ମାଓ ଅଂଚଳ ଚିପକୁରରେ ଅପରେସନ ଗ୍ରୀନ ଡାଇମଣ୍ଡ, ୯୨ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ

ରିପୋର୍ଟ: ଏନ.ସନ୍ତୋଷ କୁମାର //
ବୈପାରୀଗୁଡା(୦୩/୧୨): ଅପରେସନ ଗ୍ରୀନ ଡାଇମଣ୍ଡ ମାଧ୍ୟମରେ ଗଂଜେଇ ମୁକ୍ତ କରିବା ଉଦ୍ଧେଶ୍ୟରେ ଅଣ୍ଟା ଭିଡ଼ିଛନ୍ତି ସରକାର |

ବିଭିନ୍ନ ସ୍ଥାନରେ ବେଆଇନ ଗଞ୍ଜେଇ ଚାଷ ନଷ୍ଟ କରୁଥିବା ବେଳେ ଆଜି ବୈପାରୀଗୁଡା ବ୍ଲକ ପ୍ରଶାସନ ପକ୍ଷରୁ ମାଓ ଅଂଚଳ ଭାବେ ପରିଚିତ ଚିପକୁର ପଞ୍ଚାୟତରେ ଅପରେସନ ଗ୍ରୀନ ଡାଇମଣ୍ଡ ଦ୍ୱାରା ବେଆଇନ ଗଞ୍ଜେଇ ଚାଷ ନଷ୍ଟ ହୋଇଥିବା ଜଣାପଡିଛି | ମାଜିଷ୍ଟେଟ ଭାବେ ବୈପାରୀଗୁଡା ତହସିଲଦାର ସଂଜୀବ କୁମାର ସାହୁଙ୍କ ଉପସ୍ଥିତରେ ଏହି ପଦକ୍ଷେପ ନେଇଥିବା ଜଣାପଡିଛି |ଚିପକୁରର ଜବା ଗ୍ରାମର ୪୦ଏକର, ବଡ଼ଖାଦରା ଗାଁରେ ୧୮ଏକର ଓ ଗଲରିଗୁଡାରେ ୩୪ଏକର ବେଆଇନ ଭାବେ ମୋଟ ୯୨ଏକର ଗଞ୍ଜେଇ ଚାଷ ନଷ୍ଟ କରିଥିବା ତହସିଲଦାର ସୂଚନା ଦେଇଛନ୍ତି | ବୈପାରୀଗୁଡା ବିଏସଏଫ ଓ ଏସଓଜି ଯବାନ, ବୈପାରୀଗୁଡା ପୋଲିସ, ବନବିଭାଗ, ରାଜସ୍ବ ବିଭାଗ, ସହ ବୈପାରୀଗୁଡା, ବୋରିଗୁମ୍ମା, ଜୟପୁର, କୋରାପୁଟର ଅବକାରୀ ବିଭାଗ, କର୍ମକର୍ତାମାନେ ଏହି ଅପରେସନ ଗ୍ରୀନ ଡାଇମଣ୍ଡ ସାମିଲ ଥିଲେ |

One response to “ମାଓ ଅଂଚଳ ଚିପକୁରରେ ଅପରେସନ ଗ୍ରୀନ ଡାଇମଣ୍ଡ, ୯୨ଏକର ଗଞ୍ଜେଇ ଚାଷ ନଷ୍ଟ କଲା ପ୍ରଶାସନ”

  1. Bhagaban Muduli says:

    Good job…