କବର ରୁ କାଢ଼ିଲେ ଶବ , ଫୋରେନସିକ ଯାଞ୍ଚ ପାଇଁ ପଠାହେଲା

ରିପୋର୍ଟ: ଜଗଦୀଶ ଦାସ //
ଜି. ଉଦୟଗିରି(୧୦/୧୨): ମୋ ଝିଅ ସେଲିବ୍ରେଟ ଆତ୍ମହତ୍ୟା କରିନାହିଁ ତାକୁ କିଏ ହତ୍ୟା କରିଛି ଏପରି ବାପା ଜିଆସୁହା ନାୟକ ଜି.ଉଦୟଗିରି ଥାନାରେ ଅଭିଯୋଗ କରିଛନ୍ତି । ଜି.ଉଦୟଗିରି ପୋଲିସ ଅଭିଯୋଗ ପାଇବା ପରେ କବରରୁ ଶବକୁ ବାହାର କରି ଏଫ୍ ଏମ ଟି ପାଇଁ ଆଜି ପଠାଇଥିବା ଜଣାପଡିଛି ।

ବିବରଣୀରୁ ପ୍ରକାଶ ଯେ ଗତ ୦୧.୦୨.୨୦୧୮ ତାରିଖ ଦିନ ଜିଆସୁଆ ନାୟକ ନିଜ ଘରେ ଝିଅ ଜେ ଏସ ସେଲିବ୍ରେଟ୍ (୧୬) ର ଝୁଲନ୍ତା ଶବ ଦେଖିବା ପରେ ତାକୁ କବର ଦେଇଥିଲେ । ଜିଆସୂଆ ନାୟକ କୌଣସି ସୂତ୍ରରୁ ଝିଅକୁ ହତ୍ୟା କରାଯାଇଥିବା ଖବର ପାଇ ଜି.ଉଦୟଗିରି ଥାନାରେ ଗତ ୦୭.୧୨.୧୯ ତାରିଖରେ ଅଭିଯୋଗ କରିଥିଲେ ଯେ ମୋ ଝିଅ ସେଳିବ୍ରେଟ୍ କୁ ମୋ ଜ୍ବାଇଁ ସୁରଜିତ ନାୟକ ହତ୍ୟା କରିଛି । ଜିଆଶୁଆଙ୍କ ଏତଲା କ୍ରମେ ଜି.ଉଦୟଗିରି ପୋଲିସ ଥାନା କେଶ ନଂ ୧୩୧ ଦଫା ୩୦୨,୨୦୧ ରେ ମାମଲା ରୁଜୁ କରି ଉପ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଆଜି ଜି.ଉଦୟଗିରି ଅତିରିକ୍ତ ତହସିଲଦାର ଓ ମାଜିଷ୍ଟ୍ରେଟ ରାକେଶ କୁମାର ପାତ୍ରଙ୍କ ଉପସ୍ଥିତିରେ କବର ଦିଆଯାଇଥିବା ଜାଗାରୁ ଜେ ଏସ ସେଲିବ୍ରେଟର ଶବକୁ ବାହାର କରି ଏଫ୍ ଏମ ଟି ପାଇଁ ପଠାଯାଇଥିବା ଜି.ଉଦୟଗିରି ଉପଖଣ୍ଡ ପୋଲିସ ଅଧିକାରୀ ଜୟକୃଷ୍ଣ ବେହେରା ସୂଚନା ଦେଇଛନ୍ତି । ପ୍ରକାଶ ଥାଉକି ପୂର୍ବରୁ ଜିଆସୁଅ ନାୟକ ମାନ୍ୟବର ମୁଖ୍ୟମନ୍ତ୍ରୀ, ମାନବ ଅଧିକାର, ମହିଳା କମିଶନ, କନ୍ଧମାଳ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଥିବା ଜଣାଇଛନ୍ତି ।

Comments are closed.