ଜି.ଉଦୟଗିରିରେ ଟ୍ରାଫିକ ଧରପଗଡ ଜୋରଦାର

ରିପୋର୍ଟ: ଜଗଦୀଶ ଦାସ //
ଜି.ଉଦୟଗିରି(୦୨/୧୨): ମୋଟର ଯାନ ଆଇନ ଅନୁଯାୟୀ ଡିସେମ୍ବର ମାସ ଆରମ୍ଭରୁ ହିଁ ଜି.ଉଦୟଗିରିରେ ଟ୍ରାଫିକ ନିୟମ କଡାକଡି କରିଯାଇଛି ।

ଗାଡି କାଗଜପତ୍ର,ପଲ୍ୟୁସନ ପ୍ରମାଣପତ୍ର ଓ ଡ୍ରାଇଭିଂ ପ୍ରମାଣପତ୍ର ବ୍ୟତିତ ହେଲମେଟ ନ ପିନ୍ଧି ଗାଡି ଚଲାଇବା, ମଦ ପିଇ ଗାଡି ଚଲାଇବା, ଚାରି ଚକିଆ ଯାନ ଚାଳକ ସିଟ୍ ବେଲ୍ଟ ନ ବାନ୍ଧିବା, ଦୁଇ ଚକିଆ ଯାନରେ ତିନି ଜଣ ବସିବା ଆଦି ଟ୍ରାଫିକ ନିୟମ ଉଲଙ୍ଘନକାରି ଚାଳକଙ୍କୁ ଧରିବା ପାଇଁ ଧରପଗଡ ଅଭିଯାନ ଗତକାଲି (୦୧.୧୨.୧୯) ଠାରୁ ଜୋରଦାର କରାଯାଇଛି । ୦୧.୧୨.୧୯ ତାରିଖ ଦିନ ଜି.ଉଦୟଗିରି ପୋଲିସ ସହରର ବିଭିନ୍ନ ଜାଗାରେ ଗାଡି ଯାଞ୍ଚ କରି ଟ୍ରାଫିକ ନିୟମ ଉଲଙ୍ଘନକାରିଙ୍କୁ ଅଟକାଇ ସେମାନଙ୍କଠାରୁ ୨୨୫୦୦ ଟଙ୍କା ଜରିମାନା ଆଦାୟ କରିଥିବା ବେଳେ ଜଣେ ମଦ୍ୟପ ଚାଳକକୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ଥାନା ଅଧିକାରୀ ଧିରଜ ଲେଙ୍କା ସୂଚନା ଦେଇଛନ୍ତି । ଏହାବାଦ ଗତ ୩୦.୧୧ ୧୯ ତାରିଖ ଗାଡି ଯାଞ୍ଚରେ ମଧ୍ୟ ୪ଜଣ ମଦ୍ୟପ ଚାଳକଙ୍କୁ ଗିରଫ ହୋଇକୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଶ୍ରୀ ଲେଙ୍କା ସୁଚନା ଦେଇଛନ୍ତି ।

Leave a Reply

This site uses Akismet to reduce spam. Learn how your comment data is processed.