ ପ୍ରଦୀପ ମାଝୀ ନିଜ ଗାଡିରେ ଚନ୍ଦାହାଣ୍ଡି ବ୍ଲକ କଂଗ୍ରେସ ସଭାପତି ହୁମେଶ୍ବର ହଂସକୁ ହାଇଦ୍ରାବାଦର ଉକ୍ତ ଇଟାଭାଟିକୁ ପଠାଇଥିଲେ। ସେ ନିଜେ ଉଭୟ ଓଡିଶା ଏବଂ ତେଲଙ୍ଗାନା ପ୍ରଶାସନ ସହ ଯୋଗାଯୋଗ କରିବା ପରେ ଇଟାଭାଟି ମାଲିକ ସହ କଥା ଭାଷା ହୋଇଥିଲେ। ଶେଷରେ ଗତ କାଲି ସଂଧ୍ୟା ସମୟରେ ସାଗରୀକା ହାଇଦ୍ରାବାଦର ଇଟାଭାଟିରୁ ଉଦ୍ଧାର ହୋଇ ଆଜି ଗାଁକୁ ଫେରୁଛନ୍ତି।

ପୂର୍ବତନ ସାଂସଦ ପ୍ରଦୀପ ମାଝୀ ଙ୍କ ସହ ଯୋଗାଯୋଗ କରିବାରୁ ସେ ନିଜ ପ୍ରତିକ୍ରୀୟା ରେ କହିଛନ୍ତି ଯେ ସାନ ଭଉଣି ମାର ଟଙ୍କା ସୁଝିବା ପାଇଁ ବନ୍ଧକ ଥିବା ବେଳେ ବଡ ଭଉଣୀ ମାର ମୃତ୍ୟୁପରେ ଏକା ରହିଯାଇଥିଲା। ଉଭୟ ଭଉଣୀ ବିଭିନ୍ନ ଗଣମାଧ୍ୟମ ପ୍ରତିନିଧୀ ମାନଙ୍କ ଜରିଆରେ ସରକାରଙ୍କୁ ବାରମ୍ବାର ନିବେଦନ କରିଥିଲେ ମଧ୍ୟ ସରକାର ତାଙ୍କ କଥା ଶୁଣିଲେ ନାହିଁ। ଶେଷରେ ସେ ବାଧ୍ୟ ହୋଇ ସାଗରୀକାକୁ ଉଦ୍ଧାର କରିବା ପାଇଁ ପ୍ରୟା ସ କରି ଉଦ୍ଧାର କରିଛନ୍ତି ବୋଲି କହିଛନ୍ତି। ଇଟାଭାଟିର ମାଲିକ କେ,ସୁବାରାଓ କହିଛନ୍ତି ଯେ ସାଗରୀକାର ମା ଅନାଦି ଅସୁସ୍ଥ ଥିବାରୁ ସେ ଚିକିତ୍ସା ପାଇଁ ଘରକୁ ଯାଇଥିଲେ। ମାର ମୃତ୍ୟୁ ପରେ ଲକଡାଉନ ଯୋଗୁଁ ସାଗରୀକାକୁ ପଠାଇବା ସମ୍ଭବ ହୋଇପାରିନଥିଲା ବୋଲି ବିଭିନ୍ନ ଗଣମାଧ୍ୟମକୁ ପ୍ରକାଶ କରିଛନ୍ତି । ସାଗରୀକା ଭଳି ଜଣେ କଲେଜ ପଢ଼ୁଆ ନାବାଳିକା ଯେତେବେଳେ ପରିବାର ର ରୋଜଗାର ପାଇଁ ଏପରିକି ଇଟାଭାଟିରେ ଦାଦନ ଖଟିବା ପାଇଁ ବାହାର ରାଜ୍ୟକୁ ପାଦ କାଡିବା ପାଇଁ ବାଧ୍ୟ ହେଉଛନ୍ତି ତେବେ ନବରଙ୍ଗପୁର ଜିଲ୍ଲାରେ ଦାଦନ ଚାଲାଣ କେତେ ଯେ ଭୟନାକ ତାହା ଜିଲ୍ଲାର ବାସ୍ତବ ଚିତ୍ରକୁ ପଦାରେ ପକାଇଦେଇଛି ବୋଲି ପୂର୍ବତନ ସାଂସଦ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । ଜିଲ୍ଲାରେ ଦାଦନ ଚାଲାଣ ଏକ ନିତିଦିନିଆ ଘଟଣା ହୋଇଥିବା ବେଳେ ସରକାର ମାନିବା ପାଇଁ ନାରଜ । ଏବେ କରୋନା ବାସ୍ତବ ଚିତ୍ରକୁ ପଦାରେ ପକାଇଦେଇଛି। କେବଳ ନିରକ୍ଷର ମାନେ ଦାଦନ ଖଟିବା ପାଇଁ ବାହାର ରାଜ୍ୟକୁ ଯାଉଛନ୍ତି ତାହା ନୁହେଁ କଲେଜ ପାଠୁଆ ଝିଅ ବି ଗରିବୀ କାରଣରୁ ଦାଦନ ଖଟିବାପାଇଁ ବାହାର ରାଜ୍ୟକୁ ଯାଉଛନ୍ତି ତାହା ପ୍ରମାଣିତ କରିଦେଇଛି ବୋଲି ଅଭିଯୋଗ କରିଛନ୍ତି । ରାଜ୍ୟ ସରକାର ରାଜ୍ୟର ଶ୍ରମିକ ମାନଙ୍କୁ ଆବଶ୍ୟକ କାମ ଯୋଗାଇ ପାରୁ ନଥିବାରୁ କାମ ଧନ୍ଦା ପାଇ ବାହାର୍ ରାଜ୍ୟ ଯିବାକୁ ବାଧ୍ୟ ହେଉଛନ୍ତି ।

