ଜି.ଉଦୟଗିରି ବ୍ଳକ ଅଧ୍ୟକ୍ଷାଙ୍କ ବିରୋଧରେ ଆସନ୍ତାକାଲି ଅନାସ୍ଥା ଭୋଟ

ରିପୋର୍ଟ: ଜଗଦୀଶ ଦାସ //
ଜି.ଉଦୟଗିରି(୨୭/୧୧): କନ୍ଧମାଳ ଜିଲ୍ଲା ଜି.ଉଦୟଗିରି ବ୍ଳକ ଅଧ୍ୟକ୍ଷାଙ୍କ ବିରୋଧରେ ଆସନ୍ତାକାଲି ଅର୍ଥାତ ୨୮.୧୧.୧୯ ତାରିଖରେ ଅନାସ୍ଥା ଭୋଟ ଗ୍ରହଣ ହେବାକୁ ଯାଉଛି । କିଛି ଦିନ ପୂର୍ବରୁ ଅଧ୍ୟକ୍ଷା ଓ ନିର୍ବାଚିତ ସଭ୍ୟମାନଙ୍କ ମଧ୍ୟରେ ଚାଲିଥିବା ତୁ ତୁ ମେ ମେ ର ଅବସାନ ଆସନ୍ତାକାଲି ଘଟିବ ବୋଲି ସମସ୍ତଙ୍କର ଆଶା ।

ଏଥିପାଇଁ ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି ।ଅଧ୍ୟକ୍ଷାଙ୍କୁ ଗାଦିଚ୍ୟୁତ କରିବାକୁ ବିରୋଧି ବ୍ଳୁ ପ୍ରିଣ୍ଟ ପ୍ରସ୍ତୁତ କରୁଥିବା ବେଳେ, ବିରୋଧିଙ୍କୁ ଚେକ୍ ଦେଇ ନିଜର ଚୌକି ରକ୍ଷା କରିବାକୁ ଅଧ୍ୟକ୍ଷା ମହୋଦୟା ଜୋରଦାର ପ୍ରୟାସ କରୁଥିବା ଶୁଣିବାକୁ ମିଳିଛି । ପ୍ରିଜାଇଡିଂ ଅଫିସର ଭାବେ ଚକାପାଦ ବି ଡି ଓ ଅନିଲ କୁମାର ପଟ୍ଟନାୟକଙ୍କ ଉପସ୍ଥିତିରେ ଗୁପ୍ତ ଭୋଟ ଗ୍ରହଣ କରାଯିବାକୁ ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଛି । ବ୍ଳକର ନିର୍ବାଚିତ ସମସ୍ତ ସରପଞ୍ଚ ଓ ସମିତିସଭ୍ୟ/ସଭ୍ୟା ଉପସ୍ତିତ ରହି ଗୁପ୍ତ ଭୋଟ ଗ୍ରହଣରେ ଭାଗ ନେବାକୁ ପ୍ରଶାସନ ତରଫରୁ ଅନୁରୋଧ କରାଯାଇଛି ।

Leave a Reply

This site uses Akismet to reduce spam. Learn how your comment data is processed.