ରିପୋର୍ଟ : ରବିଶଙ୍କର ମହାପାତ୍ର
ବୋରିଗୁମ୍ମା, (୨୪/୫) : କୋରାପୁଟ ଜିଲ୍ଲା ବୋରିଗୁମ୍ମା ବ୍ଲକ ତଥା କୋଟପାଡ଼ ଥାନା ଅନ୍ତର୍ଗତ ବଡ ତରଗିଆ ଗ୍ରାମରେ ମଙ୍ଗଳ ବାର ରାତିରେ ଏକ ଅଭାବନୀୟ ଘଟଣା ଘଟି ଯାଇଥିବା ଜଣା ପଡ଼ିଛି ।
ବଡ ତରଗିଆ ଗ୍ରାମରେ ମକା ଚାଷୀଙ୍କୁ ଗଳା କାଟି ହତ୍ୟା । ସୂଚନା ଅନୁଯାଇ ଛବିଳ ବିଶୋଇ ନାମକ ୪୩ ବର୍ଷୀୟ ବ୍ୟକ୍ତି ମକା ବାଡ଼ରେ ଶୋଇ ଥିବା ସମୟରେ କେହି ଅଜଣା ଦୁର୍ବୃତ୍ତ ତାଙ୍କ ଗଳା କାଟି ଚାଲି ଯାଇଛି । ଖବର ପାଇ କୋଟପାଡ଼ ଥାନା ଅଧିକାରୀ ଶେଷଦେବ ବେହେରା, ଏ.ଏସ. ଆଇ. ଯୁଧିଷ୍ଠିର ମୁଦୁଲି, ଚନ୍ଦ୍ର ପ୍ରଭା ମହାନ୍ତି ପ୍ରମୁଖ ସଦଳ ବଳେ ସାଇଣ୍ଟିଫିକ ଟିମ ସହ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣା ଯାଇଛି । ବର୍ତ୍ତମାନ ସୁଦ୍ଧା ହତ୍ୟାର କାରଣ ଅସ୍ପଷ୍ଟ ରହିଥିବା ଜଣା ଯାଇଛି । ବୋରିଗୁମ୍ମା ଉପଖଣ୍ଡ ଆରକ୍ଷୀ ଅଧିକାରୀ ମଧୁସିକ୍ତା ମିଶ୍ର ଘଟଣାସ୍ଥଳରେ ପହଞ୍ଚିବା ପରେ ତଦନ୍ତ ପ୍ରକ୍ରିୟା ତ୍ୱରାନ୍ୱିତ ହୋଇଥିଵା ଜଣାପଡିଛି ।