ଲୋକମହୋତ୍ସବ ଚଇତିର ପ୍ରସ୍ତୁତି ବୈଠକ ଅନୁଷ୍ଠିତ

ରିପୋର୍ଟ: ଗୋପୀନାଥ ଗୌଡ଼
ରାୟଗଡା(୨୬-୧୧): ରାୟଗଡା ଲୋକମହୋତ୍ସବ ଚଇତିର ପ୍ରସ୍ତୁତି ବୈଠକ ଉପଜିଲ୍ଲାପାଳଙ୍କ ଚିନ୍ତନ କକ୍ଷରେ ଅନୁଷ୍ଠିତ ହୋଇଯାଇଛି | ଚଇତି ପ୍ରଚାର କମିଟିର ଅଧ୍ୟକ୍ଷ ତଥା ରାୟଗଡା ଉପଜିଲ୍ଲାପାଳ ଶ୍ରୀଯୁକ୍ତ ପ୍ରତାପଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ୨୬-୧୧-୨୦୧୯ଦିନ ଚଇତି ପ୍ରଚାର ପ୍ରସାର ଓ ସୁପରିଚାଳନାକୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି |

ବୈଠକରେ କମିଟି ଆବାହକ ପୃଥ୍ୱୀରାଜ ସାହୁ, ସଂଯୋଜକ ଡ଼ଃ ଦୁଷ୍ମନ୍ତ କୁମାର ମହାନ୍ତି, ସହ ସଂଯୋଜକ ରମେଶ ଲିମା, ସଭ୍ୟ ବସନ୍ତ ଉଲକା, ରାଜେଶ ପଟ୍ଟନାୟକ, ଭି ଗୌରୀଜୟନ୍ତୀ, ରିତାରାଣୀ ମିଶ୍ର, ସତ୍ୟବ୍ରତ ମହାରଣା ପ୍ରମୁଖ ଯୋଗ ଦେଇ ନିଜ ନିଜର ବହୁମୂଲ୍ୟ ମତାମତ ରଖିଥିଲେ | ଏହିବର୍ଷ ଚଇତିରେ ଆନ୍ତର୍ଜିଲ୍ଲା ସହିତ ପଡୋଶୀ ଜିଲ୍ଲା କୋରାପୁଟ, କନ୍ଧମାଳ, କଳାହାଣ୍ଡିକୁ ମଧ୍ୟ୍ୟ ଏହି କାର୍ଯ୍ୟକ୍ରମ ସହିତ ସଂଯୁକ୍ତ କରିବାର ପଦକ୍ଷେପ ନିଆଯାଇଛି | ଜିଲ୍ଲାର ତିନୋଟି ସହର ସହିତ ୧୨୮ଟି ପଞ୍ଚାୟତ ରେ ଚଇତି ପୋଷ୍ଟର ଲଗାଇବା ପାଇଁ ନିଷ୍ପତି ନିଆଯାଇଛି | ପଡୋଶୀ ଜିଲ୍ଲାକୁ ସମ୍ପୃକ୍ତ କରିବାକୁ ହେଲେ ଜିଲ୍ଲା ସୀମାନ୍ତରେ ଯଥା ଅମ୍ବାଦଳା, କେରେଡା, ତେଲେଙ୍ଗା ପଦର ଗୁମୁଡା, ପ୍ରଭୃତି ବ୍ଲକରେ ଚଇତି ଫଳକ ତଥା ପୋଷ୍ଟର ଲଗାଇବାକୁ ନିଷ୍ପତି ନିଆଯାଇଛି | ସେହିପରି ଆଖପାଖ ଅଞ୍ଚଳ ତଥା ପଡୋଶୀ ଜିଲ୍ଲାକୁ ଯାତାୟାତ କରୁଥିବା ସମସ୍ତ ବସ ଓ ଅଟୋରିକ୍ସା ପଛପଟେ ମଧ୍ୟ ଏହି ଚଇତି ପୋଷ୍ଟର ଲଗାଇବାକୁ ସ୍ଥିର କରାଯାଇଛି | ଏପରିକି ପ୍ରଚାର ରଥରେ କୁଇ ଭାଷା ଓ ସଉରା ଭାଷାରେ ପ୍ରଚାର ପ୍ରସାର ନିମନ୍ତେ ପ୍ରସ୍ତାବ ମଧ୍ୟ ରହିଛି |

Leave a Reply

This site uses Akismet to reduce spam. Learn how your comment data is processed.