ସରକାରଙ୍କ ଅଜବନୀତି ଯୋଗୁଁ ବେସାହାରା ହୋଇପଡିଛନ୍ତି ବୁଢ଼ୀମ। ଓ ପାଗଳ ନାତି

ରିପୋର୍ଟ: ପ୍ରଦୀପ ପାତ୍ର //
ଗୁଣୁପୁର (୨୦/୦୨): ଗୁଣୁପୁର ବେବର୍ତା ଢେପ ସାହିରେ ବସବାସ କରୁଛନ୍ତି ୮୦ ବର୍ଷ ବୁଢ଼ୀମା ଓ ପାଗଳ ୨୨ ବର୍ଷର ଯୁବକ | ଛୋଟିଆ ଚାଳ ମାଟି ଘର ,ଘରେ ଭଙ୍ଗା ଦଦରା ଆସବା ପତ୍ର,ବୁଢ଼ୀ ମା ପ୍ରତିଦିନ ଛୁଟେଇ ଛୁଟେଇ ଯାଇ ଚାରି ଘର ବାସନ ମାଜି ଓ ଦାଣ୍ଡ ଧୋଇ କଷ୍ଟରେ ଜୀବିକା ନିର୍ବାହ କରୁଥିବା ବେଳେ ଓ ତାର ପାଗଳ ନାତି ବାର ଦାଣ୍ଡ ବୁଲିଥାଏ ଓ ଆବର୍ଜନା ଗୁଟାଇ ଆସି ଘରେ ରହିଥାଏ । ସେହି ପାଗଳ ଯୁବକକୁ ବୁଢ଼ୀ ମା ହିଁ ଭରସା ।

ଜଣେ ସହୃଦୟ ବ୍ୟକ୍ତି ସେହି ସାହିର ସ୍ୱର୍ଗତ ହାଇସ୍କୁଲ ଶିକ୍ଷକ କେ ଏନ ରାଓ ସେହି ଦୁଈଙ୍କ ଦୁଃଖ ଦେଖି ମାଗଣାରେ ଘର ଦେବା ଫଳରେ ରହିବାକୁ ଖଣ୍ଡେ ବାସସ୍ଥାନ ମିଳିପାରିଛି । ତେବେ ସରକାରଙ୍କ ବିଚିତ୍ର ବିଡମ୍ବନା ୮୦ ବର୍ଷ ବୃଦ୍ଧ ମା ଓ ପାଗଳ ୨୨ବର୍ଷର ଯୁବକକୁ ମିଳୁଛି ୫ କେଜି ଚାଉଳ । ତେବେ ପୂର୍ବରୁ ୨୫କେଜି ଚାଉଳ ମିଳୁଥିବା ବେଳେ ସରକାରଙ୍କ ନୂତନ ରେସନ ନିୟମ ଅନୁସାରେ ଦୁଇଜଣକୁ ୧୦କେଜି ଚାଉଳ ମିଳୁଥିଲା | କିନ୍ତୁ କିଛିଦିନ ପରେ ପାଗଳ ଯୁବକକୁ ମିଳୁଥିବା ୫କେଜି ଚାଉଳ ମଧ୍ୟ କାଟିଦେଇଛନ୍ତି । ତେବେ ଏ ନେଇ ସାହି ଲୋକ ଓ କାଉନ୍ସିଲର ବାରମ୍ବାର ପ୍ରସାସନକୁ ଜଣାଇଥିଲେ ମଧ୍ୟ କୋୖଣସି ପଦକ୍ଷେପ ଗ୍ରହଣ କରିନାହାଁନ୍ତି । ତେଣୁ ସାହି ବାସିନ୍ଦା ସେହି ବୁଢ଼ୀ ମା ଦୁହିଁଙ୍କୁ ଅନ୍ତଦୟ ଯୋଜନାରେ ସାମିଲ କରିବା ସହ ପାଗଳ ଯୁବକକୁ ପେନସନ ଦେବା ପାଇଁ ସାହି ବାସିନ୍ଦା ଦାବୀ କରିଛନ୍ତି ।

Comments are closed.