Tuesday, March 19, 2024

Top 5 This Week

Related Posts

୧୮ ତମ ପାତାଳୀ ମହୋତ୍ସବ ଉଦଯାପିତ

ରିପୋର୍ଟ : ରାଜେଶ କୁମାର ବାଘ
ଉଲୁଣ୍ଡା, (୨୯/୧) : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ ପାତାଳୀ କ୍ଷେତ୍ର କୋଟସମଲାଇ ଠାରେ ଚାଲିଥିବା ୧୮ ତମ ପାତାଳୀ ମହୋତ୍ସବ ଆଜି ଉଦଯାପିତ ହୋଇଯାଇଛି ।

ଏହି ଅବସରରେ ୫୬ ପ୍ରହରୀ ନାମଯଜ୍ଞ, ଅଖଣ୍ଡ ଘୃତ ଯଜ୍ଞ, ଭାଗବତ ସପ୍ତାହ ପାରାୟଣ ସମ୍ପନ୍ନ ହୋଇଯାଇଛି ।ଭାଗବତ ସପ୍ତାହ ପାରାୟଣ ରେ ବ୍ୟାସ ଭାବରେ ନନ୍ଦ ବିଶି କାର୍ଯ୍ୟ ସମ୍ପାଦନ କରିଥିଲେ । ଅଖଣ୍ଡ ଘୃତ ଯଜ୍ଞ ରେ ପୂଜକ ଭାବରେ ଦେବାର୍ଚ୍ଚନ ଦାଶ ଓ କର୍ତ୍ତା ଭାବେ ଚମରା ଅମାତ୍ ଓ ସୌରେନ୍ଦ୍ରି ଅମାତ୍ କାର୍ଯ୍ୟ ତୁଲାଇଥିଲେ । ୧୮ ତମ ପାତାଳୀ ମହୋତ୍ସବ ୨୨ ରୁ ଆରମ୍ଭ ହୋଇ ଆଜି ଶେଷ ହୋଇଛି । ଏଥିରେ ୫୬ ପ୍ରହରୀ ନାମ ସଂକୀର୍ତ୍ତନ, ଅଖଣ୍ଡ ଘୃତ ଯଜ୍ଞ, ଭାଗବତ ସପ୍ତାହ ପାରାୟଣ, ନଗର ପରିକ୍ରମା, ଶ୍ରୀ ଜୀଉଙ୍କ ପଦ୍ମମୁଖ ବେଶ ଦର୍ଶନ ଓ ସନ୍ଧ୍ୟା ସମୟରେ ଛାତ୍ରଛାତ୍ରୀ ଙ୍କ ନୃତ୍ୟ ଗୀତ, ଭଜନ କାର୍ଯ୍ୟକ୍ରମ, ଦୁଲଦୁଲି କାର୍ଯ୍ୟକ୍ରମ, ପାତାଳୀ ଜଗନ୍ନାଥ ଗୀତିନାଟ୍ୟ ଓ ଓଡିଶା ର ପ୍ରସିଦ୍ଧ ଦଣ୍ଡ ସମ୍ରାଟ ରସିକ ସାହୁ ଙ୍କ ଦ୍ଵାରା ଦଣ୍ଡ ନୃତ୍ୟ କାର୍ଯ୍ୟକ୍ରମ ଆଦି ଅନୁଷ୍ଠିତ ହୋଇଥିଲା ।

ଆଜି ଶେଷ ଦିନରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଏଥିରେ ୩୨ ୟୁନିଟ ରକ୍ତ ସଂଗ୍ରହ ହୋଇଥିଲା । ପାତାଳୀ କ୍ଷେତ୍ର ଟ୍ରଷ୍ଟ ର ଉତ୍ତର ପାତ୍ର, ପୂର୍ଣ୍ଣଚନ୍ଦ୍ର ପାଢୀ, ଜାନକୀରାମ ଦେହେରୀ, ମହାଦେବ ସାହୁ, ଜଗଦିଶ କର୍ଣ୍ଣ ଓ ମହୋତ୍ସବ ପରିଚାଳନା କମିଟିର ପର୍ଶୁରାମ ବାରିକ, ମନୋରଞ୍ଜନ ପାଢୀ,ଚମରା ସେଠୀ, ନରେନ୍ଦ୍ର ବାଘ, ନରସିଂହ ପଧାନ, ବିରମିତ୍ର ପଧାନ, ନଳିନୀକାନ୍ତ ବାଘ, ଘାସିରାମ ଅମାତ୍, ମୁରଲୀଧର ଭୋଇ ଆଦି ପରିଚାଳନା କରିଥିଲେ । ମହାପ୍ରଭୁ ଙ୍କୁ ଦର୍ଶନ କରିବା ପାଇଁ ହଜାର ହଜାର ଭକ୍ତ ଙ୍କ ସମାଗମ ହୋଇଥିଲା ।

Popular Articles