ରିପୋର୍ଟ : ଦେବଦତ୍ତ ପଣ୍ଡା
କଳାହାଣ୍ଡି, (୧୮/୦୯) : କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅଧିନସ୍ଥ ଉତ୍କେଲା ରୁ ବିମାନ ଉଡିବା ଟୁ ବି ଲାଇସେନ୍ସ ଦେବା ପାଇଁ ଶୁକ୍ରବାର ଦିନ ଡି ଜି ସି ଏ ର ଦୁଇ ଜଣିଆ ଅଧିକାରୀ ସମୀକ୍ଷା ପାଇଁ ଉତ୍କେଲା ପହଞ୍ଚିଛନ୍ତି ।
ଡି ଜି ସି ଏ ର ମନୀଷ ଠାକୁର ଓ ଧୂସର ମଣ୍ଡଳ ଆସିଛନ୍ତି । ଏମାନେ ଓଲ୍ହାଇବା ପରେ ନୂତନ ଭାବରେ ହୋଇଥିବା ବିମାନ ବନ୍ଦର ର ସବୁ ବୁଲି ଦେଖିଥିଲେ । ଏମାନଙ୍କୁ ସବୁ ଦେଖାଇବା ଓ ସହଯୋଗ ପାଇଁ ଏ ଜି ଏମ ଏଟିସି, ପାଇଲଟ, ଏମ ଇ ଟି ଅଧିକାରୀ, ଏ ଟି ସି ଅଧିକାରୀ ଉପସ୍ଥିତ ଥିଲେ । ଜିଲ୍ଲାପ୍ରଶାସନ ପକ୍ଷରୁ ଉପଜିଲ୍ଲାପାଳ ବିଶ୍ୱଜିତ ଦାସ ଙ୍କ ନେତୃତ୍ୱରେ ପୂର୍ତ୍ତ ବିଭାଗ କତ୍ତୃପକ୍ଷ, ଅଗ୍ନିଶମ ବିଭାଗ, ସୁରକ୍ଷା ବିଭାଗ, ଟ୍ରାଫିକ କଣ୍ଟ୍ରୋଲ ପାଇଁ ଲାଗିଥିବା ଟାୱାର କମ୍ପାନୀ କତ୍ତୃପକ୍ଷ ଉପସ୍ଥିତ ରହି ସବୁ ଗାଇଡ଼ ଲାଇନ ଅନୁଯାୟୀ ହୋଇଥିବା ଦେଖାଇଥିଲେ ।
ସବୁ ବିଭାଗ କୁ ସ୍ୱତନ୍ତ୍ର ଭାବରେ ଏମାନେ ତନଖି କରୁଛନ୍ତି । ଶୁକ୍ରବାର ଦିନ ଅଧା ତନଖି କରିଥିବାବେଳେ ଶନିବାର ଦିନ ଏମାନେ ବଳକା ଦେଖି ଓ ଅଧିକାରୀ ଙ୍କ ସହ ଆଲୋଚନା କରି ଫେରିଯିବା ର କାର୍ଯ୍ୟକ୍ରମ ରହିଛି । ଏମାନଙ୍କ ଗସ୍ତ କୁ ସମ୍ପୂର୍ଣ୍ଣ ସୁରକ୍ଷା ବ୍ୟବସ୍ଥା ମଧ୍ୟରେ କରାଯାଇଥିଲା । ବର୍ତ୍ତମାନ ଏହି ବିମାନ ବନ୍ଦର ଟୁ ବି ଅନୁଯାୟୀ ନିର୍ମାଣ ହୋଇଥିବା ପ୍ରକାଶ । ଏଭିଏସନ ବିଭାଗ ର ଜଣେ ନୋଡାଲ ଅଧିକାରୀ ଙ୍କ ତତ୍ୱାବଧାନ ରେ ସମସ୍ତ କାର୍ଯ୍ୟ ଗାଇଡ଼ ଲାଇନ ଅନୁଯାୟୀ ସମ୍ପାଦନ ହୋଇଛି । ଏଣୁ ଲାଇସେନ୍ସ ମିଳିବାର ସମ୍ପୂର୍ଣ୍ଣ ସମ୍ଭାବନା ରହିଛି । ଏହି ମଧ୍ୟରେ ପୁଣି କେନ୍ଦ୍ର ସରକାର ଏହି ଉଡାଯାହାଜ ପଡିଆ କୁ ଥ୍ରୀ ସି ଘୋଷଣା କରା ଯାଉଥିବା ଜଣା ପଡ଼ିଛି ।