ଜେ.ଇ ୨ୟ ପର୍ଯାୟର ଟୀକାଦାନ

ପାଇକମାଲ(୧୫/୧୧): ସଂପ୍ରତି ପାଇକମାଲ ବ୍ଳକ ଅଧିନସ୍ଥ ସରକାରୀ ସେବାଶ୍ରମ ବୁକୁରାମୁଣ୍ଡା ଠାରେ ଜାପାନିଜ୍ ଏନସାଫାଲାଇଟିସ୍ ଟିକାକରଣ କରାଯାଇଛି |

ବୁକୁରାମୁଣ୍ଡା ସବ୍ ସେଣ୍ଟରରେ କାର୍ଯ୍ୟରତ ମହିଳା ସ୍ୱାସ୍ଥ୍ୟକର୍ମୀ ଶ୍ରୀମତି କବିତାଂଜଳୀ ଦାଶଙ୍କ ତତ୍ୱବଧାନରେ ଟୀକାଦାନ କାର୍ଯକ୍ରମ ପୂର୍ବରୁ ସେବାଶ୍ରମର ଛାତ୍ର -ଛାତ୍ରୀ ମାନଙ୍କୁ ନେଇ ଏକ ଶୋଭାଯାତ୍ରା ଗ୍ରାମ ପରିକ୍ରମା କରି ସ୍ୱାସ୍ଥ୍ୟ ସଚେତନତା, ଜାପାନିଜ ଏନସେଫାଲାଇଟିସ୍ ସଂପର୍କରେ ବିଭିନ୍ନ ସ୍ଲୋଗାନ ମାନ ଦେଇଥିଲେ | ପରେ ସ୍କୁଲ କାର୍ଯ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ଟୀକାଦାନ କରାଯାଇ ବିଶ୍ରାମ ପ୍ରକୋଷ୍ଠରେ ଏକଘଣ୍ଟା ଲେଖାଏଁ ବିଶ୍ରାମ ଦିଆଯାଇଥିଲା | ଉକ୍ତ କାର୍ଯ୍ୟକ୍ରମକୁ ସ୍ଥାନୀୟ ଆଶାକର୍ମୀ ପଦ୍ମା ବିଶ୍ୱାଳ ସଠିକ ଭାବେ ତଦାରକ କରିଥିଲେ ସ୍କୁଲର ସମୁଦାୟ ୮୭ ଜଣ ଛାତ୍ରଛାତ୍ରୀଙ୍କୁ ଟୀକାକରଣ କରାଗଲା ବୋଲି ସେବାଶ୍ରମର ସହକାରୀ ଶିକ୍ଷକ ଶ୍ରୀଯୁକ୍ତ ଲଲିତ କୁମାର ମହାନନ୍ଦଙ୍କ ଠାରୁ ପ୍ରକାଶ | ଶେଷରେ ସ୍କୁଲର ସଭାପତି ଶ୍ରୀଯୁକ୍ତ ମହେନ୍ଦ୍ର ବାରିକ ସରକାରଙ୍କ ଏଭଳି ମହତ୍ କାର୍ଯ୍ୟକ୍ରମକୁ ତାରିଫ କରିଛନ୍ତି |
ରିପୋର୍ଟ: ନିରୋଜ ପାଣି

Comments are closed.