ଉଦ୍ଧାର ନାବାଳିକା ପରିବାର ଓ ଦୁଇ ଝିଅ ଙ୍କ ଭବିଷ୍ୟତ ପାଇଁ ପଦକ୍ଷେପ ନେବା ସହ କ୍ଷ ତି ପୂରଣ ବାବଦରେ ୧୦ ଲକ୍ଷ ଟଙ୍କା ଦେବାକୁ ଦାବି କରିଛନ୍ତି । ଜିଲ୍ଲାର ସମସ୍ତ ଶ୍ରମିକ ବିଭିନ୍ନ ରାଜ୍ୟରେ ରହୁଥିବା ଦାଦନ ଶ୍ରମିକ ମାନଙ୍କୁ ମାଗଣାରେ ଅଣା ନ ଗଲେ ଜିଲ୍ଲାରେ ଆନ୍ଦୋଳନ କୁ ତୀବ୍ର କରିବା ସହ ପ୍ରଶାସନ କୁ ଅଚଳ କରାଯିବ ବୋଲି ପ୍ରଦୀପ ମାଝୀ ଚେତାବନୀ ଦେଇଥିଲେ । ଉକ୍ତ ସାମ୍ବାଦିକ ସମ୍ମିଳନୀରେ ପୂର୍ବତନ ଡ଼ାବୁ ଗା ବିଧାୟକ ଭୁଜବଳ ମାଝୀ , ଜିଲ୍ଲା କଂଗ୍ରେସ ସଭାପତି ମୁନା ତ୍ରିପାଠୀ , ସମ୍ପାଦକ ପ୍ରଦୀପ କୁମାର ସାହୁ , ଉତ୍ତମ ତ୍ରିପାଠୀ , ସଞ୍ଜୟ ନାୟକ , କୁନା ପାଢ଼ୀ , ଗଣେଶ୍ୱର ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

କଂଗ୍ରେସର ଚେତାବନୀ ତୈଳଦର ହ୍ରାସ ନ ହେଲେ ଆନ୍ଦୋଳନ ହେବ

ରିପୋର୍ଟ : ଏନ.ସନ୍ତୋଷ କୁମାର //ବୈପାରୀଗୁଡା (୦୩/୦୭): ସାରା ବିଶ୍ୱ ଏବେ ମହାମାରୀ କରୋନା କବଳରେ କବଳିତ ହୋଇପଡିଛି । ଜୀବନ ସଂଗ୍ରାମରେ ସମସ୍ତେ କାଳାତିପାତ କରୁଥିବାବେଳେ ଅନେକ...

ରାୟଗଡ ଜିଲ୍ଲାପାଳ ଗୁଣପୁର ଗସ୍ତ ଓ କୋଭିଡ଼ି ସ୍ଥିତିକୁ ସମୀକ୍ଷା

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //ରାୟଗଡା/ଗୁଣପୁର (ତା.୩/୭): ରାୟଗଡ ଜିଲ୍ଳାପାଳ ଶ୍ରୀ ପ୍ରମୋଦ କୁମାର ବେହେରା ଗୁଣପୁର ଗସ୍ତ ସମୟରେ ରାମନଗୁଡାସ୍ଥିତ ଅସ୍ଥାୟୀ ସଙ୍ଗ ରୋଧ କେନ୍ଦ୍ର ପରିଦର୍ଶନ...

କରୋନା କୁ ନେଇ ଆଇ ଇ ସି ସୁବ୍ରତ ବାଗଚିଙ୍କ ସୂଚନା

ଭୁବନେଶ୍ୱର (୦୩/୦୭): ଆଇଇସି ମୁଖ୍ୟ ସୁବ୍ରତ ବାଗଚୀ ଶୁକ୍ରବାର କରୋନା ସମ୍ପର୍କିତ କିଛି ତଥ୍ୟ ଦେଇଛନ୍ତି । ତାଙ୍କ କହିବା ମୁତାବକ, ରାଜ୍ୟରେ କରୋନା ମୁକାବିଲା ପାଇଁ ଆମକୁ...

କୋଦଳା ପୋଲିସ ଦ୍ୱାରା ବିଭିନ୍ନ ରାସ୍ତା ସିଲ୍

ରିପୋର୍ଟ: ରାକେଶ କୁମାର ମହାରଣା //କୋଦଳା(୦୩/୦୭): କରୋନା ମହାମାରୀ ପାଇଁ ସାରାରାଜ୍ୟ ଲକ ଡାଉନ ଥିବା ବେଳେ ଗଞ୍ଜାମ ଜିଲ୍ଲାରେ ଦିନକୁ ଦିନ ସଂକ୍ରମଣ ବୃଦ୍ଧି ପାଉଛି |...

Recent Comments

%d bloggers like this: