Sunday, September 20, 2020
Home Corona Lockdown ନବରଙ୍ଗପୁର ଓ ଉମରକୋଟ ସହରକୁ ଲକ୍ ଡାଉନ୍ ଘୋଷଣା କଲା ଜିଲ୍ଲା ପ୍ରଶାସନ

ନବରଙ୍ଗପୁର ଓ ଉମରକୋଟ ସହରକୁ ଲକ୍ ଡାଉନ୍ ଘୋଷଣା କଲା ଜିଲ୍ଲା ପ୍ରଶାସନ

ରିପୋର୍ଟ : ଜିଲ୍ଲା ପ୍ରତିନିଧି ଏ .ସତୀଶ //
ନବରଙ୍ଗପୁର (୨୩/୦୩): କରୋନା ସତର୍କତା ମୂଳକ ପଦକ୍ଷେପ ସ୍ୱରୂପ ନବରଙ୍ଗପୁର ଜିଲ୍ଲାର ନବରଙ୍ଗପୁର ଓ ଉମରକୋଟ ଦୁଇଟି ସହରକୁ ୨୩ ତାରିଖ ସକାଳ ରୁ ଆସନ୍ତା ୨୯ ତାରିଖ ରାତି ୯ଘଣ୍ଟ ଯାଏଁ ଲକ୍ ଡାଉନ୍ ଘୋଷଣା କରିଲା ଜିଲ୍ଲା ପ୍ରଶାସନ ।

