ବ୍ରାହ୍ମଣସାହିରେ ୨୪ପ୍ରହରୀ ନାମ ସଂକୀର୍ତନ ଅନୁଷ୍ଠିତ

ରାୟଗଡା(୧୬/୧୧): ରାୟଗଡା ସ୍ଥିତ ବ୍ରାହ୍ମଣ ସାହିରେ ୨୪ପ୍ରହରୀନାମ ସଂକୀର୍ତ୍ତନ ଅନୁଷ୍ଠିତ ହୋଇଯାଇଛି | ପବିତ୍ର ମହାକାର୍ତ୍ତିକ ମାସରେ ରାୟଗଡା ସହର ସ୍ଥିତ ବ୍ରାହ୍ମଣ ସାହିରେ ପ୍ରଥମଥର ପାଇଁ ୨୪ପ୍ରହରୀ ନାମଯଂଜ୍ଞ ସଂକୀର୍ତ୍ତନ ପାଳିତ ହୋଇଯାଇଛି | ସାହିର ସମସ୍ତ ମହିଳା ଓ ପୁରୁଷ ଏକତ୍ରିତ ହୋଇ ନିକଟସ୍ଥ ଝଂଜାବତି ନଦୀରୁ ଜଳ ଆଣି ୨୪ପ୍ରହାରୀର ଶୁଭାରମ୍ଭ କରିଥିଲେ |

ରାୟଗଡା ଜିଲ୍ଲାର ଆଖପାଖରେ ଥିବା ଗ୍ରାମ ଗୁଡ଼ିକରୁ ସଂକୀର୍ତ୍ତନ ଦଳ ଗୁଡିକୁ ନିମନ୍ତ୍ରଣ କରାଯାଇଥିଲା | ଏପରିକି ଜିଲ୍ଲା ବାହାରୁ ମଧ୍ୟ ନାମିଦାମୀ ସଂକିର୍ତ୍ତନ ମଣ୍ଡଳୀଙ୍କୁ ନିମନ୍ତ୍ରଣ କରାଯାଇଥିଲା | ସମୟନ୍ତରାଳ କ୍ରମେ ଭିନ୍ନ ଭିନ୍ନ ଦଳ ନିଜ ନିଜ ସମୟରେ ନାମ ସଂକିର୍ତ୍ତନକୁ ଅନବରତ ପରିଚାଳିତ କରିଚାଲିଥିଲେ | ପ୍ରଥମ ଦିନରୁ ହିଁ ସର୍ବସାଧାରଣଙ୍କ ନିମନ୍ତେ ଅର୍ଣ୍ଣପ୍ରାସାଦର ବ୍ୟବସ୍ଥା କରାଯାଇଥିଲା | ବାହ୍ୟଗ୍ରାମ୍ୟରୁ ଆସିଥିବା ସମସ୍ତ ସଂକିର୍ତ୍ତନ ମଣ୍ଡଳୀଙ୍କର ରହିବା ଓ ଭୋଜନର ସମସ୍ତ ସୁବିଧା କରାଯାଇଥିଲା | ବ୍ରାହ୍ମଣ ସାହିରେ ପ୍ରଥମଥର ପାଇଁ ଏହି ନାମଯଜ୍ଞ ଅନୁଷ୍ଠିତ ହୋଇଥିଲେ ମଧ୍ୟ ଅଭିଜ୍ଞ ଓ ବରିଷ୍ଠ ମାର୍ଗଦର୍ଶୀଙ୍କ ସହଯୋଗରେ କାର୍ଯ୍ୟକ୍ରମଟି ସମ୍ପୂର୍ଣ୍ଣ ଶାନ୍ତ ଏବଂ ସୌହାର୍ଧ୍ୟା ପୂର୍ଣ ବାତାବରଣରେ ସମାପନ ହୋଇଥିଲା | ପବିତ୍ର କାର୍ତ୍ତିକର ପଞ୍ଚକ ସହିତ ଏହି ନାମଯଜ୍ଞ କିଛିଦିନ ପାଇଁ ଏକ ପବିତ୍ର ଓ ଭକ୍ତିମୟ ପରିବେଶ ସୃଷ୍ଟି କରିଥିଲା |

ଶେଷ ଦିନ ସାହିର ସମସ୍ତ ମହିଳା, ପୁରୁଷ ବୃଦ୍ଧ ବନିତା ହରିନାମ ସଂକୀର୍ତ୍ତନ ଓ ହୁଳହୁଳି ଧ୍ୱନି କରି ନଗର ପରିକ୍ରମା କରିଥିଲେ | ହରି ରାମର ପବିତ୍ର ମହାମନ୍ତ୍ରର ତାଳେ ତାଳେ ଭକ୍ତିରେ ବିଭର ହୋଇ ନାଚି ଉଠିଥିଲେ ଅଞ୍ଚଳବାସୀ | ଏହିପରି ଏକ ଭକ୍ତିଭରା ଉଲ୍ଲାସମୟ ବାତାବରଣରେ ନାମଯଜ୍ଞର ସମାପନ ହୋଇଥିଲା |

ରିପୋର୍ଟ: ଗୋପୀନାଥ ଗୌଡ଼

Comments are closed.