ପଶ୍ଚିମାଞ୍ଚଳର ଏକତା ଏବଂ ହାଇକୋର୍ଟର ସ୍ଥାୟୀ ବେଞ୍ଚ ପ୍ରସଙ୍ଗରେ ୫ତାରିଖର ବନ୍ଦକୁ ପଶ୍ଚିମାଞ୍ଚଳ ଏକତା ମଞ୍ଚ ଏବଂ ସମଲେଇ ସେନାର ସମର୍ଥନ

ରିପୋର୍ଟ: ଡିଳେଶ୍ୱର ବାଗ //
ବରଗଡ଼/ସମ୍ବଲପୁର(୦୩-୦୨): ଆସନ୍ତା ଫେବୃୟାରୀ ୫ ତାରିଖରେ ପଶ୍ଚିମାଞ୍ଚଳର ଏକତା ଏବଂ ସମଲେଇ ସେନାର ହାଇକୋର୍ଟର ସ୍ଥାୟୀ ବେଞ୍ଚ ପ୍ରତିଷ୍ଠା ଦାବିରେ ହେବାକୁ ଥିବା ପଶ୍ଚିମାଞ୍ଚଳ ବନ୍ଦ ଡାକରାକୁ ପଶ୍ଚିମାଞ୍ଚଳଏକତା ମଂଚ ପକ୍ଷରୁ ସମର୍ଥନ ଘୋଷଣା କରାଯାଇଛି । ପଶ୍ଚିମାଞ୍ଚଳର ସମସ୍ତ ଜିଲ୍ଲା ସହ ଭୂବନେଶ୍ବରରେ ମଧ୍ୟ ବନ୍ଦ ସଫଳ କରିବା ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।

ଫେବୃଆରୀ ୫ତାରିଖରେ ଧାରଣା ଦିଆଯିବା ପାଇଁ ପଶ୍ଚିମାଞ୍ଚଳ ଏକତା ମଂଚର ବିଭିନ୍ନ ଶାଖା ପକ୍ଷରୁ ପ୍ରସ୍ତୁତି ବୈଠକରେ ଆଲୋଚନା ହୋଇଯାଇଛି । ଆନ୍ଦୋଳନ ସମର୍ଥନରେ ଭୁବନେଶ୍ବର ଶାଖା କର୍ମକର୍ତ୍ତାଙ୍କ ସହ ସମଲେଇ ସେନାର ସଦସ୍ୟ ମାନେ ଭୁବନେଶ୍ବରରେ ସକାଳ ୯ଟାରୁ ଏକ ଘଂଟା ପର୍ଯ୍ୟନ୍ତ ଧାରଣା ଦେଇ ସମର୍ଥନ ଜଣାଇବେ ବୋଲି ପଶ୍ଚିମାଞ୍ଚଳ ଏକତା ମଂଚ ଭୂବନେଶ୍ବର ଶାଖା ପକ୍ଷରୁ କାର୍ଯ୍ୟକ୍ରମ ସଂଯୋଜିକା ଇଂ ରଂଜିତା ପ୍ରିୟଦର୍ଶନୀ ନେତୃତ୍ଵରେ ଅନୁଷ୍ଠିତ ପ୍ରସ୍ତୁତୀ ବୈଠକରେ ନିଷ୍ପତ୍ତି ହୋଇଛି । ଏଥିରେ ମୁକେଶ, ସମୀର, ସିଲୁ, ରନଦିପ, ଯଦୁନନ୍ଦନ ପ୍ରମୁଖ ଉପସ୍ଥିତ ଥିଲେ । ସେହିପରି ପଦ୍ମପୁର ଠାରେ ସୁରେନ୍ଦ୍ର ମେହେର ଏବଂ ପୌଲସ୍ତ୍ଯ ସାହାଙ୍କ ନେତୃତ୍ଵରେ ଅନୁଷ୍ଠିତ ପ୍ରସ୍ତୁତୀ ବୈଠକରେ ଜଗଦୀଶ, ପ୍ରକାଶ, ନନ୍ଦ, ବାଳମିକି,ବାବୁ, ଚନ୍ଦ୍ର ପ୍ରମୁଖ ସାମିଲ ହୋଇଥିଲେ । ସେହିପରି ବରଗଡ ଠାରେ ବରଗଡ ସଲିମ୍ ଶେଖର ରଣାଙ୍କ ସଭାପତିତ୍ବରେ ଅନୁଷ୍ଠିତ ପ୍ରସ୍ତୁତୀ ବୈଠକରେ ବରଗଡ ଜିଲ୍ଲା ସଂଯୋଜକ ବିଘ୍ନେଶ ସେଠ,କାହ୍ନୁ, ରଶ୍ମି, ଶୈଳେଶ, ରାହୁଲ,ମଣିକାନ୍ତ ପ୍ରମୁଖ ସାମିଲ ହୋଇଥିଲେ ।

ସମ୍ବଲପୁର ଗୁରୁ ସତ୍ୟ ନାରାୟଣ ସ୍ମୃତି ଉଦ୍ୟାନରେ ପଶ୍ଚିମାଞ୍ଚଳ ଏକତା ମଂଚ ଆବାହକ ଭବାନୀ ଶଙ୍କର ଭୋଇଙ୍କ ସଭାପତିତ୍ବରେ କେନ୍ଦ୍ରୀୟ କମିଟିର ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ସମସ୍ତ ଜିଲ୍ଲାରେ ବନ୍ଦକୁ ସଫଳ କରିବାରେ ସହଯୋଗ ପାଇଁ ଜିଲ୍ଲା କମିଟି ମାନଙ୍କ ସହ ସମନ୍ବୟ ସ୍ଥାପନ କରି ଓକିଲ ସଂଘ ମାନଙ୍କୁ ସମର୍ଥନ ଜଣାଇବାକୁ ନିଷ୍ପତ୍ତି ହୋଇଛି।ଏଥିରେ କାନ୍ତି ମେହେର, ପଙ୍କଜିନୀ ମେହେର, ତିଲୋତମା ପୁରୋହିତ, ଶଙ୍କର ମେହେର, ଦେବାଶିଷ ବେହେରା, ଆଭାସ ପଣ୍ଡା, ନିଶିକାନ୍ତ ବିଶ୍ବାଳ, ରାଜେଶ ସ୍ବାଇଁ, ସୁଦାମ ମେହେର ପ୍ରମୁଖ ଉପସ୍ଥିତ ଥିଲେ ।

Comments are closed.