ଗତକାଲି ଜନତା କର୍ଫ୍ୟୁ ସମାପ୍ତ ପରେ ବିଳମ୍ବିତ ରାତ୍ରିରେ ଜିଲ୍ଲାପାଳ ଡ଼ଃ ଅଜିତ କୁମାର ମିଶ୍ର ଙ୍କ ଅଧ୍ୟକ୍ଷତାରେ ଜିଲ୍ଲା ଟାସ୍କଫୋର୍ସର ଜରୁରୀକାଳୀନ ବୈଠକ ସ୍ଥାନୀୟ ମୁନୁସିପାଲିଟି ଠାରେ ଅନୁଷ୍ଠିତ ହୋଇଥିଲା । ଏଥିରେ ଏସପି ନୀତିନ କୁଶଳକର୍ , ପି ଡି ରମାକାନ୍ତ ବେହେରା, ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ, ଅତିରିକ୍ତ ଜିଲ୍ଲାପାଳ ନିମାଇ ଚରଣ ସୁତାର, ଉପ ଜିଲ୍ଲାପାଳ ଭାସ୍କର ରଇତ, ପୌର ନିର୍ବାହୀ ଅଧିକାରୀ ବିନୟ ପଟେଲ ସମେତ ଅନ୍ୟ ଜିଲ୍ଲା ସ୍ତରୀୟ ଅଧିକାରୀଙ୍କ ଉପସ୍ଥିତି ଥିଲେ । ଏହି ବୈଠକରେ ଜିଲ୍ଲାର ଦୁଇଟି ମୁନୁସିପାଲିଟି ନବରଙ୍ଗପୁର ଓ ଉମରକୋଟକୁ ଆସନ୍ତା ୨୯ ତାରିଖ ରାତି ୯ ଟା ଯାଏଁ ଲକ୍ ଡାଉନ୍ ରଖାଯାଇଛି । ଏଥିପାଇଁ ଗାଇଡ଼ଲାଇନ ଜାରି କରିଛି ଜିଲ୍ଲା ପ୍ରଶାସନ । ଏହି ସମୟରେ ଏହି ଦୁଇ ସହରର ଅତ୍ୟାବଶକୀୟ ସେବା ବ୍ୟତୀତ ନିର୍ଦ୍ଧିଷ୍ଟ କିଛି ଗ୍ରସେରି , କ୍ଷୀର , ପନିପରିବା , ପେଟ୍ରୋଲ , ଗ୍ୟାସ ,ଔଷଧ ଦୋକାନ ଖୋଲା ରହିବା ପାଇଁ ନିୟମାବଳୀ ଜାରି ରହିଛି । ଅନ୍ୟ ସମସ୍ତ ବ୍ୟବସାୟିକ ପ୍ରତିଷ୍ଠାନ ଗୁଡିକୁ ବନ୍ଦ ରଖାଯାଇଛି । ଖୋଲା ଯାଇଥିବା ଦୋକାନ ଗୁଡିକ ସମ୍ମୁଖରେ ଅଯଥା ଭିଡ଼ ଜମାଇବେ ନାହିଁ ଏବଂ ଅତ୍ୟାବଶକୀୟ ଦ୍ରବ୍ୟର କଳାବଜାରୀ ରୋକିବା ପାଇଁ ସେମାନଙ୍କ ଦୋକାନ ସମୂଖରେ ଅତ୍ୟାବଶକୀୟ ଦ୍ରବ୍ୟର ଦରର ତାଲିକା ନିଜ ଦୋକାନ ସମ୍ମୁଖରେ ବୋର୍ଡ ଟାଙ୍ଗୀ ସୂଚନା ଦେବେ ବୋଲି ନିଷ୍ପତ୍ତି ନିଆଯାଇଛି । ଅତ୍ୟନ୍ତ ଜରୁରୀ ନ ହେଲେ ଘରରୁ ବାହାରକୁ ବାହାରିବାକୁ ବାରଣ କରାଯାଇଛି । ସାମାଜିକ ଦୂରତ୍ୱ ବଜାୟ ରଖିବା ପାଇଁ ଜନ ଗହଳି ନ କରିବା ପାଇଁ ଗୋଟିଏ ସ୍ଥାନରେ କେବଳ ସାତ ଜଣ ରହିବେ ଏବଂ ସେମାନେ ନିଜ ନିଜମଧ୍ୟରେ ଅନ୍ୟୁନ୍ୟ ୧ ରୁ ୨ ମିଟର ଦୂରତାରେ ରହିବେ । ଏଥିସହ ଜିଲ୍ଲାକୁ ଆସିଥିବା ବିଦେଶାଗତ ଲୋକଙ୍କ ଉପରେ ତୀକ୍ଷଣ ନଜର ରଖାଯାଇଥିବା ସୂଚନା ଦେଇଛନ୍ତି ଜିଲ୍ଲାପାଳ । ଜିଲ୍ଲାକୁ ବର୍ତ୍ତମାନ ସୁଦ୍ଧା ୧୫ ଜଣ ବିଦେଶାଗତ ଫେରିଥିବା ବେଳେ ସମସ୍ତଙ୍କ ସ୍ଵାସ୍ଥ୍ୟବସ୍ଥା ଯାଞ୍ଚ ହୋଇଛି ଏବଂ ସେମାନଙ୍କୁ ବାହାରକୁ ନ ବାହାରିବା ପାଇଁ କଡା ନିର୍ଦ୍ଦେଶ ଦିଆଯିବା ସହିତ ନିଜ ନିଜ ବାସଭବନରେ ହୋମ କ୍ବାରେଣ୍ଟଟାଇନ ରହିବା ପାଇଁ ନିର୍ଦ୍ଦେଶ ଦିଆଯାଇଛି । ସେ ସମସ୍ତ ବିଦେଶଗତଙ୍କ ଉପରେ ଜିଲ୍ଲା ପ୍ରଶାସନ ତୀକ୍ଷଣ ନଜର ରଖିଥିବା ସହ ସେମାନଙ୍କ ସହିତ ଫୋନରେ ଯୋଗାଯୋଗରେ ରହିଛି ଜିଲ୍ଲା ପ୍ରଶାସନ । ସେମାନେ ଯେଭଳି ଜିଲ୍ଲା ପ୍ରଶାସନର ନିର୍ଦ୍ଦେଶ ପାଳନ କରିବେ ଏଥିନିମନ୍ତେ ସ୍ଥାନୀୟ ପୋଲିସ , ପଞ୍ଚାୟତ ସ୍ତରରେ ସ୍ଥାନୀୟ ସରପଞ୍ଚ ଓ ୱାର୍ଡ ମେମ୍ବର ମାନଙ୍କୁ ସ୍ୱତନ୍ତ୍ର କ୍ଷମତା ପ୍ରଦାନ କରାଯାଇଛି । ଏହାସହ ଜିଲ୍ଲାକୁ ବର୍ତ୍ତମାନ ସୁଦ୍ଧା ୨୦୪ ଜଣ ପଞ୍ଜିକୃତ ଦାଦନ ଶ୍ରମିକ ସହ ୭୦ ଜଣ ଅଣପଞ୍ଜୀକୃତ ଦାଦନ ଶ୍ରମିକ ଫେରିଥିବା ବେଳେ ସେମାନଙ୍କ ସ୍ୱାସ୍ଥ୍ୟ ବସ୍ଥା ଯାଞ୍ଚ କରାଯାଇଛି । ସେମାନେ କୌଣସି ସଂକ୍ରମଣର ଶିକାର ହୋଇନଥିବା ଜଣାପଡିବା ସହିତ ସେମାନଙ୍କୁ ସତର୍କତା ଭାବେ ରହିବା ପାଇଁ ନିର୍ଦ୍ଦେଶ ଜାରି କରାଯାଇଛି । ଆଗକୁ ମଧ୍ୟ ଏହି ଦାଦନ ଶ୍ରମିକ ଫେରିବାର ସମ୍ଭାବନା ରହିଥିବା ଜିଲ୍ଲାପାଳ ସୂଚନା ଦେଇଛନ୍ତି । ଜରୁରୀକାଳୀନ ବସ ସେବା ଓ ଅଟୋ ସେବା ଜାରି ରହିବ । ଏହି ସବୁ ବସ ଓ ଅଟୋ ରେ ଯେଭଳି ଅଯଥା ଭିଡ଼ ନ ଜମାଇ ନିର୍ଦ୍ଧିଷ୍ଟ ସିଟ ଅନୁସାରେ ପାସିଞ୍ଜେର ପରିବହନ କରିବେ ବୋଲି ନିର୍ଦ୍ଦେଶନାମା ଜାରି କରାଯାଇଛି । ବୈଠକ ରେ ଉପସ୍ଥିତ ଥିବା ବସ ଏବଂ ଅଟୋ ଆସୋସିସିଏନର କର୍ମକର୍ତ୍ତା ମାନେ ସହମତି ପ୍ରକାଶ କରିଛନ୍ତି । ଏଥିସହ ଜରୁରୀକାଳୀନ ସେବା ଯୋଗାଉଥିବା କାର୍ଯ୍ୟାଳୟ ଗୁଡିକ ଖୋଲା ରଖିବା ପାଇଁ ନିଷ୍ପତ୍ତି ନିଆଯାଇଛି ।

Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ବନ୍ଧୁଗାଁ ବ୍ଲକର ୫୦ ଜଣ ଶିକ୍ଷକଙ୍କୁ ରାଜ୍ୟ ସରକାରଙ୍କ ନିର୍ଦ୍ଦେଶରେ ପଦୋନ୍ନତି

ରିପୋର୍ଟ: ମିନା ବେହେରା // ବନ୍ଧୁଗାଁ ତା୧୯/୯/୨୦): କୋରାପୁଟ ଜିଲା ବନ୍ଧୁଗାଁ ବ୍ଲକର ୫୦ ଜଣ ଶିକ୍ଷକଙ୍କୁ ରାଜ୍ୟ ସରକାରଙ୍କ ନିର୍ଦ୍ଦେଶ ପ୍ରକାରେ ବନ୍ଧୁଗାଁ ଶିକ୍ଷା ବିଭାଗ କାର୍ଯ୍ୟଳୟର ବିଭିନ୍ନ ସ୍କୁଲର କାର୍ଯ୍ୟରତ ଶିକ୍ଷକଙ୍କ...

ବନ୍ଧୁଗାଁ ବ୍ଲକରେ ନୂତନ ତହସିଲଦାରଙ୍କ ଯୋଗଦାନ

ରିପୋର୍ଟ: ମିନା ବେହେରା // ବନ୍ଧୁଗାଁ ତା୧୯/୯/୨୦): ବନ୍ଧୁଗାଁ ତହସିଲ କାର୍ଯ୍ୟାଳୟରେ ନୂତନ ତହସିଲଦାର ଭାବେ ସୀମାଞ୍ଚଳ ପାତ୍ର ଯୋଗ ଦେଇଛନ୍ତି । ସେ ପୁର୍ବେ କୋରାପୁଟ ଜିଲ୍ଲାର ନନ୍ଦପୁର ବ୍ଲକ ଠାରେ ଆଡିସନାଲ ତହସିଲଦାର...

ଉତ୍କଳ ଆଲୁମିନାର (ସିଏସଆର) ଦ୍ୱାରା ୭ଟି ଗାଁରେ ୧୧୮ଗୋଟି ହ୍ୟାଣ୍ଡପମ୍ପ ସ୍ଥାପନ

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ // ରାୟଗଡା (୧୯/୦୯): ରାୟଗଡା ଜିଲ୍ଲା ଅନ୍ତର୍ଗତ ଟିକିରି ଓ ଆଖପାଖ ଅଞ୍ଚଳ ଗୁଡିକରେ ବିଶୁଦ୍ଧ ପାନୀୟ ଜଳର ବିକଟ ଅଭାବ ପରିଲକ୍ଷିତ ହୋଇଛି ଲ ଏହିପରି ଏକ...

ଆମ୍ଵାଦଳାରେ ଵଜ୍ରାଘାତରେ ଦୁଇ ଜଣଙ୍କର ମୃତ୍ୟୁ, ଜଣେ ଗୁରୁତର

ରିପୋର୍ଟ: ଜିଲ୍ଲାପ୍ରତିନିଧି ଗୋପୀନାଥ ଗୌଡ଼ // ମୁନିଗୁଡା (୧୯/୯/୨୦): ରାୟଗଡା ଜିଲ୍ଲା ମୁନିଗୁଡା ଵ୍ଲକ ଆମ୍ବାଦଳା ବଡ ହରିଜନ ସାହିରେ ଆଜି ବଜ୍ରାଘାତରେ ଦୁଇ ଜଣଙ୍କର ମୃତ୍ୟୁ ଘଟିଥିବା ବେଳେ, ଜଣେ ଗୁରୁତର ଅବସ୍ଥାରେ...

Recent Comments

%d bloggers like this: