ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୦୪/୦୨) : ଆଜି ଅର୍ଥାତ୍ ତା ୦୨/୦୨/୨୦୨୩ ଦିନ ସଂନ୍ଧ୍ୟା ୬ ଘଣ୍ଟା ସମୟରେ ରାୟଗଡାସ୍ଵୟଂ ଶାସିତ ମହାବିଦ୍ୟାଳୟର ବାର୍ଷିକ କ୍ରୀଡା ପ୍ରତିଯୋଗିତା ଉଦ୍ଯାପନ ହୋଇଯାଇଛି ।
ଏଥିରେ ମୁଖ୍ୟ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ସୋମନାଥ ପ୍ରଧାନ, ସମ୍ମାନୀୟ ଅତିଥି ରାୟଗଡା ପୌରାଞ୍ଚଳର ନଗରପାଳ ଶ୍ରୀ ମହେଷ ପଟ୍ଟନାୟକ ଉପସ୍ଥିତ ରହି କୃତି କ୍ରିଡ଼ାବିତ୍ ମାନଙ୍କୁ ପୁରସ୍କାର ବିତରଣ କରିଥିଲେ । ରାୟଗଡାସ୍ଵୟଂ ଶାସିତ ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର ପ୍ରଶନ୍ନ କୁମାର ଗନ୍ତାୟତ ଏହି ଉତ୍ସବରେ ଅଧ୍ୟକ୍ଷତା କରିଥିଲେ । ଏହି କ୍ରୀଡ଼ା ପ୍ରତିଯୋଗିତାରେ ଉଚ୍ଚ ମାଧ୍ୟମିକ, ସ୍ନାତକ ଓ ସ୍ନାତକୋତ୍ତର ଶ୍ରେଣୀର ୪୦୦ ରୁ ଉର୍ଦ୍ଧ୍ୱ ପ୍ରତିଯୋଗି ଅଂଶଗ୍ରହଣ କରିଥିଲେ । ସେମାନଙ୍କ ମଧ୍ୟରୁ ୯୬ ଜଣ କ୍ରତୀତ୍ଵ ହାସଲ କରିଥିଲେ । ଉଚ୍ଚ ମାଧ୍ୟମିକ ଶ୍ରେଣୀର ବାଳକ ବିଭାଗରେ ଶିବ ମିନିୟାକା ଏବଂ ବାଳୀକା ବିଭାଗରେ ଗୀତାଞ୍ଜଳୀ କାରୁଆଁ ସେହି ପରି ସ୍ନାତକ ଶ୍ରେଣୀର ଚ୍ଛାତ୍ର ବିଭାଗରେ ବିଡ଼ିକା ସିଧୁ ଏବଂ ଚ୍ଛାତ୍ରୀ ବିଭାଗରେ ସୁପ୍ରିୟା କିଲାକା ଚ଼ମ୍ପିୟାନ୍ ହୋଇଥିଲେ ।
ଏହି ସମସ୍ତ କାର୍ଯ୍ୟକ୍ରମକୁ କ୍ରୀଡା ସଂସଦର ଉପସଭାପତି ଶ୍ରୀ କେ ଶଶି ସହଉପସଭାପତି ଶ୍ରୀ ଗିରୀସ୍ ପଟ୍ଟନାୟକ, ଅଶୋକ କୁମାର ସାହୁ, ମନୋଜ ପଟ୍ଟନାୟକ, ସ୍ନେହାଞ୍ଜଳୀ ପାଣ୍ଡେ, ଦମୟନ୍ତି ବାଗ ମନ୍ମଥ ଟୋଇକା ଓ ଅନ୍ୟମାନେ ଉପସ୍ଥିତ ରହି ପରିଚାଳନା କରିଥିଲେ । କ୍ରୀଡ଼ା ପରିଚାଳନାରେ ଖେଳ ଶିକ୍ଷକ ଆଶିଷ ପୁଜାରୀ, ଶ୍ରୀ ସୁଧିର ସ୍ୱାଇଁ, ଶ୍ରୀ ଗୌରୀ ସାହୁ, ଶ୍ରୀ ପ୍ରମୋଦ ପ୍ରଧାନ, ଶ୍ରୀ ଅରୁଣାଞ୍ଚଳ ଦାସ ଓ ଶ୍ରୀ ବି. ରାମୁ ପରିଚାଳନା କରିଥିଲେ।