Advertisements
Saturday, May 30, 2020
Home Cultural & Festival ସାବିତ୍ରୀ ବ୍ରତର ପୁରା କାହାଣୀ ଜାଣିବାକୁ ଚାଁହୁଛନ୍ତି କି ?

ସାବିତ୍ରୀ ବ୍ରତର ପୁରା କାହାଣୀ ଜାଣିବାକୁ ଚାଁହୁଛନ୍ତି କି ?

ଭୁବନେଶ୍ୱର(ଓଡିଶା ନ୍ୟୁଜ୨୪): ଆଜି ପବିତ୍ର ସାବିତ୍ର ବ୍ରତ । ଜ୍ୟେଷ୍ଠ ମାସର ଆମାବାସ୍ୟା ତିଥିରେ ସାବିତ୍ରୀ ପର୍ବ ପାଳନ କରାଯାଏ । ସଧବା ନାରୀମାନେ ସାବିତ୍ରୀ ବ୍ରତକୁ ପାଳନ କରିଥାନ୍ତି । ମହିଳାମାନେ ସ୍ୱାମୀଙ୍କ ଦୀର୍ଘାୟୁ କାମନା କରି ଆଜୀବନ ବ୍ରତ ରଖିଥାନ୍ତି । ସାବିତ୍ରୀ ବ୍ରତକୁ ସାରା ଭାରତରେ ପାଳନ କରାଯାଇଥାଏ ।

କରୋନା ଭୂତାଣୁ ସଂକ୍ରମଣକୁ ଦୃଷ୍ଟିରେ ରଖି ମହିଳାମାନେ ମାସ୍କ ପିନ୍ଧି ସାବିତ୍ରୀ ପୂଜା କରିଥିଲେ । ସେହିଭଳି ଆଜି ସଂଗରୋଧ କେନ୍ଦ୍ରରେ ମଧ୍ୟ ସାବିତ୍ରୀ ବ୍ରତ ପାଳନ କରିଛନ୍ତି ମହିଳାମାନେ । ସାମାଜିକ ଦୂରତା ରକ୍ଷା କରି ଆଠଗଡରେ ସଂଗରୋଧରେ ଥିବା ସ୍ୱାମୀମାନଙ୍କ ପାଖକୁ ମହିଳାମାନେ ଯାଇ ବିଧିବିଧାନ ଅନୁସାରେ ପୂଜାପାଠ କରିଛନ୍ତି । ରାଜ୍ୟରେ କରୋନା ମହାମାରୀ ତାର କାୟା ବସ୍ତିାର ଜାରି ରଖିଥିବାରୁ ରାଜ୍ୟର ସମସ୍ତ ମନ୍ଦିରଗୁଡିକୁ ବନ୍ଦ କରାଯାଇଛି । ତଥାପି ମହିଳାମାନେ ସାମାଜିକ ଦୂରତା ରକ୍ଷା କରି ସାବିତ୍ରୀ ବ୍ରତ ପାଳନ କରିଛନ୍ତି ।

ସାବିତ୍ରୀ ହେଉଛନ୍ତି ମଦ୍ରଦେଶର ରାଜା ଅଶ୍ୱପତିଙ୍କର ଏକମାତ୍ର କନ୍ୟା। ଅଶ୍ୱପତି ଦେବୀ ସାବିତ୍ରୀଙ୍କୁ ଆରାଧନା କରି ତାଙ୍କ ପ୍ରସାଦରୁ ଏହି କନ୍ୟାଙ୍କୁ ପାଇଥିଲେ। ସେଥିପାଇଁ ତାଙ୍କର ନାମ ରଖିଥିଲେ ସାବିତ୍ରୀ। ସାବିତ୍ରୀ ଯୌବନରେ ପଦାର୍ପଣ କରିବା ପରେ, ଅଶ୍ୱପତି ତାଙ୍କ ପାଇଁ ଉପଯୁକ୍ତ ପାତ୍ରର ସନ୍ଧାନ କଲେ। କିନ୍ତୁ ଯୋଗ୍ୟ ପାତ୍ରଟିଏ ପାଇଲେ ନାହିଁ। ତେଣୁ ନିଜେ ସାବିତ୍ରୀ ପିତାଙ୍କର ଅନୁମତି ନେଇ ପତି ଅନ୍ୱେଷଣରେ ବାହାରିଲେ। ତାଙ୍କ ସହିତ ପାତ୍ର, ମନ୍ତ୍ରୀମାନେ ବି ଥିଲେ। ସେତେବେଳକୁ ଶାଲ୍ୱ ଦେଶର ରାଜା ଦ୍ୟୁମତ୍‌ସେନ ନିଜ ରାଜ୍ୟରୁ ବିତାଡ଼ିତ ହୋଇ, ନିଜର ସ୍ତ୍ରୀ ଏବଂ ପୁଅ ସତ୍ୟବାନଙ୍କ ସହ ଏକ ତପୋବନରେ ରହୁଥିଲେ। ସେଠାରେ ସତ୍ୟବାନଙ୍କର ରୂପ ଓ ଗୁଣ ଦେଖି ସାବିତ୍ରୀ ତାଙ୍କୁ ପତି ରୂପେ ବରଣ କଲେ। ଫେରିଆସି ପିତା ଅଶ୍ୱପତିଙ୍କୁ ତାହା ଜଣାଇବା ପରେ, ଅଶ୍ୱପତି ସତ୍ୟବାନଙ୍କ ସହିତ ସାବିତ୍ରୀଙ୍କର ବିବାହ କରାଇବାକୁ ପ୍ରସ୍ତୁତ ହେଲେ। କିନ୍ତୁ ଦେବର୍ଷି ନାରଦ ଆସି ତାଙ୍କୁ ଜଣାଇଲେ ଯେ ସତ୍ୟବାନଙ୍କର ଆୟୁ ଆଉ ମାତ୍ର ବର୍ଷଟିଏ ଅଛି। ତେଣୁ ତାଙ୍କ ସହ କନ୍ୟାର ବିବାହ କରନ୍ତୁ ନାହିଁ। କିନ୍ତୁ ସାବିତ୍ରୀ ତାହା ଶୁଣି କହିଲେ, ମୁଁ ସତ୍ୟବାନଙ୍କୁ ପତି ରୂପେ ବରଣ କରିସାରିଛି। ତେଣୁ ତାଙ୍କ ବିନା ଆଉ କେହି ମୋର ପତି ହୋଇପାରିବେ ନାହିଁ। ତାହା ହିଁ ହେଲା।

