ପଦ୍ମପୁରରେ ସ୍ବଚ୍ଛ ଭାରତ କାଗଜ କଲମରେ

ରିପୋର୍ଟ: ନିରୋଜ ପାଣି //
ପାଇକମାଳ(୦୩/୧୨): ନିଜେ ସଫା ରହିବାକୁ ହେଲେ ନିଜ ପରିବେଶକୁ ଆଗ ସଫା ରଖିବା ନିହାତି ଦରକାର । ସରକାର ସହରାଞ୍ଚଳ ଓ ଗ୍ରାମାଞ୍ଚଳ ସଫା ରଖିବା ନିମନ୍ତେ ବିଭିନ୍ନ ଯୋଜନା ମାନ କରୁଛନ୍ତି ।ସ୍ବଛ୍ଛ ଭାରତ ମିଶନ ତନ୍ମଧ୍ୟରୁ ଅନ୍ୟତମ ।

ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦରେ ଏହି ଯୋଜନା ମାଧ୍ୟମରେ ବିଭିନ୍ନ ଜନଗହଳି ଯାଗା ଯଥା କଚେରୀ ପରିସର,ଖେଲ ପଡିଆ,ବଜାର ପରିସର ତଥା ଅନ୍ୟାନ୍ୟ ଯାଗାରେ ଅସ୍ଥାୟୀ ସୌଚାଳୟ ମାନ ଖୋଲାଯାଇଥିଲା । ହେଲେ ବର୍ତ୍ତମାନ ଦେଖିବାକୁ ଗଲେ ଏହା ଚେତା ଶୂନ୍ୟ ହୋଇ ପଡିଛି । ଯେଉଁ ସୌଚାଳୟ କାର୍ଯ୍ୟକ୍ଷମ ହେଉଛି ତାହା ତାଲା ବନ୍ଦ ଅଛି । ଅଧିକାଂଶ କାର୍ଯ୍ୟକ୍ଷମ ହେଉନାହିଁ । ସହରକୁ ବିଭିନ୍ନ କାମରେ ଆସୁଥିବା ଲୋକେ ସୌଚ ପାଇଁ ବହୁ ଅସୁବିଧା ଭୋଗୁଛନ୍ତି ,ବିଶେତଃ ମହିଳା ମାନେ ବହୁ ଅସୁବିଧା ଭୋଗୁଛନ୍ତି । ସରକାର ଯେଉଁ ଉଦ୍ଦେଶ୍ୟ ନେଇ ଯୋଜନା ପ୍ରଣୟନ କରିଛନ୍ତି, ପଦ୍ମପୁର ସହରରେ ତାହାର ବ୍ୟତିକ୍ରମ ଦେଖିବାକୁ ମିଲୁଛି । ଏ ବିଷୟରେ ବିଭାଗୀୟ ଅଧିକାରୀ ପଦକ୍ଷେପ ନେବାକୁ ସାଧାରଣରେ ଦାବୀ ହେଉଛି ।

Comments are closed.