ଜନତାଙ୍କ ପଥର ମାଡରେ ମାଓନେତା ମୃତ

ରିପୋର୍ଟ: ଜିଲ୍ଲା ପ୍ରତିନିଧି ଏ . କେ . ବିଶ୍ୱାସ //
ମାଲକାନଗିରି(୨୬/୦୧): ମାଓଗଡକୁ ଶକ୍ତ ଝଟକା | ସ୍ବାଭିମାନ ଅଞ୍ଚଳରେ ଜନତା-ମାଓବାଦୀ ମୁହାଁମୁହିଁ ହୋଇଥିବା ସୂଚନା | ସରକାରଙ୍କ ଉନ୍ନୟନ ମୂଳକ କାମକୁ ବିରୋଧ କରିବାକୁ ଆସିଥିବା ମାଓ ନେତାଙ୍କୁ ପଥରରେ ଛେଚିଛେଚି ମାରିଲେ ଜନତା |

ମାଓବାଦୀଙ୍କ ଅତ୍ୟାଚାର ଅସହ୍ୟ ହେବା ସହ ଅଞ୍ଚଳରେ ସରକାରଙ୍କ ଉନ୍ନୟନ ମୂଳକ କାର୍ଯ୍ୟକୁ ବିରୋଧ କରିବାରୁ ଜଣେ ମାଓବାଦୀଙ୍କୁ ସ୍ଥାନୀୟ ଲୋକେ ନିସ୍ତୁକ ମାଡ ମାରିଥିବା ସୂଚନା ମିଳିଛି | ଘଟଣାସ୍ଥଳରେ ଜଣେ ମାଓବାଦୀର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ଥିବା ଖବର ମିଳିଛି | ମୃତ ମାଓବାଦୀ ହେଲେ ଗଙ୍ଗା ମାଢ଼ୀ, କଲିମେଳା ପାର୍ଟି ସଦସ୍ୟ ରୂପେ କଦୁଥିଲେ ତାଙ୍କ ଉପରେ ୧ଲକ୍ଷ ଟଙ୍କାର ପୁରସ୍କାର ରାଶି ସରକାର ଘୋଷଣା କରିଥିଲେ | ଅନ୍ୟ ମାଓବାଦୀ ଜଣକ ହେଲେ ଜିପ୍ରୋ ହବିକା ଓ ତାଙ୍କ ଉପରେ ୪ଲକ୍ଷ ଟଙ୍କାର ପୁରସ୍କାର ରାଶି ସରକାର ଘୋଷଣା କରିଥିଲେ | ସ୍ବାଭିମାନ ଅଞ୍ଚଳ ଜୋଡାମ୍ବ ପଞ୍ଚାୟତ ଅନ୍ତର୍ଗତ ଜନ୍ତୁରାଇ ଗ୍ରାମ ଠାରେ ଏହି ଘଟଣା ଘଟିଥିଲା | ଖବର ପାଇ ଘଟଣାସ୍ଥଳକୁ ସୁରକ୍ଷାକର୍ମୀଙ୍କୁ ପଠାଯାଇଛି ଏବଂ ସେହି ଅଞ୍ଚଳ ଗୁଡିକୁ ଜୋରଦାର କମ୍ବିଂଗି କରାଯାଉଛି ବୋଲି ମାଲକାନଗିରି ଏସପି ସୂଚନା ଦେଇଛନ୍ତି |

Comments are closed.