ରିପୋର୍ଟ : ଅକ୍ଷୟ କୁମାର ପିଡ଼ିସିକା
କଲ୍ୟାଣସିଂହପୁର, (୨୦/୨) : ରାୟଗଡା ଜିଲ୍ଲା କଲନରା ବ୍ଲକ ଗାଡି ଶେଷ ଖାଲ ପଞ୍ଚାୟତ ରାମ ପୁର ଗ୍ରାମର ବୁଲୁ ବେନିଆଁ (୩୫) ମନୋଜ ବେନିଆଁ (୨୪) ପିକଅପ ବାଇକ ଦୃର୍ଘଟଣାରେ ଦୁଇଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।
ସୂଚନା ଅନୁଯାୟୀ ଏହି ଦୁଇ ଭାଇ ରାମପୁର ଠାରୁ ଜେକେ ପୁର ବଜାର କରିବାକୁ ଯାଉଥିବା ବେଳେ ଗେଟିପଡା ବୁଲାଣି ରାସ୍ତାରେ ପିକଅପ ବାଇକ ମୁହାଁମୁହିଁ ଧକ୍କା ରେ ବୁଲୁ ଓ ତାର ଭାଇ ମନୋଜ ମୃତ୍ୟୁ ହୋଇଛି । ରାମପୁର ଠାରୁ ଜେକେ ପୁର କୁ ଯାଉଥିବା ବେଳେ ପିକଅପ ଗାଡି ସହ ମୁହାଁମୁହିଁ ଧକ୍କା ହେବାରୁ ଘଟଣା ସ୍ଥଳରେ ଦୁଇ ଜଣ ମୃତ୍ୟୁ ହୋଇଥିବା ଜଣାପଡିଛି । ପିକଅପ ଭେନ ଦୃତ ଗତିରେ ଥିବାରୁ କଣ୍ଟ୍ରୋଲ ହୋଇ ନ ଥିଲା ଯାହା ଫଳରେ ଗାଡିଟି ମୁହାଁମୁହିଁ ହୋଇଥିଲା । ଉକ୍ତ ଦୁର୍ଘଟଣା ଖବର ପାଇ ଚାନ୍ଦିଲି ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହ ତଦନ୍ତ ଚଳାଇ ଛନ୍ତି । ଏହି ଘଟଣା ସମ୍ପର୍କରେ ଚାନ୍ଦିଲି ଥାନା ଅଧିକାରୀ ୟୋଶବନ୍ତ ହିଆଲ ଙ୍କୁ ପଚାରିବାରୁ ସେ କହିଛନ୍ତି ତଦନ୍ତ ପରେ ଘଟଣା ସମ୍ପର୍କରେ ଜଣା ପଡିବ ବୋଲି କହିଛନ୍ତି ।