ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୪/୩) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପୂଜାରିଗୁଡା ପଞ୍ଚାୟତର ବଡନାୟକ ଗୁଡା ଗାଁ’ର ଯୁବକ ଚିନୁ ନାଣକା (୧୮) ଧାନ ଓଜନ କରିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ହୋଇଥିବା ଦେଖିବାକୁ ମିଳିଛି ।
ବାପା ଦାନୁ ନାଣକା କହିବା ଅନୁଯାୟୀ ଆଜି ସକାଳୁ ବିଦ୍ୟୁତ ନଥିବା ବେଳେ ପରିବାର ଲୋକେ ମିଶି ଘର ଭିତରେ ଧାନ ଓଜନ କରି ଥିବା ବେଳେ ଅଚାନକ ଅପରାହ୍ନ ସମୟରେ ବିଦ୍ୟୁତ ଚାଲିଆସିଥିଲା । ବିଦ୍ୟୁତ ଆସିଥିବା କେହି ହେଲେ ଜାଣିପାରିନଥିଲେ । ଧାନ ଓଜନ କରୁଥିବା ବେଳେ ଯୁବକ ଚିନୁ ନାଣକାଙ୍କ ମୁଣ୍ଡ ବିଦ୍ୟୁତ ତାର ବାଜିବାରୁ ଯୁବକଟି ଫିଙ୍ଗି ହୋଇଯାଇଥିଲା । ଯାହା ଫଳରେ ଯୁବକଟି ଘରର କାନ୍ତ ରେ ପିଟି ହୋଇଯାଇଥିଲା । ଏହାକୁ ନେଇ ପରିବାର ଲୋକେ ସଙ୍ଗେ ସଙ୍ଗେ ଏକ ଅଟୋ ସାହାଯ୍ୟରେ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଏଠାରେ ଡାକ୍ତର ନିର୍ମଲ୍ୟ ଗିରି ଦେଖି ମୃତ୍ୟୁ ଘୋଷଣା କରିଥିଲେ । ଏହାକୁ ନେଇ ଘଟଣା ସ୍ଥଳରେ ପୁଲିସ ଏ ଏସଆଇ ଅଶୋକ କୁମାର ନାୟକ ପହଞ୍ଚି ସମସ୍ତ ତଥ୍ୟ ଅନୁଧ୍ୟାନ କରିବା ପରେ ଶବ ଜବତ କରି ବ୍ୟବଚ୍ଛେଦ କରିବା ପରେ ପରିବାର କୁ ହସ୍ତାନ୍ତର କରିଥିଲେ ।