Advertisements
Monday, June 1, 2020
Home Cultural & Festival ଉତ୍କଳ ଆଲୁମିନା ତରଫରୁ ଢେମସା ନୃତ୍ୟ ଉତ୍ସବ "ଆମନୃତ୍ୟ ଆମ ସଂସ୍କୃତି" ଆୟୋଜିତ

ଉତ୍କଳ ଆଲୁମିନା ତରଫରୁ ଢେମସା ନୃତ୍ୟ ଉତ୍ସବ “ଆମନୃତ୍ୟ ଆମ ସଂସ୍କୃତି” ଆୟୋଜିତ

ରିପୋର୍ଟ: ଗୋପୀନାଥ ଗୌଡ଼ //
ରାୟଗଡା (୦୭/୦୩): ରାୟଗଡ଼ା ଜିଲ୍ଲାର କାଶୀପୁର ବ୍ଲକରେ ଥିବା ଆଦିତ୍ୟ ବିର୍ଲା ଗ୍ରୁପ କମ୍ପାନୀ ଉତ୍କୋଳ ଆଲୁମିନା ଇଣ୍ଟର ନ୍ୟାସନାଲ ଲିମିଟେଡ଼ ଆଦିବାସୀ ଲୋକ ନୃତ୍ୟ “ଢେମସା”ର ସଂରକ୍ଷଣ ଓ ପ୍ରସାର ପାଇଁ ପ୍ରତିବଦ୍ଧ | କମ୍ପାନୀ ତରଫରୁ ବିଗତ ୮ବର୍ଷ ଧରି ସ୍ୱତନ୍ତ୍ର ‘ଢ଼େମସା’ ନୃତ୍ୟ ଉତ୍ସବ ଆୟଜନ କରାଯାଉଛି | ଏବଂ ଏହା ଆଖ ପାଖରେ ଥିବା ଅନେକ ଗ୍ରାମର ଗ୍ରାମବାସୀଙ୍କ ଠାରୁ ଜବରଦସ୍ତ ସମର୍ଥନ ହାସଲ କରିଛି |

ଚଳିତ ବର୍ଷ ମଧ୍ୟ କମ୍ପାନୀ ତରଫରୁ ମାର୍ଚ୍ଚ ୫ ଓ ୬ତାରିଖରେ ନୂଆପଡା ଟାଉନସିପ(ହେଲିପ୍ୟାଡ଼ ପଡିଆ) ଠାରେ “ଆମନୃତ୍ୟ ଆମ ସଂସ୍କୃତି” କାର୍ୟକ୍ରମ ଆୟଜନ କରାଯାଇଥିଲା | ପ୍ରଥମ ଦିନ ହିଁ ଆଖ ପାଖ ଅଞ୍ଚଳର ୨୩ଟି ଦଳ ଅଂଶ ଗ୍ରହଣ କରିଥିଲେ | ଉତ୍କୋଳ ଆଲୁମିନା ମୁଖ୍ୟ ଓ ସଭାପତି ଶ୍ରୀଯୁକ୍ତ ଏ.ଏନ. ନାଗେସ ଓ ଶ୍ରୀଯୁକ୍ତ ମଝରୁଲ୍ଲା ବେଗ, ଯୁଗ୍ମ ସଭାପତି-ଇଞ୍ଜିନିୟରଙ୍କ ଉପସ୍ଥିତିରେ ରାୟଗଡ଼ାର ମାନ୍ୟବର ବିଧାୟକ ଶ୍ରୀଯୁକ୍ତ ମୋକରନ୍ଦ ମୁଦୁଲ୍ଲୀ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ |

ସ୍ଥାନୀୟ ଆଦିମ ଅଧିବାସୀଙ୍କ ଲୋକ ନୃତ୍ୟକୁ ବଜାୟ ରଖିବା ଓ ଏଥିପାଇଁ ଉତ୍ସାହିତ କରିବା ଲାଗି ସଂସ୍ଥାର ଉଦ୍ୟମକୁ ଶ୍ରୀଯୁକ୍ତ ମୁଦୁଲ୍ଲୀ ଭୁରି ଭୁରି ପ୍ରଶଂସା କରିଛନ୍ତି | ଏହି ଅବସରରେ ୟୁନିଟ ମୁଖ୍ୟ ସଭାପତି ଶ୍ରୀଯୁକ୍ତ ନାଗେଶ ନିଜ ଅଭିଭାଷଣରେ ଉପସ୍ଥିତ ଦର୍ଶକ ମାନଙ୍କୁ ପ୍ରତିଶୃତି ଦେଇଥିଲେ ଯେ, ସଂସ୍ଥାର ଏହି ଗୋଷ୍ଟି ସେମାନଙ୍କ ସମୂହ କଲ୍ୟାଣ ପ୍ରତି ପ୍ରତିବଦ୍ଧ ରହିଛି | ଦ୍ଵିତୀୟ ଦିନରେ ମୁଖ୍ୟ ଅତିଥି ଭାବେ ଓଡିଶା ସରକାରଙ୍କ ମାନ୍ୟବର ଯୋଜନା ଓ ସଂଯୋଜନ ଓ ବାଣିଜ୍ୟ ଓ ପରିବହନ ମନ୍ତ୍ରୀ ଶ୍ରୀଯୁକ୍ତ ପଦ୍ମନାଭ ବେହେରା ଯୋଗ ଦେଇଥିବା ବେଳେ ମାନ୍ୟବର ସଂଖ୍ୟାଲଘୁ ଓ ପଛୁଆ ଶ୍ରେଣୀ କଲ୍ୟାଣ ରାଷ୍ଟ୍ରମନ୍ତ୍ରୀ ଶ୍ରୀଯୁକ୍ତ ଜଗନ୍ନାଥ ସାରକା, ମାନ୍ୟବର ରାଜ୍ୟସଭା ସାଂସଦ ଶ୍ରୀଯୁକ୍ତ ଏନ ଭାସ୍କର ରାଓ, ରାୟଗଡ଼ାର ମାନ୍ୟବର ବିଧାୟକ ଶ୍ରୀଯୁକ୍ତ ମୋକରନ୍ଦ ମୁଦୁଲ୍ଲୀ, ଗୁଣୁପୁର ବିଧାୟକ ଶ୍ରୀଯୁକ୍ତ ରଘୁନାଥ ଗୋମାଙ୍ଗ, ଏବଂ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ଉପଦେଷ୍ଟା ଶ୍ରୀଯୁକ୍ତ ସୁଧୀର କୁମାର ଦାସ ଓ ରାୟଗଡା ଉପ-ଜିଲ୍ଲାପାଳ ଶ୍ରୀଯୁକ୍ତ ପ୍ରତାପ ଚନ୍ଦ୍ର ପ୍ରଧାନ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ |

ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ପଦ୍ମନାଭ ବେହେରା ନିଜ ଅଭିଭାଷଣରେ ସମାଜର ସଂସ୍କୃତିର ପ୍ରଚାର ପ୍ରସାର ଲାଗି ଉତ୍କୋଳ ଆଲୁମିନାର ପ୍ରଚେଷ୍ଟାକୁ ପ୍ରଶଂସା କରିଥିଲେ | ଏହି ପ୍ରକାର କାର୍ଯ୍ୟକ୍ରମର ଆୟଜନରେ ଲୁକ୍କାୟିତ କଳା ଖୋଜି ବାହାର କରିବା ସହିତ ଜିଲ୍ଲା ଓ ରାଜ୍ୟସ୍ତରରେ ପ୍ରଦର୍ଶନ କରିପାରିବେ ବୋଲି କହିଛନ୍ତି | ମାନ୍ୟବର ମନ୍ତ୍ରୀ ଶ୍ରୀଯୁକ୍ତ ସାରକା, ଉଭୟ ବିଧାୟକ, ବିଜୁ ସ୍ୱାସ୍ଥ୍ୟ କଲ୍ୟାଣ ଉପଦେଷ୍ଟା ଓ ରାୟଗଡ଼ା ଉପଜିଲ୍ଲାପାଳ କମ୍ପାନୀର ଏହି ଉଦ୍ୟମକୁ ପ୍ରଶଂସା କରିଥିଲେ | ଉତ୍କୋଳ ଆଲୁମିନା ଇଣ୍ଟର- ନ୍ୟାସନାଲ ୟୁନିଟ ମୁଖ୍ୟ ଶ୍ରୀଯୁକ୍ତ ଏନ ନାଗେସ ଏହି ଅଞ୍ଚଳର କଳା ସଂସ୍କୃତିର ବିକାଶ ଲାଗି ସର୍ବଦା ପ୍ରତିବଦ୍ଧ ଓ ଭବିଷ୍ୟତରେ ଏହି ଉଦ୍ୟମକୁ ଜାତୀୟ ଓ ଆନ୍ତର୍ଜାତୀୟ ସ୍ତରରେ ପହଁଞ୍ଚାଇବୁ ବୋଲି ନିଜ ବକ୍ତବ୍ୟରେ କହିଛନ୍ତି | ଏହି ଅବସରରେ କମ୍ପାନୀ ତରଫରୁ ଶ୍ରୀଯୁକ୍ତ ଉମାଶଙ୍କର ମାଝୀ(ଓଏସ), ଶ୍ରୀଯୁକ୍ତ ଜ୍ଞାନ ରଞ୍ଜନ ମାଝୀ(ଓଏସ), ସୁଶ୍ରୀ ସୁହିଲା ମାଝି (ଭାରତୋଳନ), କେରଟିୟର ଲକ୍ଷ୍ମଣ ନାୟକ, ଶ୍ରୀଯୁକ୍ତ କମଳେସ୍ୱର ସାହୁଙ୍କୁ କାଶୀପୁର ବ୍ଲକର ସାମାଜିକ କାର୍ଯ୍ୟ ପାଇଁ ସମ୍ଭର୍ଦ୍ଧିତ କରାଯାଇଛି | ଢେମସା ନୃତ୍ୟ ପ୍ରତିଯୋଗିତାରେ ୨୩ଟି ଆଦିବାସୀ ନୁର୍ତ୍ୟ ଦଳ ମଧ୍ୟରୁ ମାଲିଗୁଡା ଆଦିବାସୀ ନୁର୍ତ୍ୟ ଦଳ ବିଜେତା ହୋଇଥିବା ବେଳେ,ସାନ ମଟିକା ଦଳ ପ୍ରଥମ ଉପବିଜେତା ଓ କେ. ସିରିଗୁଡା ଦଳ ଦ୍ଵିତୀୟ ଉପବିଜେତା ହୋଇଥିଲେ |

ଉତ୍କୋଳ ଆଲୁମିନାର ଶ୍ରୀଯୁକ୍ତ ଟି. ଏମ ପ୍ରକାଶ, ଶ୍ରୀଯୁକ୍ତ ଶିବ ଶଙ୍କର ମହାପାତ୍ର, ଡକ୍ଟର ଲୋପାମୁଦ୍ରା ପ୍ରିୟଦର୍ଶିନୀ ଏବଂ ଉତ୍କୋଳ ଆଲୁମିନାର ଅଧିକାରୀ ମାନେ ଅତିଥି ମାନଙ୍କୁ ସ୍ୱାଗତ କରିବା ସହିତ ଏହି ମେଗା ସାଂସ୍କୃତିକ କାର୍ୟକ୍ରମରେ ଅଂଶ ଗ୍ରହଣ କରିବା ଲାଗି ସ୍ଥାନୀୟ କଳାକାରଙ୍କୁ ଉତ୍ସାହିତ କରିଥିଲେ | ଦ୍ଵିତୀୟ ଦିବସର ସ୍ୱର ସାଗର ନୁର୍ତ୍ୟ ଗ୍ରୁପ ଓ ସିଏସଆର ଉତ୍କୋଳ ଆଲୁମିନାର ମହିଳା କର୍ମଚାରୀମାନେ ଦର୍ଶକଙ୍କ ପାଇଁ ରଙ୍ଗାରଙ୍ଗ ନୁର୍ତ୍ୟ୍ ପରିବେଷଣ କରିଥିଲେ | ଉତ୍କୋଳ ଆଲୁମିନାର ଅଧିକାରୀମାନେ ସେମାନଙ୍କ ପରିବାର ସଦସ୍ୟଙ୍କ ସହ କାର୍ୟକ୍ରମରେ ଅଂଶ ଗ୍ରହଣ କରିଥିଲେ | ଏହି ଦୁଇ ଦିନିଆ କାର୍ୟକ୍ରମକୁ ୫୦୦୦ରୁ ଅଧିକ ଲୋକ ଉପସ୍ଥିତ ରହି କାର୍ୟକ୍ରମର ଆନନ୍ଦ ଉଠାଇଥିଲେ |

