ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୨୩/୦୩) : ମହିଳା ବ୍ୟାଙ୍କ କର୍ମଚାରୀଙ୍କ ମାତ୍ରାଧିକ ଦୁର୍ବ୍ୟବହାର ଅଭିଯୋଗ । ଟିଟିଲାଗଡ ସ୍ଥିତ ସ୍ଵତନ୍ତ୍ର ବଜାର ଶାଖା ରେ କର୍ମଚାରୀ ଙ୍କ ମାତ୍ରାଧିକ ଅନିୟମିତତା ନେଇ କାର୍ଯ୍ୟାନୁଷ୍ଠାନ ଦାବି ହେଉଛି ।
ଟିଟିଲାଗଡ ରେ ଥିବା ଏହି ବଜାର ବ୍ରାଞ୍ଚ ଶାଖା ରେ ଥିବା କିଛି ନିର୍ଦ୍ଦିଷ୍ଟ କର୍ମଚାରୀ ଙ୍କ ମାତ୍ରାଧିକ ଅନିୟମିତତା ଅଭିଯୋଗ ନେଇ ଜିଲ୍ଲା ଜନଜାଗରଣ ସଙ୍ଘ ତରଫରୁ ଲିଖିତ ଅଭିଯୋଗ ହୋଇଛି । ପ୍ରକାଶ ଯେ, ଏହି ଶାଖା ରେ ସ୍ଥାନୀୟ ସଧାରଣ ଲୋକେ ଓ ବ୍ୟବସାୟୀ ତଥା ବିଭିନ୍ନ ଗ୍ରାମାଞ୍ଚଳ ର ଜନ ସାଧାରଣ ନିର୍ଭର କରନ୍ତି । ପରିତାପର ବିଷୟ ଯେ, ଏହି ଶାଖା ର ତିନି ନମ୍ୱର ଝରକା ରେ ରହି କର୍ଯ୍ୟକରୁଥିବା ଜଣେ ମହିଳା ବ୍ୟାଙ୍କ କର୍ମଚାରୀଙ୍କ ମାତ୍ରାଧିକ ଦୁର୍ବ୍ୟବହାର କରିବା ନେଇ ଶାଖା ପରିଚାଳକ ଙ୍କୁ ବାରମ୍ୱାର ଅଭିଯୋଗ ହୋଇ ଆସୁଛି । ସେହିପରି ଇତି ମଧ୍ୟରେ ଲୁଥରବନ୍ଧ ଗ୍ରାମର ଜଣେ ଭଦ୍ର ବ୍ୟକ୍ତି ତାଙ୍କ ନିକଟ କୁ ଯାଇ ତାଙ୍କ ପାସବୁକ୍ ଦେଇ ତାଙ୍କ ର ପ୍ରାୟ ଦୁଇ ମାସ ହେଲା ତାଙ୍କ ଏଟିଏମ୍ କାର୍ଯ୍ୟକାରୀ ନ ହେବା ଓ ଦୁଇ ଥର ସବୁ କାଗଜ, ପତ୍ର ଦାଖଲ କରିଛନ୍ତି ବୋଲି କହିଥିଲେ ।
ହେଲେ ସେ ହଠାତ୍ ରାଗି ଯାଇ କୁ ଭାଷାରେ ଗାଳି, ଗୁଲଜ ସହ ବ୍ୟାଙ୍କ ରୁ ପଳା ବୋଲି କହିଥିଲେ । ଏ ନେଇ ସେ ଶାଖା ପରିଚାଳକ ଙ୍କୁ ଜଣାଇବା ପରେ ସେ ନିଜେ ଫୋନ୍ କରି ତାଙ୍କ କାମ କରିବା କୁ ନିର୍ଦ୍ଦେଶ ଦେଇଥିଲେ । ଏପରିକି ସେ ତାଙ୍କ ଜଣେ ମ୍ୟାସେଞ୍ଜର ଙ୍କୁ ସାଙ୍ଗରେ ପଠେଇ ଥିଲେ । ସେମାନେ ଯାଇ ପୁନଃ ତାଙ୍କୁ କହିବା ରୁ ଉକ୍ତ କର୍ମଚାରୀ ଙ୍କୁ ଓଲଟା ଦୁର୍ବ୍ୟବହାର ପ୍ରଦର୍ଶନ କରି ଥିଲେ । ଶେଷରେ ଉକ୍ତ ଭଦ୍ର ବ୍ୟକ୍ତି ତାହା ମ୍ୟାନେଜର ଙ୍କୁ ଜଣେ ସେ ଆଜି ରହିଛନ୍ତି ଅନ୍ୟ ଦିନ ଆସ ବୋଲି ଫେରାଇ ଦେଇଥିଲେ । ଶାଖା ପରିଚାଳକ ଖୋଦ୍ ନିଜେ ଭୟ କରିବା ଓ ଜଣେ ମହିଳା କର୍ମଚାରୀ ହୋଇ ଥିବା ଯୋଗୁଁ କିଛି କାର୍ଯ୍ୟନୁଷ୍ଠାନ ନେଇ ପାରୁ ନାହାଁନ୍ତି ବୋଲି ପ୍ରକାଶ କରିଛନ୍ତି । ଏ ନେଇ ଜିଲ୍ଲା ଜନ ଜାଗରଣ ସଂଘ ତରଫରୁ ଏକ ଲିଖିତ ଅଭିଯୋଗ ପତ୍ର ଶାଖା ପରିଚାଳକ ଙ୍କୁ ପ୍ରଦାନ କରିଛନ୍ତି ।