ରିପୋର୍ଟ : ଦେବଦତ୍ତ ପଣ୍ଡା
କଳାହାଣ୍ଡି, (୧୮/୦୧) : କଳାହାଣ୍ଡି ଜିଲ୍ଲା ଗୋଳାମୁଣ୍ଡା ଥାନା ଅନ୍ତର୍ଗତ ଖମାରହଳଦୀର ବିଜୁ ଏକ୍ସପ୍ରେସ ରାସ୍ତାରେ ନିୟୋଜିତ ମେସିନ ଜଣେ ଲୋକଙ୍କ ଉପରେ ଚଢିଯିବାରୁ ଘଟଣାସ୍ଥଳରେ ମୃତ୍ୟୁ ଘଟିଛି ।
ମୃତକ ଜଣଜ ହେଲେ ଧର୍ମଗଡ଼ ଥାନା ଅନ୍ତର୍ଗତ ଛେଣ୍ଡିଆ ଗ୍ରାମର ଚମାର ନିଆଲ (୫୫) ବୋଲି ଜଣାପଡିଛି । ସୂଚନାମତେ ଚମାର ନିଆଲ ବିଜୁ ଏକ୍ସପ୍ରେସ ରାସ୍ତା କାମରେ ଦୀର୍ଘଦିନ ଧରି ଶ୍ରମିକ ଭାବରେ କାମ କରୁଥିଲେ । ରାସ୍ତାରେ ନିୟୋଜିତ ମେସିନ ରାସ୍ତାରେ ପଡିରହିଥିବା ମେଟାଲ ଗୁଡିକୁ ସମାନ କରୁଥିବା ସମୟରେ ଏପରି ଦୁର୍ଘଟଣା ଘଟିଛି । ସହାୟତା ପାଇଁ ସ୍ଥାନୀୟ ଲୋକେ ଶବଟିକୁ ରାସ୍ତାରେ ମଝିରେ ରଖି ଦୀର୍ଘ ୫ ଘଣ୍ଟା ଧରି ରାସ୍ତା ଅବରୋଧ କରିଥିଲେ । ଖବର ପାଇ ଗୋଳାମୁଣ୍ଡା ପୋଲିସ ଆଇ ଆଇ ସି ଯୁଗଳ ଶବର ତାଙ୍କର ଟିମ ସହ ଘଟଣା ସ୍ଥଳରେ ପହଞ୍ଚି ବୁଝା ସୁଝା କଲାପରେ ଧାରଣରୁ ଓହରି ଥିବା ଜଣାପଡିଛି ।