ବଲାଙ୍ଗୀର ରେଲ୍ୱେ ଷ୍ଟେସନରେ ଯୁବକଙ୍କ ମୃତଦେହ ଉଦ୍ଧାର

ବଲାଙ୍ଗିର(୦୧/୦୨): ବଲାଙ୍ଗିର ରେଲୱେ ଷ୍ଟେସନର ୧ ନମ୍ୱର ପ୍ଲାଟଫର୍ମ ଠାରେ ଥିବା ରେଳ ଧାରଣାରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ସେ ପଶ୍ଚିମ ବଙ୍ଗର ଭରତପୁରର ସୁମନ ମଣ୍ଡଳ ବୋଲି ଜନପଡିଛି |

ନିକଟରେ ସୁମନ ସହ ତାଙ୍କ ୪ ଜଣ ସାଙ୍ଗ ବାହାଘର ଉତ୍ସବରେ ଯୋଗ ଦେବା ପାଇଁ ବଲାଙ୍ଗିର ଆସିଥିଲେ । ଆଜି ସେମାନେ ପଶ୍ଚିମବଙ୍ଗ ଯିବାକୁ ବଲାଙ୍ଗିର ରେଲୱେ ଷ୍ଟେସନ ଆସିଥିଲେ । କିନ୍ତୁ ହଠାତ ସୁମନ ଟ୍ରେନ ସାମ୍ନାରେ ଶୋଇ ପଡ଼ି ଆତ୍ମହତ୍ୟା କରିଥିବା ତାଙ୍କ ସାଙ୍ଗମାନେ ପ୍ରକାଶ କରିଛନ୍ତି | ଏଥିସହ ପୂର୍ବରୁ ସୁମନଙ୍କ ମାନସିକ ଅବସ୍ଥା ଭଲ ନ ଥିବାରୁ ସେ ନ୍ୟୁରୋ ବିଭାଗରେ ଚିକିତ୍ସା ହେଉଥିଲେ । ତେବେ ମାନସିକ ଭାରସାମ୍ୟା ହରାଇ ସୁମନ ଆତ୍ମହତ୍ୟା କରିଥାଇ ପାରନ୍ତି ବୋଲି ତାଙ୍କ ସାଙ୍ଗମାନେ କହିଛନ୍ତି । ଜି.ଆର.ପି ପୁଲିସ ମୃତଦେହ ଉଦ୍ଧାର କରି ଘଟଣାର ତଦନ୍ତ ଆରମ୍ଭ କରୁଛି।

Comments are closed.