ରିପୋର୍ଟ : ପ୍ରଣତି ସାବତ
କାଶୀନଗର, (୨୧/୧୨) : କାଶୀନଗର ଏନ୍ ଏ ସି ରେ କାର୍ଯ୍ୟରତ କନିଷ୍ଠ ଯନ୍ତ୍ରୀ ନରେନ୍ଦ୍ର କୁମାର ସାହୁ ୩୬ ଲକ୍ଷ ବ୍ୟୟରେ କାମ ଚାଲୁ ରହୁଥିବା ଏକ ରାସ୍ତା ସହ କେନାଲ କାମ ର ବିଲ୍ ଅନୁମୋଦନ ନିମନ୍ତେ ୩୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ବ୍ରହ୍ମପୁର ଭିଜିଲାନ୍ସ ବିଭାଗର DSP ଶରତ କୁମାର ସାହୁ red handରେ ଧରିଥିଲେ ।
ବିଭାଗ ତରଫରୁ ତାଙ୍କ ନିଜ ବାସଭବନ ଯାହାକି କେନ୍ଦୁଝରର ଜିଲ୍ଲାର ଆନନ୍ଦପୁର ଗ୍ରାମରେ ଅବସ୍ଥିତ ସେଠାରେ ମଧ୍ୟ ଚଢାଉ ଜାରି ରହିଥିବା ସୁଚନା ମିଳିଛି । ଯନ୍ତ୍ରୀ ନରେନ୍ଦ୍ର ସାହୁ କାଶୀନଗର ଠାରେ ରହୁଥିବା ଏକ ଭଡ଼ା ଘରେ ମଧ୍ୟ ଚଢାଉ କରାଯାଇଥିଲା । ସୂଚନା ମୁତାବକ ଯନ୍ତ୍ରୀଙ୍କ ଠାରୁ ଠିକାଦାର କେ.ତେଜେଶ୍ୱର ରାଓ ଦେଇଥିବା ୩୦ ହଜାର ଟଙ୍କା ଓଡ଼ିଶା ଭିଜିଲାନ୍ସ ଦ୍ଵାରା ଜବତ କରି ବ୍ରହ୍ମପୁର ଠାରେ ଥିବା ମୁଖ୍ୟ ଭିଜିଲାନ୍ସ କାର୍ଯ୍ୟଳୟକୁ ଅଧିକ ତଥ୍ୟ ଅନୁସନ୍ଧାନ ପାଇଁ ସେମାନଙ୍କୁ ଧରି ଚାଲିଯାଇଥିଲେ ।