ରାଜ୍ୟ ସ୍ତରୀୟ ସୁରଭିରେ ବୈପାରୀଗୁଡାର ଭିନ୍ନକ୍ଷମ ଛାତ୍ରୀ ଶିପ୍ରା ସରକାର

ବୈପାରିଗୁଡା(୧୨/୧୧): ଆସନ୍ତା ନଭେମ୍ବର ୧୪ତାରିଖରେ ଶିଶୁ ଦିବସ ଅବସରରେ ରାଜ୍ୟ ସ୍ତରୀୟ ଶିଶୁ ମହୋତ୍ସବ ୨୦୧୯ ସୁରଭି କାର୍ଯ୍ୟକ୍ରମରେ ଗୀତ ପ୍ରତିଯୋଗିତାରେ ଭାଗ ନେବେ ବୈପାରିଗୁଡାର ସିପ୍ରା ସରକାର |

ଗତ କିଛି ଦିନ ପୂର୍ବେ ସିପ୍ରା କୋରାପୁଟ ବାଳିକା ଉଚ୍ଚ ବିଦ୍ୟାଳୟ ପରିସରରେ ଆୟୋଜିତ ଜିଲ୍ଲା ସ୍ତରୀୟ ଶିଶୁ ମହୋତ୍ସବ ୨୦୧୯ ଗୀତ ପ୍ରତିଯୋଗିତାରେ ପ୍ରଥମ ସ୍ଥାନ ହାସଲ କରିଥିଲେ | ଏଥିରେ କୋରାପୁଟ ଜିଲ୍ଲାର ୧୪ଟି ବ୍ଲକର ୧୪ଟି ଦଳର ଛାତ୍ର ଛାତ୍ରୀ ଯୋଗଦେଇ ବିଭିନ୍ନ ପରିଯୋଗିତାରେ ଭାଗ ନେଇଥିବା ବେଳେ ଗୀତ ପ୍ରତି ଯୋଗିତାରେ ସିପ୍ରା ପ୍ରଥମ ସ୍ଥାନ ଅଧିକାର କରିଥିଲେ | ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କୋରାପୁଟ ଜିଲ୍ଲାପାଳ ମଧୁସୂଦନ ମିଶ୍ର ସିପ୍ରାଙ୍କୁ ପ୍ରଥମ ସ୍ଥାନ ଲାଗି ପୁରସ୍କାର ସହ ମାନପାତ୍ର ପ୍ରଦାନ କରିଥିଲେ |

ସିପ୍ରା ସରକାର ବୈପାରୀଗୁଡା ଗୌଡ଼ସାହି ଉଚ୍ଚ ପ୍ରାଥମିକ ବିଦ୍ୟାଳୟର ଅଷ୍ଟମ ଶ୍ରେଣୀର ଭିନ୍ନକ୍ଷମ ଛାତ୍ରୀ | ସିପ୍ରା ବ୍ଲକ ସ୍ତରୀୟ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପକ୍ଷରୁ ଆୟାଜିତ ଗୀତ ପ୍ରତିଯୋଗିତାରେ ପୁରସ୍କୃତ ହୋଇଥିବା ବେଳେ ରାଜ୍ୟ ସ୍ତରୀୟ ଶିଶୁ ମହୋତ୍ସବକୁ ମନୋନୀତ ହୋଇଥିବାରୁ ସିପ୍ରାଙ୍କ ପରିବାର ସହ ବିଦ୍ୟାଳୟର ଛାତ୍ର ଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀଙ୍କ ଉତ୍ସାହ ଦେଖିବାକୁ ମିଳିଛି |

ରିପୋର୍ଟ: ଏନ.ସନ୍ତୋଷ କୁମାର

Comments are closed.