ଜିଲ୍ଲା ସ୍ତରୀୟ ଦିବ୍ୟାଙ୍ଗ ଛାତ୍ରଛାତ୍ରୀଙ୍କ କ୍ରୀଡା ପ୍ରତିଯୋଗିତା

ରିପୋର୍ଟ: ଗୋପୀନାଥ ଗୌଡ଼
ରାୟଗଡା(୨୩-୧୧-୨୦୧୯) ଆଜି ସ୍ଥାନୀୟ ଜିସିଡ଼ି ଉଚ୍ଚ ବିଦ୍ୟାଳୟର ଖେଳପଡିଆ ଠାରେ ଜିଲ୍ଲା ସ୍ତରୀୟ ଦିବ୍ୟାଙ୍ଗ ମାନଙ୍କ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି | ରାୟଗଡା ଜିଲ୍ଲାର ପ୍ରାୟ ୧୧ଟି ବ୍ଲକର ବିଭିନ୍ନ ବିଦ୍ୟାଳୟର ପ୍ରଥମ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଦିବ୍ୟାଙ୍ଗ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ |

ମୁଖ୍ୟ ଅତିଥି ଶ୍ରୀଯୁକ୍ତ ପ୍ରମୋଦ କୁମାର ବେହେରା (ରାୟଗଡା ଜିଲ୍ଲାପାଳ )କାର୍ଯ୍ୟକ୍ରମ ଟିର ଶୁଭ ଉଦଘାଟନ କରିଥିଲେ | ଛାତ୍ରଛାତ୍ରୀ ପ୍ରଥମେ କ୍ରୀଡା ପତାକା ଉତ୍ତଳନ କରି ମଶାଲ ସ୍ଥାପନ କରିଥିଲେ | ସମ୍ମାନିତ ଅତିଥିଭାବେ ରାୟଗଡା ଏସପି ଡ଼ଃ ଶ୍ରାବଣ ବିବେକ ଏମ, ଉପଜିଲ୍ଲାପାଳ ପ୍ରତାପ ଚନ୍ଦ୍ର ପ୍ରଧାନ, ଆଇଟିଡିଏ ପ୍ରକଳ୍ପ ପ୍ରଶାସକ ଟୁକୁ ବାରିକ, ଜିଲ୍ଲାର ମଙ୍ଗଳ ଅଧିକାରୀ ନନ୍ଦଲାଲ ବିଶ୍ୱାଳ,ସର୍ବଶିକ୍ଷା ଅଭିଯାନ ର ଡିସିପି ଅନ୍ଵେସ୍ତେସିଆ କେର୍କେଟା, ଜିଲ୍ଲା କ୍ରୀଡା ଅଧିକାରୀ ଶେଖ ଅଲେନ୍ଥର, ଜିଲ୍ଲା ସାମାଜିକ ଅଧିକାରୀ ଆଦିପତି କହଁର, ପୂର୍ଣ୍ଣଚଦ୍ର ବରିହା, ରମେଶଚଦ୍ର ନାୟକ, ବସନ୍ତ କୁମାର ପ୍ରଧାନ ପ୍ରମୁଖ ଉପସ୍ଥିତ ଥିଲେ | ଏହି ପ୍ରତିଯୋଗିତାରେ ବିଭିନ୍ନ ବିଦ୍ୟାଳୟ ରୁ ୧୮୧ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ | ୨୦ ଟି ଇଭେଣ୍ଟ ରେ ମୋଟ ୬୪ଟି କ୍ରୀଡା ପ୍ରତିଯୋଗିତା କରାଯାଇଥିଲା | ପ୍ରଥମ ହୋଇଥିବା ପ୍ରତିଯୋଗୀଙ୍କୁ ଏକ ହଜାର ଟଙ୍କା, ଦ୍ଵିତୀୟ ପ୍ରତିଯୋଗୀଙ୍କୁ ୭୫୦ଟଙ୍କା, ତୃତୀୟ ପ୍ରତିଯୋଗୀଙ୍କୁ ୫୦୦ଟଙ୍କା ଲେଖାଏଁ ଦେବା ସହିତ ମେଡାଲ ସହିତ ପ୍ରମାଣ ପତ୍ର ମଧ୍ୟ ପ୍ରଦାନ କରାଯାଇଥିଲା |

Leave a Reply

This site uses Akismet to reduce spam. Learn how your comment data is processed.