ରାସ୍ତା କଡ଼ରେ ଗଛ ଯୋଗୁ ବଢ଼ୁଛି ଦୁର୍ଘଟଣା, ପ୍ରଶାସନ ନୀରବ

ରିପୋର୍ଟ: ସତ୍ୟଜିତ ବାରିକ
ଯାଜପୁର(୧୦/୧୧): ଯାଜପୁର ଜିଲ୍ଲା ବରୀ କଳାମାଟିଆ ରାସ୍ତାର ଦୁଇ ପାର୍ଶ୍ଵରେ ବଡ଼ ବଡ଼ ଗଛ ରହିଛି ଯାହାକି ଏବେ ଦୁର୍ଘଟଣାର ବଡ଼ କାରଣ ପାଲଟିଥିବା ବେଳେ ନିକଟରେ କସ୍ତୁରବା ମାତୃମଙ୍ଗଳ ନିକଟରେ ଥିବା ବଡ଼ ଚାକଣ୍ଡା ଗଛ ନିକଟରେ ବାରମ୍ବାର ଦୁର୍ଘଟଣା ଘଟିଥିବା ଦେଖିବାକୁ ମିଳିଛି ।

ଗତ କିଛି ଦିନ ତଳେ ଏକ ବାଇକ୍ ଯୋଗେ ବାପା ମା ଆଉ ପୁଅ ଯାଉଥିବା ସମୟରେ ଉକ୍ତ ଗଛ ଯୋଗୁ ଟ୍ରକ୍ ଓ ବାଇକ୍ ଧକ୍କା ହୋଇଥିଲା ଯେଉଁଥିରେ ମା ଏବଂ ପୁଅର ମୃତ୍ୟୁ ଘଟଥିବାବେଳେ ଏହି ଗଛ ମୂଳେ ୧୫ରୁ ଉର୍ଦ୍ଧ ଦୁର୍ଘଟଣା ହୋଇଥିବା ନଜର ରହିଛି । ଗଛ ଗୁଡ଼ିକର ଶାଖା ରାସ୍ତା ଉପରକୁ ମାଡ଼ି ଆସିବାରୁ ବଡ଼ ଟ୍ରକ, ବସ୍ ଓ ଯାତ୍ରୀଙ୍କ ପାଇଁ କାଳ ହେଇଥିବା ବେଳେ ପ୍ରଶାସନ ନୀରବ ଦ୍ରଷ୍ଟା ସାଜିଥିବା ଆଲୋଚନା ହେଉଛି । ବରୀ ଅଞ୍ଚଳର ଛାତ୍ର, ଯୁବକ, ବୁଦ୍ଧିଜୀବୀ, ବରୀ ମାଉଣ୍ଟର ବ୍ୟବସାୟୀ ସଂଘ ପକ୍ଷରୁ ବରୀ ତହସିଲ କତୃପକ୍ଷ ଓ ବରୀ ମଣ୍ଡଳ ଉନ୍ନୟନ ଅଧକାରୀଙ୍କୁ ବାରମ୍ବାର ଅଭିଯୋଗ କରିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହଁନ୍ତି ବୋଲି ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ତୁରନ୍ତ ଉକ୍ତ ସମସ୍ୟାର ସମାଧାନ ପାଇଁ ବରୀ ମାଉଣ୍ଟ ବ୍ୟବସାୟୀ ସଂଘ ପକ୍ଷରୁ ବରୀ ତହସିଲ କତୃପକ୍ଷଙ୍କୁ ଅନୁରୋଧ କରାଯାଇଛି ।

Comments are closed.