ରାଜପ୍ରାସାଦ, ବିଳାସବ୍ୟସନ, ଦାସଦାସୀ, ସମସ୍ତଙ୍କୁ ତ୍ୟାଗ କରି, ସାବିତ୍ରୀ ଯାଇ ସତ୍ୟବାନଙ୍କ ସହ ତପୋବନରେ ରହିଲେ। ସ୍ୱାମୀ ଓ ଶାଶୁ ଶ୍ୱଶୁରଙ୍କ ସେବା କରି ଦିନ ବିତାଇବାରେ ଲାଗିଲେ। ଚାହୁଁ ଚାହୁଁ ବର୍ଷଟିଏ ବିତିଯିବାକୁ ବସିଲା। ବର୍ଷ ପୂରିବାକୁ ଆଉ ତିନିଦିନ ଅଛି, ସେ ‘ତ୍ରିରାତ୍ର ବ୍ରତ’ ଆରମ୍ଭ କଲେ। କିନ୍ତୁ ଯେଉଁଦିନ ବର୍ଷ ପୂରିଲା, ସେଦିନ ବନରୁ ଫଳମୂଳ ଓ ସମିଧ ସଂଗ୍ରହ କରିବାକୁ ଯାଇଥିବା ବେଳେ ଗୋଟିଏ ଦୁର୍ଘଟଣା ଘଟିଲା। ସାବିତ୍ରୀଙ୍କ କୋଳରେ ମୁଣ୍ଡରଖି ନିଦ୍ରାଯାଇଥିବାବେଳେ, ସତ୍ୟବାନଙ୍କର ମୃତ୍ୟୁ ହେଲା। ସତ୍ୟବାନଙ୍କର ମୃତ୍ୟୁ ପରେ ଯମଦୂତମାନେ ତାଙ୍କର ସୂକ୍ଷ୍ମ ଶରୀରକୁ ନେଇଯିବାକୁ ଆସିଲେ। କିନ୍ତୁ ସାବିତ୍ରୀଙ୍କର ତେଜ ଯୋଗୁଁ ସେଥିରେ ସଫଳ ହେଲେ ନାହିଁ।

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Leave a Reply

This site uses Akismet to reduce spam. Learn how your comment data is processed.

Most Popular

ଆଜି ବଲାଙ୍ଗୀରରେ ୭ଜଣ କରୋନା ଆକ୍ରାନ୍ତ, ରାଜ୍ୟରେ ମୋଟ ୧୮୧୯ ଓ ସୁସ୍ଥ ହେଲେ ୯୭୭

ଭୁବନେଶ୍ୱର, ୩୦ା୫(ଓଡ଼ିଶା ନ୍ୟୁଜ୨୪): ରାଜ୍ୟରେ ବଢ଼ି ଚାଲିଛି ସଂକ୍ରମିତଙ୍କ ସଂଖ୍ୟା । ଆଜି ଆଉ ୯୬ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାସହ ଓଡ଼ିଶାରେ କରୋନା ଆକ୍ରାନ୍ତଙ୍କ...

ଲକ ଡାଉନ ସମୟରେ ରକ୍ତର ଅଭାବକୁ ଦୂର ପାଇଁ ରକ୍ତଦାନ ଶିବିର ଅନୁଷ୍ଠିତ

ରିପୋର୍ଟ: ଆଲୋକ ପଣ୍ଡା //ଭୁବନେଶ୍ୱର (୨୯/୦୫): ଲକ ଡାଉନ ସମୟରେ ଦେଖାଦେଇଥିବା ରକ୍ତର ଘୋର ଅଭାବକୁ ଦୂର କରିବାକୁ ଯାଇ ବିଭିନ୍ନ ସାମାଜିକ ଅନୁଷ୍ଠାନ ଅଣ୍ଟା ଭିଡ଼ିଛନ୍ତି l...

ଅ।ନ୍ତଜାତି ବିବାହ ପ୍ରତ୍ସାହନ ରାଶି ପ୍ରଦାନ କଲେ ମାନ୍ୟବର ମନ୍ତ୍ରୀ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ //ରାୟଗଡ଼ା (୩୦/୦୫): ଅନୁସୂଚିତ ଜାତି ଝିଅ/ପୁଅ ସହିତ ଅନ୍ୟ ଜାତିରେ ବିବାହ କରିଥିବା କରିଥିବା ୧୧ଯୋଡ଼ା ବର କନ୍ୟାଙ୍କୁ ସରକାର ଙ୍କ ତରଫରୁ...

Recent Comments

%d bloggers like this: