ରିପୋର୍ଟ : ଜଗଦୀଶ ଦାଶ
କନ୍ଧମାଳ/ଟିକାବାଲି, (୧୩/୦୩) ଟିକାବାଲି ଥାନା ସ୍ଥିତ ସରକାରୀ ବାସଭବନରେ ଶ୍ରୀନିବାସ ଘୋଟାଲ (୪୫) ନାମକ ଜଣେ କନଷ୍ଟେବଳ ବେକରେ ଗାମୁଛା ଲଗେଇ ଫ୍ୟାନ ରେ ଆତ୍ମହତ୍ୟା କରିଥିବା ଦେଖିବାକୁ ମିଳିଛି ।
ଟିକାବାଲି ଥାନା କ୍ୱାଟର ଭିତରେ ଜଣେ କନଷ୍ଟେବଲ ଙ୍କ ଆତ୍ମହତ୍ୟା । ସୂଚନା ଅନୁସାରେ ସେ ଫୁଲବାଣୀ ର ଡାକପାଲା ଗ୍ରାମର ବୋଲି ଜଣା ପଡିଛି । ସେ ୯୦ ବ୍ୟାଚ ର (ଓ ଏସ ଏଫ) ଭାବରେ କାର୍ଯ୍ୟରେ ଯୋଗ ଦେଇଥିଲେ । ସେ ଆନୁମାନିକ ୨୦୧୭ ପରେ ଓ ଏସ ଏଫ କମ୍ପାନୀ ଛାଡି ପାଖାପାଖି ୬ ବର୍ଷ ହେବ ଓଡିଶା ପୋଲିସ ଭାବରେ ପ୍ରଥମେ ଫୁଲବାଣୀ ହେଡକ୍ୱାଟର କନଷ୍ଟ୍ରେବଲ ଭାବରେ ରହିବା ପରେ କୋଟଗଡ଼, ଜି ଉଦୟଗିରି, ଏହି ୨୦୨୧ ରୁ ଟିକାବାଲି ଥାନାରେ କନଷ୍ଟ୍ରେଵଲ ଭାବରେ କାର୍ଯ୍ୟ କରୁଥିଲେ । ତାଙ୍କ ପରିବାର କହିବା ଅନୁସାରେ ତାଙ୍କର ଗାଁ ରେ ଏକ ନୂଆ ବାସଗୃହ ନିର୍ମାଣ ଆରମ୍ଭ କରିବା ପରେ ଜମିବାଡ଼ି କୁ ନେଇ ସଦାବେଳେ ଉଦାସ ମନରେ ରହୁଥିବା କହିଛନ୍ତି । ଆଜି ସ୍ଥାନୀୟ ଟିକାବାଲି ଥାନାରେ ସେଣ୍ଟ୍ରି ଡ଼ିଉଟି ପାଇଁ ତାଙ୍କ ସହକର୍ମୀ ମାନେ ଡାକିବା ବେଳେ ଶ୍ରୀନିବାସ ରହୁଥିବା କ୍ୱାଟର ର କବାଟ ଭିତର ପଟେ ବନ୍ଦ ଥିବା ଦେଖି ଝରକାରେ ଥିବା ଏକ ଛୋଟିଆ କାଣରୁ ଦେଖିବା ବେଳକୁ ଗାମୁଛାରେ ଫ୍ୟାନ ରେ ଝୁଲିଥିବା ଦେଖିବାକୁ ମିଳିଥିଲା ।