ରିପୋର୍ଟ : ଧ୍ରୁବରାଜ ମିଶ୍ର
ସୁବର୍ଣ୍ଣପୁର, (୧୮/୧୨) : ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ କମସରା ପୁଲିସ ଫାଣ୍ଡି ଆମ ପୁଲିସ ସମିତି ଓ ମୋ ସରକାର ଆନୁକୁଲ୍ୟରେ ଏକ ରକ୍ତ ଦାନ ଶିବିର ଅନୁଷ୍ଠିତ ହୋଇ ଯାଇଛି ।
କମସରା ପୁଲିସ ଫାଣ୍ଡି ପରିସରରେ ରକ୍ତ ଦାନ ଶିବିର ଅନୁଷ୍ଠିତ । ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ଏ ରକ୍ତ ଦାନ ଶିବିର କୁ ଶୁଭ ଉଦଘାଟନ କରି ଆଗକୁ କିଭଳି ନୂତନ ଯୁବ ପିଢୀ ନୂତନ ରକ୍ତ ଦାତା ରକ୍ତ ଦାନ କରିବେ ଏବଂ ଆମ ରାଜ୍ୟ ରେ ଯେମିତି ରକ୍ତର ଅଭାବ ରେ କୌଣସି ରୋଗୀ ନ ମରିବେ ସେଇ ମହତ ଉଦ୍ଦେଶ୍ୟ ନେଇ ସାରା ରାଜ୍ୟରେ ପୁଲିସ ପକ୍ଷରୁ ଏହି ଅଭିଯାନ ଜାରି ରହିଛି ବୋଲି କହିଥିଲେ ।
ଥାନା ଅଧିକାରୀ ସୁବ୍ରତ କୁମାର ପାଣିଗ୍ରାହୀଙ୍କ ସଂଯୋଜନା ଓ କମସରା ଫାଣ୍ଡି ଅଧିକାରୀ ଗଜାନନ ବେହେରାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ୨୫୮ ୟୁନିଟ ରକ୍ତ ସଂଗ୍ରହ କରାଯାଇଥିବା ବେଳେ ସେଥି ମଧ୍ୟରୁ ୪୨ ଜଣ ମହିଳା ଓ ୭୧ ଜଣ ନୂତନ ରକ୍ତ ଦାତା ରକ୍ତ ଦାନ କରିଥିଲେ । ଏହି ଶିବିରରେ ଓଡିଶା ଡ୍ରାଇଭର ମହାସଂଘ ତରଭା ଶାଖା ମାହେଶ୍ୱରୀ ସଂଗଠନ ,CHANGE YOUR MIND (ଚେଞ୍ଜ ଈଓର ମାଇଣ୍ଡ) ଆସୋସିଏସନ୍, ଭୀମ ଆର୍ମି , ପ୍ରଗତି କ୍ଲବ୍ ସରଗଜ, ଏଫ ସି କ୍ଲବ୍ କମସରା ସମେତ ଅନେକ ସ୍ଵେଚ୍ଛାସେବୀ ସଂଗଠନ ଓ ସ୍ଵେଚ୍ଛାକୃତ ରକ୍ତଦାତା ରକ୍ତଦାନ ଶିବିର ରେ ଯୋଗ ଦାନ କରିଥିଲେ ।
ଜିଲ୍ଲା ପୁଲିସ ର ସୋନପୁର ଏସ ଡି ପି ଓ ପୁଷ୍ପାଞ୍ଜଳି ନୀଙ୍ଗି, ଡି ଏସ ପି ସତ୍ୟଜିତ ମିଶ୍ର, ରକ୍ତ ଦାତା ଓ ବିଭିନ୍ନ ସଂଗଠନକୁ ସମ୍ବର୍ଦ୍ଧିତ କରି ଉତ୍ସାହିତ କରିଥିଲେ । ତରଭା ଆଇ ଆଇ ସି ଶ୍ରୀ ପାଣିଗ୍ରାହୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସଭା ରେ ତରଭା ଥାନାର ଏସ ଆଇ ଯଯାତୀ ସାହୁ, ଏ ଏସ ଆଇ ନିମେଇ ବାରିକ୍, ନିରୁପମା ସ୍ୱାଇଁ ,କମସରା ଫାଣ୍ଡି ର ନିରଞ୍ଜନ ଭଞ୍ଜ, ଶକ୍ତି ଭେସେରା, ପ୍ରକାଶ ଧରୁଆ, ଉମେଶ ନାଗ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
ଜିଲ୍ଲା ରକ୍ତ ଦାତା ସଂଯୋଜକ ହବିଲାଦାର ମନୋଜ ପଣ୍ଡା ଓ ଆମ ପୁଲିସ ସଂଯୋଜକ ଶିଶିର ପଣ୍ଡା, ଜୟ ପ୍ରକାଶ, ନାରାୟଣ ସାହୁ, ଅଶୋକ ସାହୁ ସଭା ସଂଯୋଜନା କରିଥିଲେ । ସୁବର୍ଣ୍ଣପୁର ରକ୍ତ କେନ୍ଦ୍ର ୭୦ ୟୁନିଟ, ବୁର୍ଲା ଭିମସାର ୧୦୪, ବରଗଡ ୪୦ ଓ ବଲାଙ୍ଗୀର ୪୫ ୟୁନିଟ ରକ୍ତ ସଂଗ୍ରହ କରିଥିଲେ । ସମସ୍ତ ରକ୍ତ କେନ୍ଦ୍ର ର କର୍ମଚାରୀ ଡ. ସୂଦୀପ ସରକାର, କରୁଣା କର ସାହୁ, ଜଗତ ଦରୁଆନ, ଟିଟୁ ଭୋଇ, ମଣ୍ଟୁ ପ୍ରଧାନ ଭୁବନେଶ୍ଵର ସାହୁ ପ୍ରମୁଖ ରେଜିଷ୍ଟ୍ରେସନ ଓ ରକ୍ତ ସଂଗ୍ରହ କରିଥିଲେ ।