ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୨୨/୨) : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ବିଭିନ୍ନ ଗାଁ ଗାଁ ବୁଲି ଜରସର ଅବକାରୀ ବିଭାଗ ଚଢ଼ାଉ କରୁଛନ୍ତି ।
ଅବକାରୀ ବିଭାଗ ଚଢାଉ ରେ ଆଜି ଦୁଇଜଣ ମହିଳାକୁ ଗିରଫ କରିଛି ଅବକାରୀ ବିଭାଗ । କଲ୍ୟାଣସିଂହପୁର ର କଦଳିଚୁଅଁ, ଚାମରଜୋଡି, ଡମଲିମା ଗାଁରେ ଚଢାଉକରି ୬୫୦ ଲିଟର ମହୁଲ ପୋଚକୁ ନଷ୍ଟ କରିବାସହ ୧୦୫ ଲିଟର ଦେଶୀମଦ ଜବତ କରିବାପରେ ଦୁଇ ମହିଳାକୁ ଗିରଫ କରିଥିବା ଅବକାରୀ ବିଭାଗର ମୋବାଇଲ ସ୍କ୍ୱାର୍ଡର କିଶୋର ଚନ୍ଦ୍ର ରଥ ସୂଚନା ଦେଇଛନ୍ତି । ଜିଲ୍ଲା ଅବକାରୀ ବିଭାଗର ଅଧିକ୍ଷକ (ସୁପରଟେଣ୍ଡ) ଅଭିରାମ ବେହେରା ଙ୍କ ନିର୍ଦ୍ଦେଶ କ୍ରମେ ରାୟଗଡା ମୋବାଇଲ ସ୍କ୍ୱାର୍ଡ ଓ କଲ୍ୟାଣସିଂହପୁର ରେ ଥିବା ଅବକାରୀ ବିଭାଗ ମିଳିତରେ ଏହି ଚଢାଉ କରାଯାଇଛି । ୪ଟି ଅବକାରୀ ମକଦମାରେ ଦୁଇ ଜଣ ମହିଳା ଗିରଫ ।
ଏହି ଚଢ଼ାଉ ସମୟରେ ସଂଗ୍ରାମ ପ୍ରଧାନ, କରୁଣା କର ପାତ୍ର, ରାମଜାନ ଖାନ, ପି.କିଶୋର, ମହିଳା ସିପାହୀ ରିନା ବାରିକ, ଗାଡି ଚାଳକ ନବିନ ମାଛ ପ୍ରମୁଖ ଉପସ୍ଥିତ ରହିଥିଲେ । ଯାତ୍ରାର ଚାରିଦିନ ମଧ୍ୟରେ ଚଢାଉ କରି ଦୁଇ ମହିଳାକୁ ଗିରଫ କରିଥିବା ବେଳେ ପୁର୍ବରୁ ଦୁଇ ଯୁବକଙ୍କୁ ଗିରଫ କରିବା ସହ ଗୋଟିଏ ବାଇକ ଜବତ କରିଥିଲେ । ପୁର୍ବରୁ କତାଗୁଡା, ଡମଲିମା, ଶିକରପାଇର ଧାମଲିମା ଓ ମୁତୁକୁଣୀ, ତଳରମ୍ଭା ଗାଁରେ ଚଢ଼ାଉ କରି ୩୦ଲିଟର ସଲପ ତାଡି, ୧୨୫ଲିଟର ଦେଶୀ ମଦକୁ ଜବତ କରିବା ସହ ୧୪୦୦ ଲିଟର ମହୁଲ ପୋଚ ଜବତ କରି ନଷ୍ଟ କରିବା ସହ ଗୋଟିଏ ବାଇକ ଓ ଦୁଇ ଜଣ ଯୁବକକୁ ଗିରଫ କରାଯାଇଥିଲା ।