ବ୍ଲକ ସ୍ତରୀୟ ଜନ ଶୁଣାଣି ଅନୁଷ୍ଠିତ, ବନ୍ଧୁଗାଁ

ରିପୋର୍ଟ : ମିନା ବେହେରା
ବନ୍ଧୁଗାଁ (୧୧/୨/୨୦): ବନ୍ଧୁଗାଁ ବ୍ଲକରେ ବ୍ଲକ ସ୍ତରୀୟ ଜନ ଶୁଣାଣି ଅନୁଷ୍ଠିତ ହୋଇଯାଇଛି । କୋରାପୁଟ ଜିଲ୍ଲା ଉପ ଜିଲ୍ଲାପାଳ ଲଳିତ କୁମାର କହଁରଙ୍କ ଉପସ୍ଥିତରେ ୧୩ଟି ପଞ୍ଚାୟତ ସ୍ତରରେ V R P କର୍ମୀ ମାନଙ୍କ ଉପସ୍ଥିତରେ ଚଳିତ ଆର୍ଥିକ ବର୍ଷ ଏପ୍ରିଲ ୧୯ ରୁ ସେପ୍ଟେମ୍ବର ମାସ ୧୯ର ଏମଜିଏନଆରଜିଏ ଏବଂ ବାର୍ଦ୍ଧକୀୟ ଭତ୍ତା ଉପରେ ପ୍ରତି ଗ୍ରାମର ଉପଭକ୍ତଙ୍କ ପାଖରୁ ପାଇଥିବା ସରକାରଙ୍କ ସୁବିଧା ସୁଯୋଗ ଗୁଡିକୁ ପଚାରି ପଞ୍ଚାୟତ କାର୍ଯ୍ୟାଳୟର ପି ଇ ଓ ଓ ଜି ଆର ଏସ ମାନଙ୍କ ଠାରୁ ଖାତାକୁ ମୂଲ୍ୟାୟନ କରିଥିଲେ ।

ଏହି ସମସ୍ତ କରିଥିବା ସମୀକ୍ଷାର ଜନ ଶୁଣାଣି ପ୍ରତି ଗ୍ରାମରୁ ଆସିଥିବା ଗ୍ରାମବାସୀ, ୪ଜଣ ସରପଞ୍ଚ, ପି ଇ ଓ, ଜି ଆର ଏସ, ଜେ ଇ ଉପସ୍ଥିତ ରହିଥିଲେ । ବି ଡ଼ି ଓ ମନୋଜ କୁମାର ନାୟକ, ତହସିଲଦାର ଶୋଭାଭୂଷଣ ଶବର, ଏ ଇ ରମାକାନ୍ତ ନାୟକଙ୍କ ଉପସ୍ଥିତିରେ ଭି ଆର ପି ମାନଙ୍କ ଦ୍ୱାରା ଉପସ୍ଥାପନ କରାଯାଇଥିଲା । ଏହି ସମୀକ୍ଷା ଉପସ୍ଥାନରୁ ଓ ଏ ପି ଭତ୍ତା ୨୬ ଜଣଙ୍କ ୧୭୧ ମାସର ୮୫,୫୦୦ ଟଙ୍କା ଆତ୍ମସାତ ହୋଇଛି, ଯେଉଁଠାରେ କିଛି ମୃତ ବୃଦ୍ଧ ବୃଦ୍ଧା, ଓ ଆଧାର ନମ୍ବର ସଂଯୋଗ କରିବା ବାହାନାରେ ଟଙ୍କା ଆତ୍ମସାତ କରିବା । ଏମ ଜି ଏନ ଆର ଜି ଏ ର ତଥ୍ୟକୁ ପଞ୍ଚାୟତର କେସ ରେକର୍ଡ ଗୁଡିକ କୁଟ୍ରାବେଡା , କୁମ୍ଭାରୀପୁଟ, ନିଲାବଡୀ ପଞ୍ଚାୟତର ପି ଇ ଓ, ଜି ଆର ଏସ ମାନେ ସମୀକ୍ଷା କରୁଥିବା ଭି ଆର ପି ମାନଙ୍କୁ ଦେଇ ନ ଥିଲେ । କିଛି ପଞ୍ଚାୟତ ଗୁଡିକରେ ଏମ ଜି ଏନ ଆର ଜି ଏ କାମ ୬ମାସ ମଧ୍ୟରେ କିଛି କରାଯାଇନାହିଁ । ବିଲାମାଲ ଗ୍ରାମର ଜଣେ ଏମ ଜି ଏନ ଆର ଜି ଏ କାମ କରିବାକୁ ଆବେଦନ କରିଥିଲେ କିନ୍ତୁ ପି ଇ ଓ ଙ୍କ ଅବହେଳା ଯୋଗୁଁ ବ୍ୟକ୍ତି ଜଣକ ୨ବର୍ଷ ହେଲା କାମ ପାଇ ନାହାନ୍ତି । ଏହି ସମସ୍ତଙ୍କ ସମୀକ୍ଷା ଶୁଣିବା ପରେ ଉପ ଜିଲ୍ଲାପାଳ ପାଳ ସମସ୍ତ ସମସ୍ୟା ଦୂର କରିବାକୁ ୭ଦିନ ମଧ୍ୟରେ ସମାଧାନ କରିବାକୁ ସମସ୍ତ କର୍ମଚାରୀଙ୍କୁ ନିର୍ଦ୍ଦେଶ ଦେଇଥିଲେ ।ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ମଗନରେଗା କୋ ଅର୍ଡିନେଟର ଶ୍ରୀ ଗଣେଶ କୁମାର ନାଳକାନ୍ତ |

Leave a Reply

This site uses Akismet to reduce spam. Learn how your comment data is processed.