Advertisements
Odisha News24 Bureauhttp://www.odishanews24.in
A WEB TV Channel Network in Western Odisha

Most Popular

ବନ୍ଦେ ଉତ୍କଳ ଜନନୀ ଗାଇଲା ସମଗ୍ର ଝାରସୁଗୁଡା

ରିପୋର୍ଟ .ପ୍ରଶାନ୍ତ ମାଝୀ //ଝାରସୁଗୁଡା (୩୦/୫/୨୦୨୦): କରୋନା ଯୁଦ୍ଧରେ ସାମିଲ ଯୋଦ୍ଧାଙ୍କ ତ୍ୟାଗ ଓ ସେବା ମନୋଭାବ ପ୍ରତି ସମ୍ମାନ ପ୍ରଦର୍ଶନ ପାଇଁ ମାନ୍ୟବର ମୁଖ୍ୟମନ୍ତ୍ରୀଙ୍କ ଆହ୍ୱାନକ୍ରମେ ଶନିବାର...

ବିଦେଶୀ ମଦ ଦୋକାନରେ ଯୁବକଙ୍କ ଉନ୍ମତ୍ତ କାଣ୍ଡ, ୬ଗିରଫ, କାର ଓ ସ୍କୁଟି ଜବତ

ରିପୋର୍ଟ: ବିମଳେନ୍ଧୁ ସାହୁ //ଲୋଇସିଂହା (୩୦/୦୫): ବଲାଂଗୀର ଜିଲ୍ଲା ଲୋଇସିଂହା ସ୍ଥିତ ବିଦେଶୀ ମଦ ଦୋକାନରେ କିଛି ଯୁବକ ଗଣ୍ଡଗୋଳ କରି ଭଙ୍ଗାରୁଜା କରିଥିବା ଅଭିଯୋଗ ହୋଇଛି ।...

କାଶିପୁରରେ ବନ୍ଦେ ଉତ୍କଳ ଜନନୀ ସଂଗୀତ ପରିବେଷଣ

ରିପୋର୍ଟ: ଦେବେନ୍ଦ୍ର ନାୟକ //କାଶିପୁର (୩୦.୦୫.୨୦୨୦): କାଶିପୁରରେ ବନ୍ଦେ ଉତ୍କଳ ଜନନୀ ଗାନ ବିଭିନ୍ନ କାର୍ଯ୍ୟାଳୟ ସମେତ ଘରେ ଘରେ ଗାନ କରାଯାଇଛି | କୋଭିଡ ଯୁଦ୍ଧରେ ଲୋକଙ୍କ...

କରୋନା ସୁପର୍ ସିକ୍ସ୍ ରେ ଭୟଭୀତ ବରଗଡ଼

ରିପୋର୍ଟ: ଜଗବନ୍ଧୁ ସାହୁ //ବରଗଡ଼ (୩୦/୦୫): କରୋନାର ସୁପର୍ ସିକ୍ସ୍ ରେ ଅର୍ଥାତ କରୋନା ମହାମାରୀର ଏହି ଲକଡାଉନ୍ ସମୟରେ ଗୋଟିଏ ଦିନରେ ଛଅ ଜଣ ଯାକ ବରଗଡ଼...

Recent Comments

%d bloggers like this: